16 Chaitra, 2080 / 29 March , 2024

Logo
Newsajako
Social Icon
Social Icon
Secondary Top

सूचना प्रविधि


मोबाइलमा गज्जबको प्रविधि भित्रँदै

मोबाइलमा गज्जबको प्रविधि भित्रँदै

भाद्र २, २०७४

विज्ञानको भाद्र २, २०७४- यो युगमा नयाँ–नयाँ अविष्कारहरु निरन्तर जारी छ । यसैक्रममा मानिसका चाहना पूर्ति गर्ने फरक–फरक र लोभलाग्दा डिभाइसहरु बजारमा भित्रिरहेका छन् । त्यस्ता उपकरणहरुको प्रयोग गर्ने मानिसको भोक भेटाउन प्राविधिकहरु पनि जोडतोडले लागेकै छन् । 

खासगरि मोबाइलको संसारमा केही कम्पनीहरुले आफ्ना उत्पादनहरुमा अन्त्यन्तै नौला डिभाईसहरु उपभोक्ता समक्ष पस्केर नम्बर वन वा पहिलो बन्ने होडबाजीमा छन् । मोबाइल उत्पादक कम्पनीहरुले भर्खरै ल्याएका वा ल्याउने तयारीमा रहेका लेटेस्ट डिभाइसको यहाँ चर्चा गरिएका छन् । 
सुन्दा नै तपाईलाई अपत्यारिलो लाग्न सक्छ । ‘बिना लेन्सकै क्यामेरा’ । हो, यस्तै खाले क्यामेरा बजारमा उतार्ने तयारी भइरहको छ । यसको परिक्षण समेत भइसकेको छ । क्यामेराको क्षमता सीमित भएकाले त्यस्तलाई ब्रोड(व्यापक) बनाउन यस्तो परिक्षण गरिएको हो । क्यामेराको बनावटकै कारण यो सीमित छ । यसमा इमेज सेन्सर, सटर, लेन्स, अपाचरलगायतका डिभाइस रहेका हुन्छन् । 

अमेरिकास्थित क्यालिफोर्निया इन्स्टिच्युट अफ टेक्नोलजी ‘क्यालटेक’ का इन्जिनियरहरुले एउटा यस्तो क्यामेराको अविस्कार गरेका छन, जुन अत्यन्तै पातलो अर्थात अन्यन्तै न्युन माइक्रोन आकारको रहेको छ । यो आकार भनेको मानिसको एउटा कपालको जत्रै (सय माइक्रोन बराबर) हुन्छ । 

यो अत्यन्तै पातलो भएकाले यसलाई कुनैपनि वस्तुमाथि सजिलै लेप गर्न सकिन्छ । कल्पना गर्नुस कि तपाईको स्मार्टफोनको पुरै पछाडि एउटा त्यस्तै आकारको क्यामेरा हुनेछ । यो कपडाको एक टुक्रा, सिसाका टुक्रा या डिस्प्लेमा इम्बेडेड वा आईग्लास पनि हुन सक्छ । यसमा रेज्योल्युसन र सेन्सको आकारको कुनै सैद्धान्तिक सीमा छैन । जूम, वाइड एंगल्स, फिस आईलगायतका बीचमा यसलाई स्वीच गर्न सकिनेछ । 

यसैगरी आधुनिक प्रविधिहरुलाई उपायोग गर्दै ब्याट्रीको संसारमा अगामी दिनहरुमा एउटा चमत्कारिक अविष्कार बजारमा आउँदैछ । त्यो हो, सोलिड स्टेट लिथियम आयोनसहिको ग्राफिन ब्याट्री । बेलायतमा ३० वर्ष भन्दा बढी समययता ब्याट्रीहरुको आपूर्ति गर्दै आएको कम्पनीले यसको निर्माण थालेको हो । आधुनिक इलेक्ट्रोनिक्समा व्याट्री सबैका लागि एउटा टाउको दुखाईको विषय रहँदै आएको छ । टोयोटा सल्फाइड सुपरियोनिक कन्डक्टरको प्रयोग गरी उक्त नयाँ ब्याट्री बजारमा ल्याउने काम कम्पनीले गरिरहेको छ ।  

यदि यो ब्याट्री सुपर क्यापिसिटरका रुपमा काम गरेको अवस्थामा कम समयमा धेरै शक्ति जम्मा (इनर्जी स्टोर) गर्न सकिनेछ । स्पेनिस कम्पनी ग्रयाफिनेनोले त ग्राइफिन पोलिमर ब्याट्री विकासै गरिसकेको छ । यसमा एक हजार वाट आवर प्रति किलोग्रामको ऊर्जा घनत्व रहेको छ ।  सामान्यतया लिथियम ब्याट्रीमा दुई सय वाट प्रति किलोग्राम मात्रै हुन्छ । त्यसैले ग्राइफिन ब्याट्री लामो समयसम्म स्मार्टफोनको प्रयोगकर्ताका लागि एउटा बरदान नै सावित हुने दाबी कम्पनीको छ ।  

बजारमा फ्युल सेल्सको चर्चा पनि गरिन थालिएको छ । यसो त यो प्रविधिको व्यापारिक प्रयोग हुन सकेको छैन । तर माईएफसी नामक कम्पनीले विश्वकै सबैभन्दा सानो फयुल सेलको प्रयोग गरी हाइब्रिड पावर बैंक सार्वजनिक गरेको छ । 

यसलाई साधारण इलेक्ट्रिकल आउटलेटको प्रयोग गरी चार्ज गर्न सकिन्छ । यसमा तपाईले सजिलै हाईड्रोजन उत्पादन गर्नका लागि नून र पानीको प्रयोग गर्न सक्नु हुनेछ । चार हजार एमएएच यो चार्जरको तौल मात्र दुई सय ग्रामको रहेको छ । तर, यो तौल पनि केही गह्रौ जस्तो भएको गुनासो उपभोक्ताहरुबाट आएकाले प्राविधिकहरु तौल घटाउनमा समेत जुटेका छन् । फ्युल सेल प्रविधि स्मार्टफोन, ट्याबलेट , क्यामेरा र ल्यापटम जस्ता डिभाइसका लागि उपयोगी हुन सक्छ । 

यसैगरी प्राविधिकहरुले फोन चार्ज गर्ने स्क्रिन विकसित गरेका छन् । हाम्रा मोबाइलहरुमा ग्लास स्क्रिनको प्रयोग गरिएको हुन्छ , अझ हामी त्यसलाई स्क्र्याच हुनबाट जोगाउने अर्को प्लास्टिकको स्टिकर पनि टाँसि दिने गर्छौ । तर अब त्यसलाई फोन चार्ज गर्नका लागि प्रयोग गरिनेछ । 

क्विन्स युनिभर्सिटी बेलफास्ट, स्ट्यान्फोर्ड युनिभर्सिटी, युनिभर्सिटी अफ क्यालिफोर्निया बर्कले, क्यालिफोर्निया स्टेट युनिभर्सिटी र दि नेसनल इन्स्टिच्युट फर म्याटेरियल्स साइन्स जापानका वैज्ञानिकहरुले गरेको अनुशन्धान अनुसार अब स्क्रिनलाई विभिन्न वस्तुबाट तयार गर्न सकिन्छ । 

ग्रयाफिन, हेक्सागोनल बोरोन नाइट्राइड(एच–बीएन) र ‘सी ६०’ जस्ता पदार्थहरुको प्रयोग गरी स्क्रिन्स बनाउन सकिन्छ । यी वस्तुहरु पारदर्शी, लचिलो र सुचालक हुन । ‘सी ६०’ को प्रयोग सोलर सेलमा पनि प्रयोग गरिन्छ । त्यसैले यो प्रविधिको प्रयोग स्क्रिनमा गर्दा फोन सेट लामो समयसम्म चार्ज भईरहनेछ ।  

प्राविधिकहरु ब्याट्री र सेलहरुमा मात्रै फड्को मारेको छैन । बजारमा आधुनिक स्पीकर्स भित्रयाउने तयारी पनि जोडतोडका साथ गरिरहेका छन् । अब बजारमा आउने भनेको स्पीकर्सको भौतिक आकारलाई परिवर्तन गर्न सकिनेको बनाइएदैछ । अमेरिकास्थित मिचिगन स्टेट विश्वविद्यालयका अनुसन्धानकर्मीहरुले यसमा काम गरेका छन । तिनीहरुले यसमा सफलता समेत हात पारिसकेका छन् । 

तिनीहरुले फेरोइलेक्टरेट न्यानोजेनेरेटर्स (एफईएनजी) प्रविधिमा काम गरेका हुन । कागजको पन्ना जस्तै पातलो वस्तु यो प्रविधिबाट तयार गरिएको छ । जुन प्रविधिको प्रयोगबाट स्पीकर र माइक्रोफोन बनाउन सकिने निस्कर्षमा तिनीहरुको छ । वैज्ञानिकहरुका अनुसार यो प्रविधिमा डिभाइसले हावामा रहेका तरंगहरुलाई पिकअप गर्न सक्छ । पछि त्यसलाई विद्युत शक्तिमा परिवर्नत गरेर ध्वनी शक्ति प्राप्त गर्न सकिनेछ । 

यो प्रविधिमा उपकरणले इलेक्ट्रिकल सिग्नल्सलाई तरंगका रुपमा पठाउने क्षमता राख्छ । जसलाई मानिसले ध्वनीका रुपमा सुन्न सक्ने छन । यसलाई पोर्टेबिलिटीका लागि सजिलै रोल या फोल्ड समेत गर्न सकिनेछ । 

‘एप्पल’ ले अन्डरस्क्रिन फिङ्गरप्रिन्ट स्क्यानर ल्याउने चर्चा बजारमा धेरै पहिलेदेखि थियो । तर, अमेरिकी बहुराष्ट्रिय कम्पनी ‘क्वालकम्म’ ले चीनको संघाईमा आयोजित ‘मोबाइल वल्र्ड कंग्रेस २०१७’ मा यो प्रविधि भित्र्याउने घोषण नै गर्यो । यी दुई कम्पनीलाई उछिन्दै चिनिया फोन निर्माता ‘भिभो’ ले हालै यो प्रविधिमा आधारित फोन सेट नै सार्वजनिक गरिसकेको छ । यस प्रविधि अन्तर्गत अल्ट्रासोनिक वेभलेन्थ (तरंग लम्बाई) को प्रयोग गरी एक्युरेट डिटेक्सनका लागि ‘३ डी स्क्यान’ गर्न सकिन्छ । ओएलईडी प्यानल्सका साथ यो कम्पिटिबल छ । 

एक विशेष खालको मोटाई राखेर यसको निर्माण गरिएको छ । पानी मुनि समेत राम्ररी काम गर्ने गरी विकसित गरिएको छ । अर्थात् यो डिभाइस वाटरफ्रुफ छ । अल्ट्रासोनिक स्क्यानर प्रयोग गरिएकाले यसको सहयोगबाट मुटुको धडकनको दर र शरिरमा रगतको प्रवाहबारे समेत जानकारी प्राप्त गर्न सकिन्छ । 

‘भिभो’ ले एमडब्ल्युसी संघाईमा प्रोटोटाइफ प्रस्तुत गरेपनि व्यापारिक रुपमा छिट्टै बजारमा उतार्ने तयारी गरिरहेको छ । ‘क्वालकम्म’ अर्को वर्षको मध्यमा यो प्रविधिका साथ फोन सेट बजारमा ल्याउने जनाएको छ । यो प्रविधिको आगमनसंगै मोबाइल फोनको बजारमा तीब्र गतिमा परिवर्तन हुने अपेक्षा गरिएको छ । कम्पनीहरुले नयाँ–नयाँ फिचर्सका साथ यो प्रविधि ल्याउने होडबाजी गर्ने निश्चित छ ।  

यसैगरि,अधिकांश स्मार्टफोन निर्माण गर्ने कम्पनीहरुले आईएसओसेल इमेज सेन्सर ल्याउने तयारी समेत गरिरहेको छ । यो सेन्सर यसअघि कम्पनीहरुले प्रयोगमा ल्याउदै आएको सोनीको इमेज सेन्सरलाई विस्थापित गर्ने दाबी गरिएको छ । हालसम्म बजारमा यसको विकल्प सीमित थियो । 

सामसङ कम्पनी पहिलो पटक यसको विकल्पमा आईएसओसेल ब्रान्ड अन्तर्गत आफैले सीएमओएस इमेज सेन्सर बजारमा ल्याउन जुटेको छ । यसको सफलतापूर्वक परिक्षण समेत गरिसकिएको छ । परीक्षण सफल भएको यो डिभाइसमा चार वटा भेरिएन्टहरु ब्राइट, फास्ट, स्लिम र डयुल रहेका छन् । ब्राइट थोरै प्रकाशमा पनि फरक–फरक रंगका साथ राम्रो फोटोज डेलिभर गर्न सक्छ । 

'फास्ट'ले भने तीब्र गतिमा अटो फोकस र अब्जेक्ट ट्रयाकिङ गर्छ । ‘स्लिम’ले अल्ट्रा स्लिम डिभाइसहरुका लागि सेन्सरको काम गर्छ । आईएसओसेल ड्युल कम्पनीको ड्युल क्यामेरा सेटअफको अफरिङ हो । यसमा एक आरजीबि र त्यति नै मोनोक्रोम सेन्सर रहेको छ । 

यसका विशेषताहरुलाई सामसुङ ग्यालेक्सी नोट ८ मा प्रयोग गर्न सकिने कम्पनीले बताएपनि सामसङ ९ मा फुलप्लेजमा यसको उपयोग गर्न सकिने छ । यो डिभाईसमा इमेज क्वालिटीमा सुधार आउने र अगामी दिनमा इमेज सेन्सरसँग सम्बन्धित विभिन्न प्रयोगहरु बजारमा हुन दाबी गरिएको छ ।



 


सूचना प्रविधि बोलेरै नेपाली टाइप

सूचना प्रविधि बोलेरै नेपाली टाइप

भाद्र २, २०७४

भाद्र २, २०७४- मानिसले आवाजमार्फत दिएको निर्देशनबाट मोबाइलमा विभिन्न किसिमको काम गर्न सक्ने प्रविधि हामीलाई थाहै छ । भ्वाइस रिकग्निसन भनिने यस्तो प्रविधि धेरै अघि बढिसकेको छ । अंग्रेजी नजान्ने वा राम्रो उच्चारण गर्न नसक्ने नेपालीको लागि यो प्रविधि त्यति उपयोगी थिएन । अब भने नेपाली भाषामै पनि बोलेर टाइप गर्न सकिने भएको छ । 

गुगलले अघिल्लो वर्ष सार्वजनिक गरेको आफ्नो भर्चुअल किबोर्ड (जसलाई गुगल किबोर्ड वा जीबोर्ड भनेर चिनिन्छ) मा बोलेर टाइप गर्न सकिने गरी नेपाली भाषा समावेश गरेको छ । यसको अर्थ हो टाइप गर्नुको सट्टा अब बोलेरै म्यासेज पठाउने, विभिन्न एपबाट च्याट गर्ने, स्टाटस लेख्न सकिन्छ । गुगलले यसै साता नेपाली सहित ३० भाषालाई जीबोर्डमा समावेश गरेको हो । 

गुगलले यसै साता आफ्नो ब्लगमार्फत यसको जानकारी दिएको थियो । गुगलले ब्लगमा जनाएअनुसार स्थानीय भाषाविद्हरुसँगको सल्लाहमा यसलाई तयार पारिएको हो । गुगलका अनुसार अहिले जीबोर्डमा समावेश गरिएका यी भाषालाई विस्तारै गुगल ट्रान्सलेटसहितका अन्य प्रडक्टहरुमा पनि समावेश गरिनेछ । 

यसको अर्थ हो सायद केही पछि नेपाली भाषाका आवाजलाई अन्य भाषा अनुवादन पनि गर्न सकिनेछ । नेपाली भाषा गुगल ट्रान्सलेटमा पहिल्यै जोडिइसकेको छ । अहिले नेपाली अक्षरलाई अंग्रेजीसहित अन्य विभिन्न भाषामा र अन्य विभिन्न भाषाका अक्षरलाई नेपाली भाषामा ट्रान्सलेटमार्फत अनुवाद गर्न सकिन्छ । 

जीबोर्डमा आवाजमार्फत नेपाली टाइप गर्न सकिने भए पनि यो धेरै शुद्ध भने छैन् । तर, प्रयोगकर्ताले जति धेरै यसको प्रयोग गर्छन् यो त्यति सुधारिदै जानेछ । आवाजमार्फत टाइप गराउनु सजिलो त छ नै यसले टाइप गर्न नसक्नेहरुलाई समेत राहत दिन्छ । भ्वाइस डिक्टेटमार्फत टाइप गराउनु हातले टाइप गर्नुभन्दा तीन गुणा छिटो हुने गुगलले जनाएको छ ।

कसरी गर्ने प्रयोग

  • एन्ड्रोइड प्ले स्टोरमा गएर गुगल किबोर्ड डाउनलोड गर्नुहोस् । 

  • डाउनलोड भएलगत्तै सेटिङ अप्सन आउँछ जसमा नेपाली भाषा छान्नुहोस् । र, जीबोर्डलाई डिफल्ट किबोर्ड बनाउनुहोस् ।

  • अब तपाईंको किबोर्डको माथिल्लो भागमा दायाँपट्टी स्पिकर चिन्ह देख्नुहुनेछ । जसमा चिथेर तपाईंले आवाजमार्फत दिएको निर्देशनअनुसार टाइप गर्न सक्नुहुनेछ ।



http://kantipur.ekantipur.com/news/2017-08-18/20170818115048.html


दृष्टिबिहीनलाई नेपाली भाषामा छापिएकाे सामग्री पढेर सुनाउँने सफ्टवेयर सार्वजनिक

दृष्टिबिहीनलाई नेपाली भाषामा छापिएकाे सामग्री पढेर सुनाउँने सफ्टवेयर सार्वजनिक

भाद्र ५, २०७४

भाद्र ५, २०७४- अब दृष्टिविहीनले पनि छापाको सामग्रीलाई सहजरुपमा उपयोग गर्न सक्ने भएका छन् । 

दृष्टिविहीनका लागि सुनेर जानकारी लिन सक्ने तथा ब्रेल लिपिमा अध्ययनसमेत गर्न सक्ने सफ्टवेयर अप्टिकल रिकग्निसन सफ्टवेयर (ओसिआर) प्रयोगमा आएपछि नेपालमा पहिलोपटक दृष्टिविहीनले सार्वजनिक सूचनामा पहुँचसमेत पाएका हुन् । 

विश्व नेत्रहीन युनियनका अनुसार नेपालजस्ता विकाशोन्मुख देशमा जम्मा एक प्रतिशत छापाका सामग्रीमा मात्र दृष्टिविहीनको पहुँच छ । नेपाल नेत्रहीन सङ्घद्वारा आज आयोजित कार्यक्रममा नेपालका लागि अष्ट्रेलियाका राजदूत पिटर बडले सो सफ्टवेयर सार्वजनिक गरे । सोही दूतावासको रु २४ लाखको आर्थिक सहयोगमा दृष्टिविहीनका लागि काठमाडौँ विश्वविद्यालयका सूचना प्रविधि विज्ञ प्रा डा बालकृष्ण वल र निराजन पन्तले सो सफ्टवेयर विकास गरेका हुन् । 

सो सफ्टवेयरले नेपाली अक्षरलाई स्क्यानिङ गरेर तुरुन्त वर्ड फाइलमा रूपान्तरण गरी यसअघि नै विकसित भएको टेक्स टु स्पिच (टिटिएस)को सहायताले ती स्क्यानिङ टेक्सलाई सुन्न सक्ने बनाउँछ । साथै सुनेका टेक्सलाई ब्रेल लिपिमा प्रिन्टसमेत गर्न सकिने छ । 

यस सफ्टवेयरले दृष्टिविहीनको शिक्षाका लागि नयाँ अध्यायको शुरुवातसमेत भएको छ । नेपाली देवनागरिक भाषाका छापिएका पत्रपत्रिका, पुस्तक, चिठीपत्र तथा अन्य पाठ्यसामग्रीमा सहज पहुँचसमेत भएको छ । 

सार्वजनिक कार्यक्रममा सङ्घका अध्यक्ष रमेश पोखरेलले भने, “दृष्टिविहीनले पनि संविधान, सार्वजनिक सूचना तथा छापाका सामग्री सुन्न र छामेर अध्ययन गर्न पाउने भए, योभन्दा खुशी अरु के होला ।” 

पछिल्लो जनगणनाअनुसार नेपालमा दृष्टिविहीनको संख्या ९५ हजार रहेको छ । तीमध्ये निजामती सेवामा तीनजना अधिकृत, ११ नायब सुब्बा, एक खरिदार कार्यरत छन् भने निजी, राष्ट्रिय तथा गैरसरकारी संस्थामा ९५ जनामात्र कार्यरत छन् । यसैगरी ४०० दृष्टिविहीन शिक्षक कार्यरत रहेको सङ्घले जनाएको छ । 

राजदूत बडले सीमान्तकृत वर्ग तथा अपांगलाई सार्वजनिक सूचनाको पहुँचमा ल्याउँदै उनीहरुको आर्थिक तथा सामाजिक जीवनलाई माथि उठाउन सफ्टवेयर निर्माणमा सहयोग गरेको जानकारी दिँदै दृष्टिविहीनका लागि यो कोशेढुंगासावित हुने विश्वास व्यक्त गरे ।

सङ्घका कार्यकारी निर्देशक नरबहादुर लिम्बूले दृष्टिविहीनका चौतर्फी वृत्ति विकासमा सफ्टवेयर महत्वपूर्ण रहने विश्वास व्यक्त गर्दै यसले नयाँ युगमा प्रवेश गरेको धारणा व्यक्त गरे ।

सफ्टवेयर निर्माण कार्यदलका प्रमुख प्रा डा बलले यसका बारेमा जानकारी दिँदै देवनागरिक लिपि रहेका सामग्रीलाई सुन्न तथा ब्रेल लिपिमा अध्ययन गर्न यसले ढोका खुला गरेको छ भने । 


सर्वोच्चको कामकारबाही मोबाइल एपमा

सर्वोच्चको कामकारबाही मोबाइल एपमा

श्रावण २६, २०७४

श्रावण २६, २०७४- सर्वोच्च अदालतले मुद्दा मामिला र अन्य प्रक्रियागत कामकारबाहीलाई मोबाइल फोन मार्फत सहजै हेर्न मिल्ने बनाएको छ । प्रधानन्यायाधीश गोपाल पराजुलीले सर्वोच्च अदालतमा आयोजित एक कार्यक्रममा एप सञ्चालनको सुरुवात गरे । 

सर्वोच्च अदालतको कामकारबाहीलाई चुस्तदुरुस्त र सूचनाप्रविधिमैत्री बनाउन लागेको उल्लेख गर्दै प्रधानन्यायाधीश पराजुलीले यसबाट न्यायसम्पादन समेत छिटो छरितो हुने दाबी गरे । ‘सूचना प्रविधिको जमानामा धेरै मानिसहरुले स्मार्टफोन प्रयोग गर्ने भएकाले यसबाट मुद्दाका पक्षधरहरुले आफ्नो सूचना लिन सहज हुनेछ,’ उनले भने, ‘अरु सरोकारवालाहरुका लागि समेत सहज सूचना प्रभाव होला भन्ने आशा छ ।’

सर्वोच्च अदालतको आइटी समितीका संयोजक तथा न्यायाधीश अनिल सिन्हाले मोबाइल एप प्रयोगमा आएपछि बेवसाइट हेरेर गर्न मिल्ने कामहरु सहजै एपबाट थाह पाउन सकिने बताए । उनका अनुसार, दैनिकदेखि साप्ताहिक मुद्दाको पेशी र मुद्दा स्थगित भएको विवरण एपबाटै थाह पाउन सकिनेछ । 

‘सुप्रिम कोर्ट अफ नेपाल’ नामक एपमा महत्वपूर्ण आदेश तथा फैसला, मुद्दाको प्रक्रियागत विवरण, विभिन्न तहका अदालतमा पेश गर्नुपर्ने निवेदनका ढाँचाका नमूना राखिएका छन् । त्यसैगरी बैतनिक वकिलहरुको नाम सम्पर्क नम्बर समेत राखिएको सर्वोच्चका आइटी निर्देशक कृष्ण पौडेलले बताए ।  

 तहका अदालतमा पेश गर्नुपर्ने निवेदनका ढाँचाका नमूना राखिएका छन् । त्यसैगरी बैतनिक वकिलहरुको नाम सम्पर्क नम्बर समेत राखिएको सर्वोच्चका आईटी निर्देशक पौडेलले बताए ।  


 


विदेशबाट आएको फोन उठाउँदा पनि बोनस पाइने

विदेशबाट आएको फोन उठाउँदा पनि बोनस पाइने

२०७४ श्रावन १६

विदेशबाट आएको फोन उठाउँदा पनि बोनस पाइने


चिकित्सा शिक्षा विधेयक र मनमोहन कलेजको कनेक्सन

चिकित्सा शिक्षा विधेयक र मनमोहन कलेजको कनेक्सन

२०७४ श्रावन १६

चिकित्सा शिक्षा विधेयक र मनमोहन कलेजको कनेक्सन