क्यूआर कोडले गर्दा वैदेशिक रोजगारमा जाने व्याक्तिहरु पीडित

काठमाडौं, १९ पुस । वैदेशिक रोजगारमा जाने युवाहरु दैनिक पीडित भएका छन् ।

उनीहरुले कोभिड–१९ को भ्याक्सीन लगाएको प्रमाणीकरण नहुँदा पीडित बनेका हुन् । म्यानपावर कम्पनीले भ्याक्सिनको प्रमाणीकरण कागाजात (क्यूआर कोड) सम्बन्धित निकायाले प्रमाणीकरणमा ढिलाई गर्दा पीडित बनेका हुन् ।

बिभिन्न निकायामा प्रमाणीकरणका लागि सम्बन्धित खोप लगाएको पालिकामा सम्पर्क गर्दा समेत उनीहरुलाई बिभिन्न बहाना बनाएर कर्मचारीहरुले प्रमाणीकरणमा ढिलाई गर्ने गरेका छन् ।

वैदेशिक रोजगारमा जाने दैलेख स्थायी ढेगाना भएका दुर्गा सापकोटाले खोप लगाएको कागाजात प्रमाणीकरण गर्न अनलाईन मार्फत फारम भरी सम्बन्धित निकायमा पुग्दा कर्मचारीले कहिले इन्टरनेट को समस्या त कही के बहाना बनाई नीज पीडित भएको भन्दै न्यूज आजकोलाई बताए । उनले भने, ‘म पालिकामा पटक–पटक पुग्दा समेत मेरो काम गरिदिएन ।’ त्यस्तै लुम्बीनि प्रदेश गैडहवा घर भएका द्वय बिरु कुमाल र गोबिन्द कुमाललाई पनि यस्तै पीडा भएको छ ।

उनीहरुले पनि अनलाईन मार्फत फारम भरी सम्बन्धित निकायमा पुग्दा समेत आज १ हप्ता सम्म आफ्नो काम नभएको बताए । उनीहरुले म्यानपावर कम्पनीले बारम्बार सो भ्याक्सीन प्रमाणीकरणको कागाजात मागेको बताए । उनीहरुले भने,‘अबत म्यानपावर कम्पनीबाट भिषा सकिन लाग्यो भन्दै फोन आइरहेको छ ।’ सम्बन्धित निकायाको लाप्रवाहीले गर्दा हजारौ युवाहरुको बिचल्लि काठमाडौंमा देख्न सकिन्छ । कुमालका अनुसार कसैको दुई मिनेटमा क्यूआर कोड अर्थात खोप प्रमाणीकरण कागजात प्रिण्ट भएको छ ।

पहुँच र आफ्ना भएको ठाउँमा मात्र काम हुने हो भने हामी जस्ता युवाहरुको भविश्य के हुन्छ भन्ने प्रश्न कुमालले न्यूज आजको सँग राखेका थिए । सँच्चिकै वैदेशिक रोजगारमा जाने युवाहरु पीडित कहीलेसम्म हुने यो सरकार र सम्बन्धित निकायलाई न्यूज आजको प्रश्न रहेको छ ।
 

‘ध्रुवासन’मा विश्व रेकर्ड राखे विक्रम खड्काले (फोटो फिचरसहित)

काठमाडौं, ६ मंसिर । नेपालका विक्रम खड्काले योगा अन्तर्गत ‘ध्रुवासन’मा लामो समय बसेर विश्व रेकर्ड कायम गरेका छन् । 
लायन्स क्लव अफ काठमाडौं च्याम्पियनका सञ्चार एवं मार्केटिङ अध्यक्ष खड्काले काठमाडौं गोंगबुस्थित न्यू लाईफ आयुर्वेद क्लिनिकमा शनिबार ३ घण्टा ५५ मिनेट लक्ष्य लिएर ३ घण्टा ३६ मिनेट बसेर विश्व रेकर्ड बनाएका हुन् ।
यसअघि सन् २०२० को जुन १८ मा भारत बेङ्लोरका सनत्रथले ६६ मिनेट ५५ सेकेण्ड कायम गरेका थिए । शनिबार बिहान सवा ८ बजेबाट ‘ध्रुवासन’ शुरु गरेर ३ घण्टा ५५ मिनेट लामो समय बसेर रेकर्ड तोडेका थिए । 
न्यू लाईफ आयुर्वैद क्लिनीकका डा. चन्द्र कार्कीले खड्काले विभिन्न १० वटा मापदण्ड पुरा गरेको बताए । सो अवसरमा विश्वरेकर्डका प्रतिनिधिहरुको सहभागिता रहेको थियो । 
पर्वत घर भई हाल काठमाडौं बस्दै आएका खड्काले बुद्धिजममा स्नाकोत्तर गरेका छन् । उनले योगी विकाशानन्दबाट योगको प्रशिक्षण लिएका थिए । 
उनी यसअगाडी शिरासनमा ५ घण्टा लगायत बसेका थिए भने त्राटकमा ४ घण्टा लगायत बसेका थिए ।
लायन्स क्लब अफ काठमाडौं च्यम्पियनको आयोजनामा भएको उक्त कार्यक्रममा पूर्वरक्षामन्त्री एवं सांसद भिमशेनदास प्रधान, गोरखा क्षेत्र नं २ का सांसद एवं समाजसेवी प्रकाश दवाडी, वडा प्रतिनिधि निर्मला बोगटी, लायन्स इन्टरनेशनल ३२५ बी वान का डिष्ट्रिक गर्भनर प्रमुख मान बहादुर रोक्का, संगिता के.सी. थापा, सुर्य केसी लगायत उपस्थिति रहेको लाइन्स क्लव अफ काठमाडौं च्याम्पियनका उपाध्यक्ष (फष्ट भिपी) दिपकबाबु थापाले बताए ।

चीन–नेपाल मनैदेखि झन नजिक

काठमाडौं, ६ मंसिर । राष्ट्रियसभाका अध्यक्ष गणेशप्रसाद तिमिल्सिनाले जुनसुकै सरकार आए पनि नेपालको छिमेकी चीनसितको नीति र सम्बन्धमा कुनै फेरबदल नहुने बताएका छन् । स्थानीय एभरेष्ट होटलमा शुक्रबारदेखि शुरु भएको ‘युन्नान साङ्ग्रिला सांस्कृतिक आदानप्रदान तथा तस्वीर प्रदर्शनी’ शुभारम्भ गर्दै अध्यक्ष तिमिल्सिनाले नेपाल सधैँ एक चीन नीतिमा प्रतिबद्ध रहँदै आएको बताएका हुन्  ।  
उनले चिनियाँ पर्यटकलाई आकर्षित गर्ने खालका उत्पादन नेपालसँग रहेकाले त्यसको प्रवद्र्धन गर्नुपर्नेमा  जोड दिए। उनले भने, ‘कोभिड –१९ को महामारी भए पनि दुई देशका जनताबीच मनको निकटता झन् झन् बढेको छ ।’    
सो अवसरमा संस्कृति,पर्यटन तथा नागरिक उड्डयनमन्त्री योगेशकुमार भट्टराईले नेपाल र चीनबीच रहेको पुरानो सम्बन्ध र साझा विशेषता रहेको बताए । विनाकुनै समस्याका बीच नेपाल र चीनको सम्बन्ध कायम भएको ६५ वर्ष बितेको तथा दुई देशबीच सम्बन्ध फराकिलो हुँदै गएकामा उनले प्रसन्नता व्यक्त गरे ।
मन्त्री भट्टराईले कोरोना महामारीका कारण नेपालले नेपाल भ्रमण वर्ष २०२०  स्थगन गर्नुपरे पनि अवस्था सहज हुनासाथ नेपालमा चिनियाँ पर्यटकको आगमन बढ्ने आशा व्यक्त गरेका थिए । सरकारले घुमफिरको वातावरणलाई सहज बनाउँदै लगेको मन्त्री भट्टराईको भनाइ थियो । उनले पछिल्लो समय चीनले अघि सारेको बेल्ट एण्ड रोड इनिसियटिभमा नेपालसमेत सहभागी भएको र  यसबाट आर्थिक विकास र समृद्धिमा ठूलो टेवा पुग्ने विश्वास व्यक्त गरे ।

एक सातासम्म चल्ने तस्वीर प्रदर्शनीको संयोजन नेपाल चाइना मिडिया फोरमले गरेको हो । कार्यक्रममा चिनियाँ सरकार र कम्युनिस्ट पार्टीका नेताहरुले भिडियो कन्फ्रेन्समार्फत कार्यक्रम सफलताको कामना गरेका थिए । फोरमका अध्यक्ष किशोर श्रेष्ठले युन्नानसित नेपालको हजारौँ वर्ष सम्बन्ध रहेको तथा दुवैबीच भौगोलिक, जातीय र सांस्कृतिक विविधता रहेको, नेपालबाट एक हजार ७४७ किमीको मात्र दूरी भई अढाइ घण्टाको मात्र हवाई उडान  रहेको तथा नेपालका राष्ट्रपति,उपराष्ट्रपति र प्रधानमन्त्रीहरु युन्नानमा आयोजित विभिन्न कार्यक्रममा  प्रमुख अतिथिका रुपमा रहेको र मिडियाबीचको  सम्बन्ध पनि निकै राम्रो रहेको उल्लेख गरेका थिए । उनका अनुसार युन्नानमा दक्षिण एशियाका मात्र २० हजार  विद्यार्थी अध्ययनरत छन् । सात दिनको प्रदर्शनीमा युन्नानका भूगोल, जनजाति र संस्कृतिसम्बन्धी मनमोहक तस्वीरहरु प्रदर्शन गरिएको थियो ।

घलेगाउँमा आउन थाले पर्यटक(फोटोफिचर)    

लमजुङ, ६ मंसिर । लमजुङको क्होलासोथर गाउँपालिका–३ घलेगाउँमा पर्यटक आउन थालेका छन् । कोरोना भाइरसका कारण प्रभावित बनेको यहाँको घरबासमा करिब आठ महिनापछि आन्तरिक पर्यटक आउन थालेका हुन् ।     
गत साउनसम्म घरबास बन्द रहेकोमा भदौ १ गतेबाट खुल्ला भएपछि कहिलेकाहीँ दुई चार जना आउन थालेका थिए । यतिबेला दैनिक ३०÷३५ जना पर्यटक आउन थालेको ग्रामीण घलेगाउँ पर्यटन व्यवस्थापन समितिले जनाएको छ ।  घरबास सञ्चालक दीर्घराज घलेका अनुसार कोरोनाको त्रासका बीचमा समेत पर्यटक भित्र्याउनलाई उत्साहित भए पनि पर्यटक नआउँदा निरास बनेका यहाँका घरबास सञ्चालक आन्तरिक पर्यटक आउन थालेपछि खुशी हुन थालेका छन् । 
पर्यटक आगमनमा वृद्धि हुँदै गएपछि केही राहत पुुगेको ग्रामीण घलेगाउँ पर्यटन व्यवस्थापन समितिका अध्यक्ष तथा गाउँपालिकाका अध्यक्ष प्रेमबहादुर घलेले बताए । घलेगाउँबाट लमजुङ, अन्नपूर्ण (दोस्रो) र चौथो, माछापुच्छे«, मनास्लु, हिमालचुली, ङादीचुली (डा.हर्क हिमाल) र वुद्ध हिमाल देख्न सकिन्छ । सूर्योदय र सूर्यास्त, नमूना चिया बगानको अवलोकन, गुरुङ खाना, घले राजाको पार्क र गुरुङ सङ्ग्रहालय हेर्न सकिन्छ । जिल्लाको सदरमुकाम बेँसीशहरबाट सो गाउँ पुग्नलाई २३ किलोमिटरको दूरी पार गर्दै सवारी साधनमा करिब तीन घण्टा र पैदलयात्रा गरेमा करिब पाँच घण्टा समय लाग्छ ।  

लाइन्स क्लब र सहकारीको संयुक्त आयोजनामा भएको रक्तदान कार्यक्रममा ६० युनिट रगत संकलन

काठमाडौं, १ असोज । कोरोना भाईरस, कोभिड १९ को महामारी र बिद्यमान् बिषम् परिस्थितिका बाबजुद पनि लाइन्स क्लब अफ काठमाडौं रेसुंगा र गोरखकाली बहुउद्देश्यीय सहकारी संस्थाको संयुक्त आयोजनामा बृहत रक्तदान कार्यक्रम सम्पन्न भएको छ । 

संस्थाको कार्याशुभारम्भ साथै प्रारम्भीक साधारणसभाको बिशेष अवसर पारेर उक्त रक्तदान कार्यक्रमको आयोजना गरिएको सहकारी संस्थाका अध्यक्ष मित्रलाल पोखरेलले जानकारी दिए ।

अध्यक्ष पोखरेलले भने, ‘यो हाम्रो सहकारी संस्थाको औपचारीक उद्धघाटन कोभिड–१९ को विषम परिस्थितिको अन्त्य पश्क्चात हुनेछ । हाल हामीले कार्याशुभारम्भ मात्र गरेका हौं । आवश्यक मापदण्ड बमोजिम हामीले यो रक्तदान कार्यक्रमको आयोजना गरेका छौ । अहिले अस्पतालका शैयमा कयौं बिरामीहरु रगतको अभाव भई उपचारमा बाधा भएको भन्ने बिभिन्न सञ्चारमाध्यममा सुनिएको कारण हामीले क्लब र यो संस्थाको संयुक्त आयोजनामा यो कार्यक्रममको आयोजना गरेका हौं ।’

‘रक्त दान जीवन दान’ को मूल नारा सहित असोज १ गते बिहान १० बजेदेखि दिउँसो २ः३० बजेसम्म सहकारी संस्थाको कार्यालय परिसर निर्मल बाटिका, टोखा–११ मा भएको रक्तदान कार्यक्रममा ६० जना भन्दा बढी रक्तदाताहरुले रगत दान गरेका छन् । 

उक्त रक्तदान कार्यक्रममा टोखा नगरपालिकाका मेयर प्रकाश अधिकारी, उपमेयर ज्ञानमाया डंगोल साथै सम्पूर्ण वडाका प्रतिनिधिहरुको उपस्थितिमा उक्त कार्यक्रमको शुभारम्भ भएको थियो ।

सहकारी संस्थाका सदस्य लगायत अन्य व्यक्तिहरुको उपस्थित रहेको सहकारी संस्थाका सचिव गणेश दाहालले न्यूज आजको डटकमलाई बताए । उनले भने, ‘हाम्रो यो सानो रक्तदान कार्यक्रममा रगत दिएर पुण्य कमाउने काम त भइनै हाल्छ तर उक्त रगतले कयौं नागरीकको ज्यान बाँचेको हुन्छ । तसर्थ सो रक्तदानमा रगत दान गरेर पुण्य कमाउनुहुने सम्पूर्णमा आभार साथै धन्यवाद प्रकट गर्दछु ।’

‘विश्व स्वास्थ्य संगठन, नेपाल सरकार, स्वास्थ्य तथा जनसंख्या मन्त्रालय र कोभिड–१९ क्राइसिस म्यानेजमेन्ट सेन्टरले तयार गरेको मापदण्ड अनुसार उक्त रक्तदान कार्यक्रम सम्पन्न भएको थियो । सामाजीक दूरी कायम गर्दै सेनिटाइजर, साबुन पानीले हात धुनेलगायतका सुरक्षित बीधिबाट रक्तदान कार्यक्रम सम्पन्न भएको थियो ।

रक्तदान कार्यक्रममा सहकारी संस्थाका कार्यसमिति पदाधिकारीहरु, सदस्य लगायत अन्य बिशिष्ट व्यक्तित्वहरुको उपस्थिति रहेको थियो ।
 

गणेशमान सिंहको २३ औँ स्मृति दिवसको उपलक्ष्यमा रक्तदान कार्यक्रम हुने

काठमाडौं, २५ भदौ । नेपाली कांग्रेसका संस्थापक नेता एवम् २०४६ को जनआन्दोलनका कमाण्डर तथा लौहपुरुष स्वर्गीय गणेशमान सिंहको २३ औँ स्मृति दिवसको अवसरमा सामाखुसीमा रक्तदान कार्यक्रम हुने भएको छ ।

नेपाली कांग्रेस टोखा नगरपालिका–१०, काठमाडौंको आयोजना तथा नेपाल तरुणदल काठमाडौं जिल्ला सदस्य एवं प्रशिक्षण विभाग प्रमुख तथा युवा नेता दिपक थापाको संयोजकत्वमा शनिबार (भदौ २७ गते) बिहान १० बजेदेखि दिउँसो २ः३० बजेसम्म रक्तदान कार्यक्रमको आयोजना गर्न लागिएको हो ।

उक्त रक्तदान कार्यक्रममा नेपाली कांग्रेसका काठमाडौं जिल्ला सभापति कृष्ण सबुज बाँनियाको प्रमुख आतिथ्यता रहनेछ । सामाखुसी चोकमा रहेको स्काई पार्टी प्यालेसमा हुने रक्तदान कार्यक्रममा हाल सम्म एक सय जना भन्दा बढीले नाम दर्ता गरिसकेका कार्यक्रम संयोजक थापाले बताए ।

कर्णाली प्रदेशमा थप ४ जनामा कोरोना संक्रमण, थप १७ जना कोरोना संक्रमणमुक्त 

काठमाडौं, साउन ३ ।  कर्णाली प्रदेशमा थप ४ जनामा कोरोना संक्रमण पुष्टि भएको छ । सामाजिक विकास मन्त्रालयका अनुसार रुकुम पश्चिममा ३ जना र सल्यानमा थप १ जनामा कोरोना संक्रमण पुष्टि भएको हो ।

चौरजहारी नगरपालिका पीसीआर प्रयोगशाला रुकुम पश्चिममा गरिएको परीक्षणमा उनीहरुमा कोरोन संक्रमण पुष्टि भएको हो । योसँगै कर्णाली प्रदेशमा कोरोना संक्रमितको संख्या १७ हजार ३७ पुगेको छ । 

यस्तै कर्णाली प्रदेशमा थप १७ जना कोरोना संक्रमित उपचारपछि निको भएर शनिबार डिस्चार्ज भएका छन् । योसँगै कर्णाली प्रदेशमा उपचारपछि निको हुनेको संख्या १५ सय १० जना पुगेको छ । कर्णाली प्रदेशामा हालसम्म कोरोना संक्रमितमध्ये ६ जनाको मृत्यु भइसकेको छ । 

हेर्नुहोस् विज्ञप्ति 

सार्वजनिक यातायात छिट्टै चल्ने

काठमाडौं, साउन ३ । मौद्रिक नीतिले आफूहरुको अधिकांश माग सम्बाधेन गरेको भन्दै यातायात व्यवसायीले केही दिन भित्र सार्वजनिक सवारीसाधन चलाउने भएका छन् । व्यवसायीहरुले सरकारसँग बैंकको किस्ता सार्नुपर्ने, सुहलियत ब्याजदरको पुनर्कर्जा दिनुपर्ने लगायतका माग राख्दै आएका थिए। शुक्रबार सार्वजनिक भएको मौद्रिक नीतिले व्यवसायीहरुले राखेको माग सम्बोधन गरेपछि सार्वजनिक यातायात खुलाउन व्यवसायीहरु तयारीमा जुटेका हुन् ।

नेपाल यातायात व्यवसायी राष्ट्रिय महासंघका महासचिव सरोज सिटौलाले अबको २÷३ दिनभित्रै सार्वजनिक सवारी चलाउनेबारे निर्णय हुने जानकारी गराए । 

सरकारले गत असार २६ गतेबाट जिल्लाभित्र र काठमाडौं उपत्यकाभित्रको सार्वजनिक सवारी खुला गरेको थियो । यातायात व्यवसायीका छाता संगठनहरुले बस नचलाउने निर्णय गरेकाले अधिकांश यातायात कम्पनीले अझै सेवा सुरु गर्न सकेका छैनन् ।

केही यातायात कम्पनीले अहिले बस चलाइरहेका छन् । साझासहित मयूर, महानगर, संयुक्त, सुन्दर लगायतका कम्पनीले काठमाडौंमा यात्रु सेवा दिइरहेका छन् । टेम्पोहरुले पनि सेवा दिइरहेका छन् ।

रेशकी मृर्गौला पीडित थापालाई हङकङबाट १ लाख ५२ हजार सहयोग

रोहन जि.सी, बागलुङ, असार ४ । जिल्लाको काठेखोला गाउँपालिका वडा नम्बर ७ रेश पिडाल्ला कि मिर्गौलापीडित रिता थापालाई रोजगारीको सिलसिलामा विदेशिएका बागलुङका युवाहरुले आर्थिक सहयोग गरेका छन् ।
बागलुङ समाज हङकङका अध्यक्ष मनबहादुर थापा र सदस्य सुवास लामिछाने (जि.सी) को संयोजन, निलगिरी अस्पताल बागलुङका अध्यक्ष डिलबहादुर कार्कीको पहलमा संकलन गरिएको १ लाख ५२ हजार रुपैयाँ नगद रकम बिहिबार एक कार्यक्रमका बिचपीडित रिता थापालाई हस्तान्तरण गरिएको हो । 
सुवास लामिछानेका पिता मनबहादुर जिसी, निलगिरी अस्पतालका अध्यक्षकार्की लगायतले उक्त सहयोग रकम पीडित थापालाई हस्तान्तरण गरिएको थियो ।      
सो कार्यक्रममासहयोग हस्तान्तरण गर्दै प्रमुखअतिथि डिलबहादुर कार्कीले विदेशीएकायुवाहरुले आफ्नो गाउँठाउँमा समस्यापर्दा रकम संकलन गरी पठाएकोमा खुशी व्यक्तगर्दै उक्त सहयोगले पीडितको घाउँमा मल्हम लगाउन मद्दत पुग्ने बताए ।
कार्यक्रममा बोल्दै नेपाल कम्युनिष्ट पार्टी (नेकपा) बागलुङका कार्यालय सदस्य लालबहादुर थापाले रोगले बालबच्चा, बृद्धबृद्धा, धनीगरिब केहि नहेरी लाग्ने भएकोले रोग संग लड्ने आफ्नो आत्मबल बलियो बनाउन पर्ने भन्दै आगामी दिनमा पनि सबै माझ सहयोगको अपिल गरे ।
कार्यक्रममा मिगौला पीडित रिता थापाले आफ्नो आर्थिक अवस्था कमजोर भएको भन्दै उपचारमा सहयोग गर्नेहरुलाई धन्यवाद दिइन् । उनले शारीरिक रोगले भन्दा पारिवारिक अवस्थाको रोगले थाकिसकेको बताइन् । रोगको पीडा एकातिर छ, आर्थिक समस्याले थप पीडित बनाएको थापाको भनाइ छ ।
थापाको बिगत १ वर्ष देखी मिर्गौला रोगको उपचार हुदै आएको छ । हालसम्म उपचारमा ८ लाखभन्दा बढी खर्च भइसकेको थापाले बताईन् । विभिन्न क्षेत्रबाट उपचारको लागि २ लाख ७९ हजार रकम संकलन भएको र थप उपचारका लागि समस्या भएको पीडित थापाले बताइन् । घरको आर्थिक अवस्था कमजोर भएकाले थप सहयोगको अपेक्षा गरिएको थापाको भनाइ थियो । मृगौला पीडित थापाका श्रीमान, २ छोरी र १ छोरा छन् ।
कार्यक्रम काठेखोला गाउँपालिका वडा नं. ७ का अध्यक्ष प्रेम लामिछानेको अध्यक्षता र शिक्षकलोक बहादुर श्रीसको सञ्चालनमा सम्पन्न भएको थियो । 
 

गण्डकी प्रदेशका सहकारीकर्मीहरुबीच कोरोनाको प्रभाव विषयक अन्तरक्रिया सम्पन्न

बाग्लुङ, असार २ । राष्ट्रिय सहकारी महासंघ नेपालको आयोजनामा कोरोना (कोभिड–१९) को असर र भावी नीति तथा कार्यक्रमको विषयमा गण्डकी प्रदेश अन्तरगतका सहकारीहरुसंगको भर्चुअल छलफल ०७७ असार २ गते सम्पन्न भएको छ ।      
छलफल कार्यक्रममा गण्डकी प्रदेश अन्तरगत क्रियाशिल सहकारी संघहरुका अध्यक्षहरु र गण्डकी प्रदेशबाट राष्ट्रिय सहकारी महासंघ, राष्ट्रिय सहकारी बैंक र केन्द्रीय सहकारी संघहरुमा प्रतिनिधित्व गर्ने सहकारीकर्मीहरुले सुझाव र प्रदेशको अवस्थाका बारेमा जानकारी गराएका थिए ।     
गण्डकी प्रदेश अन्तरगतका सहकारी संघ संस्थाहरुले स्वास्थ्य, सचेतना, कृषि, दुग्ध, तरकारी, फलफूल, सञ्चार, फोहोर व्यवस्थापन लगायत वित्तीय क्षेत्रमा सहकारीका सदस्यहरु र आम समुदायलाई सहयोग गरेको सो अवसरमा जानकारी दिइएको थियो । सहभागीहरुले कोरोना संक्रमणका कारण उत्पन्न परिस्थितिमा गण्डकी प्रदेशका सहकारीहरुले सहकारीका सदस्यहरु लगायत आम समुदायलाई कोरोनाको संक्रमण, यसबाट पर्न सक्ने प्रभाव र यसबाट जोगिन सकिने उपायका बारेमा सचेतना प्रदान गरेको, विपदको समयमा पनि सदस्यहरुलाई स्वास्थ्य तथा खाद्यान्न सामग्री अभाव हुन नदिन समन्वयकारी भूमिका निर्वाह गरेको, आइसोलेन, क्वारेन्टिन निर्माण गरी जिल्ला स्तरीय विपद व्यवस्पान समितिसंग सहकार्य गरेको, केन्द्र सरकार, प्रदेश र स्थानीय सरकारले सञ्चालन गरेको विपद व्यवस्थापन कोषमा आर्थिक लगायत स्वास्थ्य सामग्री सहयोग लगायतका काम गरेको बताएका थिए ।     
सदस्यहरुको कोरोना बिमा गर्ने, लकडाउन अवधीको ब्याजमा छुट, हर्जाना छुट लगायत सदस्य र समुदायका लागि सहकारीहरुले प्रभावकारी काम गरेको सहभागीहरुले बताएका थिए ।    
कोरोनाको संक्रमण बढ्दै गएकाले थप सचेतना अभिवृद्धि गर्न, स्थानीय तहहरुसंग समन्वय गरेर स्वास्थ्य, कृषि, पर्यटन लगायतका क्षेत्रमा योजना निर्माण गरी रोजगारी सिर्जना गर्ने काममा सहकारीहरुको भूमिका बढाउनु पर्नेमा सहभागीहरुको जोड थियो ।
कोरोनाबाट पर्न सक्ने जोखिम न्यूनिकरणका लागि सबैसंग सहकार्य र समन्वय गरेर अगाडि बढ्नुका साथै सदस्यहरुको लगानीलाई थप सुरक्षित गर्दै उत्पादन, सेवा र वित्तीय कारोबारलाई अझै प्रभावकारी बनाउनु पर्नेमा कार्यक्रममा जोड दिइएको थियो ।  

   
कार्यक्रममा राष्ट्रिय सहकारी महासंघका अध्यक्ष मिनराज कंडेल, निवर्तमान अध्यक्ष केशव बडाल, वरिष्ठ उपाध्यक्ष तथा आएसीय ग्लोबल बोर्ड मेम्मर ओमदेवी मल्ल, उपाध्यक्ष रमेशप्रसाद पोखरेल, लेखा सुपरीवेक्षण समितिका संयोजक धर्मदत्त देवकोटाले तीन वटै तहका सरकारहरुले ल्याएको योजनासंग सहकारी क्षेत्रलाई ऐक्यवद्ध गराउदै गरिवी निवारणमा क्षेत्रमा काम गर्न सहकारीकर्मीहरुलाई सुझाव दिनु भएको थियो ।     
कार्यक्रममा राष्ट्रिय सहकारी महासंघका सञ्चालक तथा गण्डकी प्रदेशका संयोजक हुमा कुमारी जिसी (अञ्जु), नेपाल सूचना तथा सञ्चार केन्द्रीय सहकारी संघका उपाध्यक्ष तथा संघीय सांसद मनकुमारी केसी जिसी, केन्द्रीय दुग्ध उत्पादक सहकारी संघका वरिष्ठ उपाध्यक्ष अमरबहादुर कुँवर, राष्ट्रिय सहकारी बैंकका सञ्चालक तथा गण्डकी प्रदेशका संयोजक रामबहादुर जिसी र नेफ्स्कुनका सञ्चालक चण्डीप्रसाद शर्मा, नेफ्स्कुनका निवर्तमान सचालक भीम गुरुङ, पोखरा महानगर सहकारी समितिका अध्यक्ष तेजनारायण अधिकारीले कोरोनाका कारण उत्पन्न संकटमा सहकारीहरुले गरेको योगदान र आगामी दिनमा गर्न सकिने योजनाहरुको बारेमा आआफ्नो सुझाव राखेका थिए ।     
कार्यक्रममा गण्डकी प्रदेश अन्तरगतका ११ जिल्ला मध्ये ९ जिल्लाका सहकारी संघका अध्यक्षहरुले जिल्लाको अवस्था, योजना र महासंघले गर्नु पर्ने सहयोगका बारेमा जानकारी गराएका थिए ।     
कार्यक्रममा जिल्ला सहकारी संघ कास्कीका अध्यक्ष रविरमण तिवारी, जिल्ला सहकारी संघ स्याङ्जाका अध्यक्ष लक्ष्मीपती पौडेल, जिल्ला सहकारी संघ बागलुङका अध्यक्ष दिपक गौतम, जिल्ला सहकारी संघ म्याग्दीका अध्यक्ष प्रेमबहादुर कार्की (दिपक), जिल्ला सहकारी संघ तनहुँका अध्यक्ष श्रीप्रसाद भट्टराई, जिल्ला सहकारी संघ लमजुङका अध्यक्ष विजय गुरुङ, जिल्ला सहकारी संघ गोरखाका अध्यक्ष बाबुराम कोइराला, जिल्ला सहकारी संघ नवलपुरका वरिष्ठ उपाध्यक्ष तिलक पराजुली र बहुउद्देश्यीय सहकारी संघ पर्वतका अध्यक्ष दिपक आचार्यले जिल्लाको अवस्थाका बारेमा जानकारी गराएका थिए ।     

गण्डकी प्रदेशका ११ जिल्ला मध्ये मुस्ताङ र मनाङमा जिल्ला तथा विषयगत सहकारी संघहरु दर्ता भएका छैनन् । दुवै जिल्लामा जिल्ला सहकारी संघ निर्माणका लागि छलफल भैरहेको गण्डकी प्रदेश सहकारी संघ निर्माणका लागि गठित कार्यदलका संयोजक रामबहादुर जिसीले जानकारी दिए ।