11 Ashwin, 2080 / 28 September , 2023

Logo
Newsajako
Social Icon
Social Icon
Secondary Top

बैदेशिक रोजगार


वैदेशिक रोजगारीमा मृत्यु भएका श्रमिकका परिवारलाई राहत रकम बढाइने

वैदेशिक रोजगारीमा मृत्यु भएका श्रमिकका परिवारलाई राहत रकम बढाइने


काठमाडौं, २४ साउन । वैदेशिक रोजगार बोर्डले श्रम स्वीकृतिको अवधिभित्र गन्तव्य देशमा मृत्यु भएका नेपाली श्रमिकको परिवारलाई दिइँदै आएको राहत रकम बढाउने निर्णय गरेको छ । राहत रकम निर्धारण गर्न श्रमसचिव केवलप्रसाद भण्डारीको नेतृत्वमा अध्ययन समिति गठन गरिएको छ ।
श्रम, रोजगार तथा सामाजिक सुरक्षामन्त्री शरतसिंह भण्डारीको अध्यक्षतामा बसेको बोर्डको बैठकले मृतकका परिवारलाई दिइँदै आएको आर्थिक सहायता रकम बढाउने निर्णय गरेको हो ।
अहिले दिइँदै आएको ७ लाख रुपैयाँ अपुग भयो । कम्तीमा १० लाख रुपैयाँ निर्धारण हुनेछ । ‘अहिले दिइँदै आएको ७ लाख रुपैयाँ अपुग भयो । कम्तीमा १० लाख रुपैयाँ निर्धारण हुनेछ । त्योभन्दा बढी निर्धारण गर्नको लागि अध्ययन समिति बनाइएको छ । कोषको क्षमता हेरी हामी अब राहत रकम तोक्नेछौं’, सचिव भण्डारीले भने । यसको लागि चालु आर्थिक वर्षको बोर्डको राहत रकमको बजेट बढाइएको छ ।


वैदेशिक रोजगार विभागको ‘अनलाइन’सेवा अवरुद्ध

वैदेशिक रोजगार विभागको ‘अनलाइन’सेवा अवरुद्ध


काठमाडौं, २४ साउन । वैदेशिक रोजगार विभागको ‘अनलाइन’ सेवा अवरुद्ध भएको छ।

विभागको ‘एफइआइएमएस’ प्रणालीको फाइल सर्भर माइग्रेट गर्नुपर्ने भएकाले मंगलबारदेखि सेवा अवरुद्ध भएको विभागका सूचना अधिकारी तथा निर्देशक कविराज उप्रेतीले जानकारी दिए।

उनका अनुसार अवरुद्ध भएको अनलाइन सेवा शुक्रबारसम्म सुचारु हुने छ। सो प्रणालीमा ‘फाइनल अपलोड’ नहुने गरी सेवा अवरुद्ध भएको हो।

अहिले अनलाइनबाट श्रम स्वीकृतिका लागि आवेदन दिन नमिल्ने भएको विभागले जनाएको छ।  यसअघि नै अपलोड भएका कागजात भने हेर्न र परिवर्तन गर्न सकिने भएको उनले बताए।
 


वैदेशिक रोजगारीः एक वर्षमा ४४ सय ६४ ठगीका मुद्दा

वैदेशिक रोजगारीः एक वर्षमा ४४ सय ६४ ठगीका मुद्दा


काठमाडौं, २४ साउन । आर्थिक वर्ष २०७९/०८० मा वैदेशिक रोजगार विभागमा झण्डै ४५ सय वैदेशिक रोजगार ठगीका उजुरी परेका छन् ।

विभागका अनुसार एक वर्षको अवधिमा ठगीमा मात्रै ४४ सय ६४ उजुरी परेको हो । विभागमा परेका मुद्दामध्ये १७ सय ५१ मुद्दा पीडित र पीडकबीच मेलमिलापमार्फत टुङ्ग्याइएको छ । 

वैदेशिक रोजगार विभागका निर्देशक तथा सूचना अधिकारी कविराज उप्रेतीका अनुसार विभागले मेलमिलापमार्फत ठगी भएको झण्डै ५६ करोड रुपैयाँ पीडितलाई दिलाएको छ । 

वैदेशिक रोजगार विभागमा ठगीका उजुरी हेर्नका लागि मुद्दा तथा अनुसन्धान शाखा, राहत उद्धार तथा समन्वय शाखा र प्रहरीको टोली समेत खटिएको छ । 

प्रहरीले विभागमा गुनासो लिएर आउने श्रमिकको ठाडो उजुरीसमेत लिने र त्यस उपर आवश्यक काम कारबाही अघि बढाउने गर्छ ।
 


हङकङबाटै नेपाली राहदानी

हङकङबाटै नेपाली राहदानी


काठमाडौं, २३ साउन । नेपाली महावाणिज्यदूतावास हङकङले विद्युतीय राहदानीका लागि प्रत्यक्ष दर्ता आवेदन बुकिङ खुला गरेको छ। राहदानीका लागि आवेदन दिएर स्वीकृत भएकाहरूलाई प्रत्यक्ष दर्ताका लागि बुकिङ खुला गरिएको हो।

मंगलबार एक सूचना जारी गर्दै दूतावासले उक्त जानकारी गराएको छ। आवेदकहरूले आफूलाई अपोइन्टमेन्ट प्राप्त भएको मितिको दुईप्रति फारम भरी अन्य कागजातको सक्कल तथा फोटोकपीसहित प्रत्यक्ष दर्ताका लागि तोकिएको मितिमा महावाणिज्यदूतावासमा उपस्थित हुन सूचनामा भनिएको छ। नयाँ राहदानीका लागि फारमका साथै नेपाली नागरिकताको प्रतिलिपि, ४ थान पासपोर्ट साइजको फोटो, हङकङ आईडी लगायतका कागजात चाहिन्छन्।

महावाणिज्यदूतावासले अपोइन्टमेन्ट प्रदान नगरेका आवेदकहरूले भने प्रत्यक्ष दर्तामा सहभागी हुन पाउने छैनन्। यदि त्यस्ता आवेदकले फारम भरेमा त्यो मान्य नहुने दूतावासले जनाएको छ।


वैदेशिक रोजगारीः श्रम स्वीकृतिको आवेदन दिने प्रक्रिया अवरुद्ध

वैदेशिक रोजगारीः श्रम स्वीकृतिको आवेदन दिने प्रक्रिया अवरुद्ध


काठमाडौं, २३ साउन । मंगलबार साँझदेखि अनलाइनमार्फत श्रम स्वीकृतिको आवेदन दिने प्रक्रिया अवरुद्ध हुने भएको छ ।  वैदेशिक रोजगार विभागले सिस्टमको फाइल सर्भर सार्नका लागि फेमिस सिस्टममा नयाँ फाइल अपलोड गर्न नमिल्ने भएको भन्दै श्रम स्वीकृतिको आवेदन पनि पेस गर्न नमिल्ने जनाएको छ । 

तर यसअघि श्रम स्वीकृतिको आवेदन दिइसकेकाहरूले भने सबै कागजात र प्रक्रिया मिलेको भएमा श्रम स्वीकृति प्राप्त गर्ने छन् । तर कुनै कारणले श्रम स्वीकृतिको आवेदन अस्वीकृति भएमा पुनः मागेका कागजात राखेर आवेदन सबमिट गर्न भने मिल्ने छैन । त्यसका लागि सिस्टम पुनः सञ्चालनमा नआउन्जेल गर्न पर्ने भएको छ । 


पुलिस रिपोर्ट अब अनलाइनबाटै पाइनेः यस्तो छ प्रक्रिया

पुलिस रिपोर्ट अब अनलाइनबाटै पाइनेः यस्तो छ प्रक्रिया


काठमाडौं, २२ साउन ।  पुलिस रिपोर्ट अर्थात् प्रहरी चारित्रिक प्रमाणपत्र अब अनलाइनबाटै लिन सकिने भएको छ । अनलाइनबाटै प्रहरी चारित्रिक प्रमाणपत्रका लागि फारम भर्नेदेखि पैसा भुक्तानीसम्मका काम हुने परराष्ट्र मन्त्रालयको कन्सुलर विभागले जनाएको छ । 
पुलिस रिपोर्टका लागि चारित्रिक प्रमाणपत्र प्रमाणीकरणका लागि सबैभन्दा पहिले नेपाल कन्सुलर डट जिओभी डट एनपी खोल्ने । त्यहाँ दाहिने पट्टी रहेको अनलाइन एप्लिकेसन फर पुलिस क्लियरेन्स सर्टिफिकेटमा क्लिक गर्ने ।

प्रहरी चारित्रिक प्रमाणपत्र प्रमाणीकरणका लागि अनलाइन फारम भर्ने तरिका पढ्ने । पढिसकेपछि मैले पढेँ भन्नेमा टिक लगाउने र नेक्स्ट थिच्ने । प्रहरी चारित्रिक प्रमाणपत्रमा लेखिएको नम्बर र जन्म मिति दिएर प्रहरीबाट जारी भएको प्रमाणपत्र हेर्ने ।

विवरण ठीक भएमा बैंक वा अनलाइनबाटै राजस्व तिर्न सकिन्छ । त्यहीँ राजस्व तिरेको जनाउ दिएपछि कन्सुलर सेवा विभागले प्रमाणित गर्छ र अर्कोे दिन अनलाइनमार्फत् डाउनलोड गरेर प्रिन्ट गर्न सकिन्छ ।


वैदेशिक रोजगारीमा जानेको संख्यामा नयाँ रेकर्ड

वैदेशिक रोजगारीमा जानेको संख्यामा नयाँ रेकर्ड


काठमाडौं । आर्थिक वर्ष २०७९-८० मा वैदेशिक रोजगारीमा जानेको संख्याले ऐतिहासिक रेकर्ड कायम गरेको छ। यो आर्थिक वर्ष सात लाख ७१ हजार ३२७ जनाले वैदेशिक रोजगारीका लागि श्रम स्वीकृति लिएका छन्। यो नयाँ तथा पुनः श्रम स्वीकृति लिनेको संख्या हो। नयाँ श्रम स्वीकृति लिने चार लाख ९४ हजार २२४ छन्। 

आर्थिक वर्ष २०७९-८० मा मलेसियाका लागि सबैभन्दा धेरै दुई लाख ५९ हजार ५९४ जनाले श्रम स्वीकृति लिएका छन्। यो कुल संख्याको ३३.६५ प्रतिशत हो। अन्य खाडी मुलुकमा भन्दा मलेसियामा काम गर्न स्वतन्त्र भएका कारण पनि नेपाली श्रमिकको पहिलो रोजाइ यो मुलुक परेको वैदेशिक रोजगार विभागका महानिर्देशक मदन दाहालले बताए।

२०७८-७९ मा मलेसियाका लागि ३६ हजार ६४४ जनाले मात्रै श्रम स्वीकृति लिएका थिए। कोभिडका कारण मलेसियाले आप्रवासी प्रवेशमा कडाई गरेसँगै संख्यामा गिरावट आएको थियो। 

२०२२ मेदेखि भने मलेसियाले न्यूनतम पारिश्रमिक बढाएर १५ सय रिंगिट पुर्यायो। यसपछि मलेसियामा नेपालीहरूको आकर्षण बढ्दै गएको महानिर्देशक दाहालले बताए।
 


युद्धग्रस्त देशको सुरक्षासम्बन्धी काममा नजान परराष्ट्रको अनुरोध

युद्धग्रस्त देशको सुरक्षासम्बन्धी काममा नजान परराष्ट्रको अनुरोध


काठमाडौं, १६ साउन । परराष्ट्र मन्त्रालयले युद्धग्रस्त क्षेत्रमा सुरक्षा सम्बन्धी काममा नजान आग्रह गरेको छ । परराष्ट्र मन्त्रालयले मंगलबार विज्ञप्ति जारी गर्दै युद्धग्रस्त क्षेत्रमा जाँदा आइपर्ने जोखिम र उद्दारमा हुने कठिनाइप्रति पनि सजग रहन सजग गराएको छ ।
'विदेशी सेनामा नेपाली नागरिकहरू भर्ना सम्बन्धमा परम्परागत रूपमा सम्झौता अन्तर्गत केही मित्रराष्ट्रहरूको राष्ट्रिय सेनामा बाहेक अन्य विदेशी सेनामा नेपाली नागरिकलाई भर्ना हुन पाउने नेपाल सरकारको नीति नरहेको जानकारी गराइन्छ,' परराष्ट्र मन्त्रालयले जारी गरेको विज्ञप्तिमा भनिएको छ, 'अतः कसैको झुक्यानमा परी वा गलत सूचनाका आधारमा युद्धग्रस्त मुलुकहरूमा सुरक्षा सम्बन्धी काममा नजानुहुन सबैमा अनुरोध गरिन्छ । यस्ता कार्यमा संलग्न हुँदा आइपर्ने जोखिम र उद्दारमा हुने कठिनाइप्रति सजग रहन समेत सबैमा सूचित गरिन्छ ।'
युक्रेनसँगको युद्धमा नेपाली युवाहरु पनि सामेल भएको खबर आइरहँदा परराष्ट्र मन्त्रालयले उनीहरूलाई रोक्नुपर्ने जनाएको छ । तर युद्धग्रस्त देशमा लडाइँका लागि नेपाली युवाहरूको प्रयोग हुने गरेको छ ।
'केही सामाजिक संजाल र सार्वजनिक संचार माध्यममा नेपाली नागरिकहरु विदेशी सेनामा भर्ना भएका भन्ने समाचारको सम्बन्धमा मन्त्रालयको ध्यानाकर्षण भएको छ,' विज्ञप्तिमा भनिएको छ ।

यसैबीच रुसका लागि नेपाली राजदूत मिलन तुलाधारले नेपाली युवाहरु रुसी सेनामा भर्ती भएको विषयमा दूतावासलाई जानकारी नभएको बताएका छन् ।
 


कोरियासहितका मुलुकमा मौसमी कामदारका रुपमा श्रम स्वीकृति दिइँदैनः  मन्त्रालय

कोरियासहितका मुलुकमा मौसमी कामदारका रुपमा श्रम स्वीकृति दिइँदैनः  मन्त्रालय


काठमाडौं, १५ साउन । श्रम, रोजगार तथा सामाजिक सुरक्षा मन्त्रालयले मौसमी कामदारका रुपमा कोरियासहितका मुलुकमा श्रम स्वीकृति नदिइने स्पष्ट पारेको छ । सोहीकारण मौसमी कामदारका रुपमा दक्षिण कोरिया पठाइदिने भन्दै आएका भ्रामक सूचनामा विश्वास नगर्न मन्त्रालयले सचेत गराएको छ ।

मन्त्रालयले भनेको छ, ‘मौसमी कामदारका रुपमा वैदेशिक रोजगारीमा जान वैदेशिक रोजगार विभागबाट श्रम स्वीकृति प्रदान गरिएको छैन ।’

मौमसी कामदारको भिषामा दक्षिण कोरिया लगायत अन्य देशमा जान कोही कसैलाई रकम बुझाउने काम नगर्न समेत मन्त्रालयले सूचित गरेको छ । त्यसरी कसैले व्यक्तिगत वा संस्थागत रुपमा दक्षिण कोरिया लगात अन्य मुलुकमा मौसमी कामदारका रुपमा पठाइदिने भन्दै रकम माग गरेमा त्यसको सूचना दिएर ठगी निरुत्साहित गर्न सहयोग गर्न समेत मन्त्रालयले भनेको छ ।
 


मौसमी कामदारका लागि कसैलाई पनि पैसा नबुझाउन मन्त्रालयको आग्रह

मौसमी कामदारका लागि कसैलाई पनि पैसा नबुझाउन मन्त्रालयको आग्रह



काठमाडौं, १४ साउन ।  श्रम, रोजगार तथा सामाजिक सुरक्षा मन्त्रालयले मौसमी कामदारको लागि भन्दै कसैलाई पनि पैसा नबुझाउन आग्रह गरेको छ । मौसमी कामदारको लागि सरकारले कसैलाई पनि श्रम स्वीकृति प्रदान नगर्ने भन्दै त्यस्ताका पछाडि नलाग्न अनुरोध गरेको हो ।
दक्षिण कोरिया लगायतका देशमा मौसमी कामदारको रूपमा पठाइदिने भन्दै ठगीका घटना बढ्दो क्रममा छ । यस्ता घटनाप्रति मन्त्रालयको गम्भीर ध्यानाकर्षण भएको जनाउँदै त्यस्ताको पछि नलाग्न भनेको हो ।

मन्त्रालयका प्रवक्ता डण्डुराज घिमिरेले एक विज्ञप्ति जारी गर्दै प्रलोभनमा नपर्न भनेका हुन् । ‘मौसमी कामदारको रुपमा वैदेशिक रोजगारीमा जान वैदेशिक रोजगार विभागबाट श्रम स्वीकृति प्रदान गरिएको छैन । तसर्थ मौसमी कामदारको भीसामा दक्षिण कोरिया लगायतका अन्य देशहरुमा जान कोही कसैलाई रकम बुझाउने कार्य नगर्न नगराउन साथै कोही कसैले व्यक्तिगत वा संस्थागत रुपमा दक्षिण कोरिया लगायत अन्य मुलुकहरुमा मौसमी कामदारको रुपमा पठाइदिने भनी रकम माग गरेमा तपशीलको सम्पर्क ठेगानामा सूचना दिई अनधिकृत रुपमा वैदेशिक रोजगारको आवरणमा हुने सबै प्रकारका ठगी निरुत्साहित गर्न सहयोग तथा सहकार्यका लागि अनुरोध छ’ विज्ञप्तिमा उल्लेख गरिएको छ ।

ट्राभल एडभाईजरी डकुमेन्ट मार्फत नेपालीहरूलाई म्यानमार पुर्‍याई अलपत्र पारेको घटना बाहिर आइरहेका छन् । उनीहरूलाई चरम यातना दिइरहेको समेत घटना बाहिर आएका छन् ।

त्यस्तै वैदेशिक रोजगारीमा जान वैदेशिक रोजगार विभागबाट जारी हुने श्रम स्वीकृति लिएर मात्र जान मन्त्रालयले सबैमा अनुरोध गरेको छ । श्रम स्वीकृति बाहेक कुनै प्रकारको कागजातको आधारमा वैदेशिक रोजगारीमा नजान सबैमा अनुरोध गरेको छ ।  


 



Prabhu Side Bar



Sidebar Middle
Sidebar Bottom