31 Shrawn, 2079 / 16 August , 2022

Logo
Newsajako
Social Icon
Social Icon
Secondary Top

घटना/दुर्घटना


बझाङमा एकैपरिवारका तीन जना मृत फेला

बझाङमा एकैपरिवारका तीन जना मृत फेला


बझाङ, २५ साउन । बझाङमा एकै परिवारका तीन जना मृत फेला परेका छन् । बुङ्गल नगरपालिका–९  घर भएका एकै परिवारका आमा, छोरा र छोरी झुन्डिएको अवस्थामा फेला परेका हुन् । 
प्रहरीका अनुसार २२ वर्षीय गीता पार्की र उनका तीन वर्षीया छोरा भुपेन्द्र र  पाँच वर्षीया छोरी  झुन्डिएको अवस्थामा फेला परेका हुन् ।

झुन्डिएको अवस्थामा भेटिएका तीन जनाको शब पोस्टमार्टमका लागि  जिल्ला अस्पताल  ल्याइने प्रहरीले जनाएको छ । मृतक  गीताका श्रीमान् पुष्कर पार्की गएराति मात्र भारतबाट घर फर्केको खुलेको छ ।
 


सप्तकोसीको बाँध फुटेपछि श्रीलङ्का टापुमा २ हजार ५ सय जना फसे

सप्तकोसीको बाँध फुटेपछि श्रीलङ्का टापुमा २ हजार ५ सय जना फसे


काठमाडौं, १८ साउन ।  उदयपुरको बेलका नगरपालिका–८ लाहुरेखोच डुम्रीबोटमा सप्तकोसी नदीको बाँध फुटेपछि सुनसरी बराहक्षेत्र नगरपालिकाका पाँच सय घरपरिवारका मानिस फसेका छन् । 
कोसी नदीको बाँध फुटेर गाउँ पस्दा बराहक्षेत्र–६ र ९ का पाँच सय घरपरिवारका दुई हजार पाँच सयजना फसेको सुनसरीका प्रमुख जिल्ला अधिकारी इन्द्रदेव यादवले जानकारी दिए । उनीहरु श्रीलङ्का टापुमा फसेको उनले बताए । 

त्यस क्षेत्रका स्थानीयवासीलाई स्थानान्तरण गर्ने प्रयास गरे पनि उनीहरु आउन नमानेको र फसेकाहरु सुरक्षित रहेको बताएको सुनसरीका प्रजिअ यादवले बताए । 
यसैबीच कटान गरिएको क्षेत्रमा १ नं प्रदेशका आन्तरिक मामिलामन्त्री केदार कार्की सहितले निरीक्षण गरेका छन् । मन्त्री कार्की सहितको टोलीले कटान गरिएको स्थान, प्रभावितलाई उद्धार गर्ने तयारी लगायतको विषयमा निरीक्षण तथा अनुगमन गरिएको प्रजिअ यादवले बताए ।  बैठकले पीडितलाई तत्काल उद्धार, आवश्यक राहतको प्याकेज, स्थानान्तरण लगायतका विषयमा केन्द्रित हुने उनले बताए । 


काभ्रेस्थली घटना अपडेटः घटनास्थलमा भेटियो ४ पेजको ‘सुसाइड नोट’

काभ्रेस्थली घटना अपडेटः घटनास्थलमा भेटियो ४ पेजको ‘सुसाइड नोट’


काठमाडौं, १६ साउन । तारकेश्वर नगरपालिका–२ काभ्रेस्थली, पदमसालको एकै परिवारका चार जना मृत भेटिएको घरमा ‘सुसाइड नोट’ पनि भेटिएको छ । 

गोरखा घर भई यहाँ बस्दै आएका ४१ वर्षका दिनेश पाण्डे, उनकी श्रीमती ३९ वर्षकी सुनिता काप्री पाण्डे, ८ वर्षका छोरा आशिक र १३ वर्षकी छोरी आशिका मृत अवस्थामा भेटिएका थिए । 

घटनाको अनुसन्धान गरिरहेका प्रहरीले दिनेश पाण्डेले परिवारका सदस्यहरुको हत्या गरेर आत्महत्या गरेको आशंका गरेका छन् ।  घटनास्थलमा ४ पेजको ‘सुसाइड नोट’ समेत भेटिएको छ । त्यसमा के लेखिएको छ भन्ने चाहिँ प्रहरीले खुलाएको छैन । प्राप्त प्रारम्भिक जानकारीअनुसार दिनेश करिव १२ वर्ष कुवेतमा बसेर साढे ४ वर्षअघि नेपाल फर्किएका थिए ।
 


काभ्रेस्थलीमा एकै परिवारका ४ जना मृत भेटिए

काभ्रेस्थलीमा एकै परिवारका ४ जना मृत भेटिए


काठमाडौं, १६ साउन । काठमाडौं काभ्रेस्थलीमा एकै परिवारका चार जना मृत भेटिएका छन् । तारकेश्वर नगरपालिका– २ पदमसालमा एकै परिवारका चार जना मृत भेटिएका हुन् । गोरखा घर भई पदमसालमा बस्दै आएका दिनेश पाण्डेको परिवारका चार जना मृत भेटिएका हुन् ।

पाण्डे, उनकी श्रीमती सुनीता काप्री पाण्डे, ११ वर्षका छोरा आशिक र छोरी आशिका मृत भेटिएका घटनास्थलमा पुगेका तारकेश्वर नगरपालिकाका मेयर कृष्णहरि महर्जनले जानकारी दिए ।  त्रिवि शिक्षण अस्पतालबाट फरेन्सिक विशेषज्ञको टोली पनि घटनास्थलमा पुगेको छ ।


कास्कीमा पहिरोमा परी १ जनाको मृत्यु, २ जना घाइते

कास्कीमा पहिरोमा परी १ जनाको मृत्यु, २ जना घाइते


काठमाडौं, १६ साउन । कास्कीको पोखरा महानगरपालिका–६ डिहिकोपाटनमा पहिरोले घर पुरिंदा एक जनाको मृत्यु भएको छ भने दुई जना घाइते भएका छन् ।
आइतबारराति करिब १ बजे पहिरोमा परेर लक्ष्मी खड्का क्षेत्रीको घरमा डेरा गरी बस्ने २६ वर्षीय सन्तोष सुनारको मृत्यु भएको हो ।
कास्कीको माछापुच्छ्रे गाउँपालिका वडा नं.१ भुर्जुङखोला तातोपानी घर भएका उनलाई १ बजेर ५५ मिनेटमा उद्धार गरी पश्चिम क्षेत्रीय अस्पताल पठाइएको थियो । सन्तोषलाई डाक्टरहरुले २ बजेर २० मिनेटमा मृत घोषणा गरेको जिल्ला प्रहरी कार्यालय कास्कीले जनाएको छ ।

पहिरोमा परेर सन्तोषकी दिदी २७ वर्षीया सुनिता सुनार र उनकी १० वर्षीया छोरी सिम्रन सुनार घाइते भएका छन् । उनीहरुको गण्डकी मेडिकल कलेजमा उपचार भइरहेको छ । उनीहरुमा बाहिरी चोट नदेखिएको र अवस्था सामान्य रहेको प्रहरीले जनाएको छ ।


पहिरोले पुरिएर अछाममा एकै परिवारका ३ जनाको मृत्यु

पहिरोले पुरिएर अछाममा एकै परिवारका ३ जनाको मृत्यु


अछाम, ९ साउन । अछाममा पहिरोले घर पुरिँदा तीनजनाको मृत्यु भएको छ। अछामको तुर्माखाँद गाउँपालिका वडा नम्बर २ भुलुमा पहिरोले घर पुरिँदा एउटै परिवारका तीन जनाको मृत्यु भएको हो।

गए राति करिब १२ बजे घरमाथिबाट पहिरो खसेको स्थानीयले बताएका छन्। मृत्यु हुनेमा २५ वर्षीय वीरेन्द्र  विष्ट,१५ वर्षीय संविधान विष्ट र ४५ वर्षीया हरिकला विष्ट रहेका छन्।  पहिरोमा पुरिएर एक जना घाइते भएको प्रहरीले जनाएको छ। पहिरोमा पुरिएर पाँच बाख्रा पनि मरेका छन्।


एउटै रुखमा तीन किशोरी झुन्डिएको अवस्थामा मृत फेला 

एउटै रुखमा तीन किशोरी झुन्डिएको अवस्थामा मृत फेला 


काठमाडौं, ८ साउन । झापा कचनकवल गाउँपालिका–५, पाठामारीका तीन जना किशोरी एउटै रुखमा झुन्डिएको अवस्थामा मृत फेला परेका छन् । 
पाठामारीको बेल्लेगाउँ नजिकैको सुनकोशी चिया बगानमा रहेको बयरको रुखमा झुन्डिएको अवस्थामा पंचम गणेशकी १६ वर्षिया छोरी करिना, पुवालु गणेशकी १७ वर्षिया छोरी अन्जली र वीरवल गणेशकी १६ वर्षिया छोरी कल्पनाको शव आइतबार बिहान साढे ७ बजे फेला परेको जिल्ला प्रहरी कार्यालय, झापाले जनाएको छ ।

तीनैजना किशोरीहरु चिया बगानका श्रमिक थिए । आफैंले काम गर्ने बगानमा उनीहरु झुन्डिएको अवस्थामा फेला परेका हुन् ।

पारिवारिक श्रोतका अनुसार तीनै जना शनिबार दिउँसो घुम्न भनी घरबाट हिँडेका थिए । 
 


भक्तपुर सल्लाघारीमा रुख ढल्यो, ३ जनाको मृत्यु, ९ जना घाइते

भक्तपुर सल्लाघारीमा रुख ढल्यो, ३ जनाको मृत्यु, ९ जना घाइते


काठमाडौं, ८ साउन ।  भक्तपुरको सल्लाघारीमा रूख ढल्दा ३ जनाको मृत्यु भएको छ भने ९ जना घाइते भएका छन् । प्रहरीका अनुसार रुख ढल्दा एउटा स्कुटर र बस च्यापिएको छ ।
रुख ढल्दा करिववर्ष २३ का विशेष खर्वुजा परिचयपत्रका आधारमा सनाखत भएको छ । बाँकी २ जनाको भने सनाखत भएको छैन । भक्तपुरको चोङापाखास्थित सल्लाघारी वनको एउटा रूख ढलेको एक स्थानीयले बताए ।

चोङ्गापाखा रहेको रूख अचानक ढल्दा भएको दुर्घटनामा भक्तपुर दुधपाटीबाट सल्लाघारितर्फ जाँदै गरेको बा ६१ प ३९७८ नं को स्कुटी च्यापिएको थियो ।
घाईतेको ईवामुर अस्पताल, भक्तपुर अन्तरास्ट्रिय अस्पताल र मध्यपुर अस्पतालमा उपचार भैरहेको छ ।
 


जलविद्युत् आयोजनाको पावर हाउस भासिँयो, एकै घरका तीन जनाको मृत्यु

जलविद्युत् आयोजनाको पावर हाउस भासिँयो, एकै घरका तीन जनाको मृत्यु


काठमाडौं, ३१ असार । जुम्लाको भित्री खोला जलविद्युत् आयोजनाको पावर हाउस भासिँदा  एकै घरका तीन जनाको मृत्यु भएको छ। राति करिब साढे २ वजे जुम्लाको हिमा गाउँपालिका -१ आचार्यलिहीमा रहेको आयोजनाको पावर हाउस भासिँदा तीन जनाको मृत्यु भएको हो । 

मृत्यु हुनेमा ३० वर्षीय विमला रावत र उनका दुई छोरा ९ वर्षीय भरत र ८ वर्षीय सूर्य रावत रहेका छन् । हाउसका चौकीदार गोरक बहादुर रावतका श्रीमती र दुईवटा छोराको घटनास्थलमै मृत्यु भएको हो । शव पोष्टमार्टमका लागि कर्णाली स्वास्थ्य विज्ञान प्रतिष्ठानमा ल्याउने तयारी भइरहेको छ ।


 


रामेछाप बस दुर्घटनामा मृतकको संख्या १३ पुग्यो(अपडेट)

रामेछाप बस दुर्घटनामा मृतकको संख्या १३ पुग्यो(अपडेट)


काठमाडौं, २१ असार ।  रामेछापमा भएको बस दुर्घटनामा मृत्यु हुनेको संख्या १३ जना पुगेको छ । नौ जनाको घटनास्थलमा र चार जनाको धुलिखेल अस्पतालमा उपचारका क्रममा ज्यान गएको प्रहरीले जनाएको छ । 

ज्यान गुमाउनेमध्ये अहिलेसम्म नौ जनाको मात्रै परिचय खुलेको छ । सुनापति गाउँपालिका ५ रामेछापका ठूलो तामाङ, सन्जु आलेमगर, विपना तामाङ र खटबहादुर तामाङ, सुनापति गाउँपालिका ४ की समिता तामाङ, रोशी गाउँपालिका ४ काभ्रेका कमल तामाङ, पाँचखाल नगरपालिका ८ काभ्रेका सुदीप बस्नेत, मन्डनदेउपुर ९ काभ्रेका शुभलक्ष्मी मानन्धर र पाँचखाल नगरपालिका ५ काभ्रेका कुलबहादुर विकको दुर्घटनामा ज्यान गएको हो । 

दुर्घटनामा घाइते भएका २० जनाको धुलिखेल अस्पतालमा उपचार भइरहेको छ । आज बिहान बा ३ ख ८३९६ नम्बरको बस रामेछापको सुनापती गाउँपालिका ५ र खाँडादेवी गाउँपालिका १ को सिमानामा दुर्घटना भएको थियो ।  कारण नखुले पनि ुब्रेक फेलु भएर दुर्घटना भएको प्रारम्भिक अनुमान गरिएको छ ।



Prabhu Side Bar



Sidebar Middle
Sidebar Bottom


Maruti