14 Magh, 2077 / 27 January , 2021

Logo
gautam
Social Icon
Social Icon
Secondary Top

समाज


५८ वर्ष कैद सजाय पाएका श्रेष्ठ १५ वर्षपछि पक्राउ

५८ वर्ष कैद सजाय पाएका श्रेष्ठ १५ वर्षपछि पक्राउ


काठमाडौं, ४ माघ । ५८ वर्ष कैद सजाय पाएका एकजनाई प्रहरीले १५ वर्षपछि पक्राउ परेका छन्। 
चोरी मुद्दामा फरार ४१ वर्षीय दिपक श्रेष्ठलाई प्रहरीले काठमाडौं महानगरपालिका६ बौद्धबाट शनिबार पक्राउ गरेको हो।

महानगरीय अपराध महाशाखाको विशेष टोलीले दोलखा घर भइ बौद्ध बस्ने उनलाई पक्राउ गरेको प्रहरीले जनाएको छ ।
उनीविरूद्ध नवराज न्यौपानेसहित १० जनाले छुट्टाछुट्टै जाहेरी दिएका थिए। १० वटा चोरीको मुद्दामा काठमाडौं जिल्ला अदालतले २०६३ पुस २३ गते उनीविरूद्ध कैद सजाय सुनाएको थियो। 

अदालतले उनलाई ५८ वर्ष कैद सजाय सुनाएको थियो । श्रेष्ठलाई पक्राउ गरी फैसला कार्यान्वयन गर्न अदालतमा उपस्थित गराइएको छ। 


सांस्कृतिक संग्रहालय बनाउने घोषणा 

सांस्कृतिक संग्रहालय बनाउने घोषणा 



काठमाडौं, २६ पुस । धामीझाँक्रीहरुको संस्था संस्कृति संरक्षण तथा सामाजिक विकास केन्द्र नेपालले काठमाडौंमा सांस्कृतिक संग्रहालय बनाउने घोषणा गरेको छ । आइतबार रिपोटर्स क्लब नेपालमा पत्रकार सम्मेलनको आयोजना गरी केन्द्रले सांस्कृतिक संग्रालय बनाउने घोषणा गरेको हो । 
७७ जिल्लाका सांस्कृतिक तथ्यांक संकलन गरेर सांस्कृतिक संग्रहालय बनाउनेसंस्थाकी अध्यक्ष सीता सुनारले जानकारी गराइन् । उनले संग्रहालय बनाउने अभियानमा आफूहरु लागेको भन्दै देश विदेशमा रहेका सबै नेपालीहरुलाई  सहयोग गर्न आग्रह गरिन् । उनले भनिन्,‘संग्रहालय उदाहरणी हुनेछ ।’
वाचन शिरोमणी कपिल देव भट्टले संस्थाले महान कार्य गर्न लागेकोले सबैलाई सहयोग गर्न आग्रह गरे । उनले आफूलेपनि सक्दो सहयोग गर्ने प्रतिवद्धता व्यक्त गरे ।
सामाजिक अभियन्ता तथा संस्थाका सल्लाहकार कृष्ण प्रसाद पाण्डेले नेपालको भौगोलिक परम्परा, कला संस्कृति, बाजा गाजा, रहनसहन, भेषभुषा र पुजा पाठ आदीको संरक्षण गर्न लागेकोले सबैलाई सहयोग गर्न आग्रह गरे ।
केन्द्रले लामा, धामी, झाँक्री, देवमाता, बैद्यहरुले कला, संस्कृति, बाँजा गाँजा, मन्त्र, धुप, पुजापाठ, रहनसहन र भेषभुषाहरुको तथ्यांक संकलन गर्न ७७ जिल्लाका सरोकारवाला पक्षहरुलाई आह्वान गरेको छ ।
बोक्सा÷बोक्सिको आरोपमा हिंसा खेपिरहेको घटनाहरु हुन नदिने केन्द्रले जनचेतना अभियान समेत चलाउने जनाएको छ । बोक्सा बोक्सीको आरोप लगाउने, शारीरिक, मानसिक पीडा दिने र आर्थिक शोषण गर्ने जस्ता अमानविय व्यवहार नगर्न  सरोकारवालाहरुलाई अनुरोध गर्दै सचेत गराउने लक्ष्य रहेको समेत जानकारी दिएको छ । 
सस्थाले परम्परागत स्वास्थ्य उपचारमा भएका लामा, धामी, झाँक्री, देबमाता, बैद्यहरुको राष्ट्रव्यापी रुपमा तथ्याङ्कहरु संकलन गर्ने, संकलन गरिएका तथ्यांकको उचित संरक्षण गदै सबैलाई जानकारी दिने, “साँस्कृतिक सङंग्रालय” निर्माणको मध्यमले साँस्कृतिक अध्ययन केन्द्रको निर्माण गर्ने, अनावश्यक रुपमा कुप्रचार गर्नेहरुलाई जनचेतनाका माध्यमबाट निर्मूल गर्ने, पर्चा, पम्प्लेट, पोष्टर, होडिङ बोर्ड, बक्तव्य, बुकलेटहरु प्रकाशित गरी आवश्यक प्रचार प्रसार गर्ने, छलफल, बहस, गोष्ठी, कार्यशाला, अन्तक्र्रिया राष्ट्रिय, क्षेत्रिय तथा जिल्ला स्तरमा सम्मेलनहरु सञ्चालन गर्ने र आयुर्वेदिक पद्धतिको बाटो हुँदै आधुनिक चिकित्सा पद्धति तर्फ जागरुक बनाउने जस्ता उद्देश्य राखेको जनाएको छ ।
 


‘निर्मला पन्तको बलात्कारी खै ?’ लेखिएको टिसर्ट लगाउने युवक पक्राउ 

‘निर्मला पन्तको बलात्कारी खै ?’ लेखिएको टिसर्ट लगाउने युवक पक्राउ 



धनगढी, २४ पुस । धनगढीको खुुला मञ्चमा आयोजना भएको नेकपा ओली समूहको जनसभामा ‘निर्मला पन्तको बलात्कारी खै ?’ लेखिएको टिसर्ट लगाउने युवाहरुलाई प्रहरीले नियन्त्रणमा लिएको छ । कञ्चनपुरकी १३ वर्षीया बालिका निर्मला पन्तको बलात्कार गरी हत्या भएको २ वर्ष बित्दा पनि सरकार मौन रहेको भन्दै विरोध जनाएका थिए। उनीहरु ‘निर्मला पन्तको बलात्कारी खै ? ‘निर्मलालाई न्याय दे’ लेखेको टि–सर्ट लगाएर प्रधानमन्त्री ओली सहभागी कार्यक्रमा उपस्थित भएका थिए।  सशस्त्र प्रहरीले ६ जना युवकलाई  नियन्त्रणमा लिएर जिल्ला प्रहरी कार्यालयको जिम्मा लगाएको छ।

२०७५ साउन ११ मा कञ्चनपुरको भीमदत्त नगरपालिका–१८ निम्बुखेडास्थित उखुबारीमा निर्मला पन्तको शव बलात्कारपछि हत्या गरेको अवस्थामा फेला परेको थियो। 


 थपिए ४०३ कोरोना संक्रमित (हेर्नुहोस् कहाँ, कति संक्रमित ? )

 थपिए ४०३ कोरोना संक्रमित (हेर्नुहोस् कहाँ, कति संक्रमित ? )



काठमाडौं, २० पुस । सोमबार नेपालमा ४ सय ३ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयका अनुसार योसँगै देशभर कोरोना संक्रमितको  संख्या २ लाख ६२ हजार २६२ पुगेको छ।

सोमबार ५९४ जना कोरोना संक्रमित डिस्चार्ज भएका छन्। हालसम्म डिस्चार्ज हुनेको संख्या २ लाख ५५ हजार ८८ पुगेको छ।

हाल देशभर ५ हजार २ सय ८९ जना सक्रिय संक्रमित रहेका छन। यस्तै नेपालमा पछिल्लो २४ घण्टामा थप ७ जना कोरोना संक्रमितको मृत्यु भएको छ। यससँगै देशभर कोरोनाबाट ज्यान गुमाउनेको संख्या १ हजार ८ सय ८५ पुगेको छ। पछिल्लो २४ घण्टामा काठमाडौँ उपत्यकामा थप १८५ जनामा कोरोना भाइरसको संक्रमण पुष्टि भएको छ।

स्वास्थ्य मन्त्रालयका अनुसार काठमाडौँमा १४०, भक्तपुरमा २४ र ललितपुरमा २१ जना कोरोना संक्रमित थपिएका छन्। मन्त्रालयका अनुसार हाल देशभर २०९ जना कोरोना संक्रमितको आईसीयुमा र ३४ जनाको भेन्टिलेटरमा उपचार भइरहेको छ।

हेर्नुहोस् कहाँ, कति संक्रमित 


 विमानस्थलबाट ५० राउन्ड गोलीसहित एक व्यक्ति पक्राउ 

 विमानस्थलबाट ५० राउन्ड गोलीसहित एक व्यक्ति पक्राउ 



काठमाडौं, २० पुस । काठमाडौंबाट झापाको भद्रपुर जान लागेका एक व्यक्ति ५० राउन्ड गोलीसहित विमानस्थलबाट पक्राउ परेका छन् । श्री एयरलाइन्सबाट भद्रपुरजान लागेका व्यक्तिलाई गोलीसहित पक्राउ गरिएको हो । पक्राउ पर्नेमा मेचीनगर नगरपालिका–२ का बद्रीहाङ राई रहेका छन् । उनलाई त्रिभुवन विमानस्थलबाट हातहतियारसहित पक्राउ गरिएको हो ।
उनलाई नाइन एमएम पेस्तोलमा लाग्ने गोलीसहित सोमबार पक्राउ गरिएको विमानस्थल सुरक्षा प्रमुख एसएसपी राजेशनाथ बाँस्तोलाले जानकारी दिएका छन् । 
उनका अनुसार १२ः४५ को श्री एयरलाइन्सको जहाजमा उनी भद्रपुर उड्न लागेका थिए। प्रहरीले चेकिङका क्रममा उनको झोलाबाट गोली बरामद गरेको हो । पक्राउ परेका राईलाई आवश्यक अनुसन्धानका लागि अहिले महानगरीय प्रहरी वृत्त गौशालामा राखिएको छ।

 

प्रतिकात्मक तस्बिर


विदेश जान नक्कली पीसीआर रिपोर्ट, विमानस्थलबाट पक्राउ परे सात जना 

विदेश जान नक्कली पीसीआर रिपोर्ट, विमानस्थलबाट पक्राउ परे सात जना 


काठमाडौं, १९ पुस । नक्कली पीसीआर रिपोर्टसहित विदेश जान लागेका सात जना पक्राउ परेका छन् । प्रहरीले फ्लाई दुबईको उडानमार्फत शनिबार साँझ दुबई जानको लागि त्रिभुवन अन्तर्राष्ट्रिय विमानस्थल पुगेका उनीहरुलाई पक्राउ गरेको हो । 
पक्राउ पर्नेमा सल्यानको खैरागर घर भएका दिनेश सिंहसहित अन्य सात जना रहेका छन् । उनीहरूको साथमा रहेको पीसीआर रिपोर्ट नक्कली भएको शङ्काको आधारमा सोधपुछ गर्दा फरक व्यवहार देखाएपछि अनुसन्धान गरिएको र उनीहरूको रिपोर्ट नक्कली पुष्टि भएको प्रहरीले जनाएको छ । यस विषयमा प्रहरीले थप अनुसन्धान गरिरहेको छ।


नयाँ वर्ष सन् २०२१ आजदेखि शुरु 

नयाँ वर्ष सन् २०२१ आजदेखि शुरु 



काठमाडौं, १७ पुस । अंग्रेजी नयाँ वर्ष सन् २०२१ आजदेखि शुरु भएको छ । जिसस क्राइस्टलाई फाँसी दिएपछि इस्वी सम्वतको सुरुवात भएको भन्ने भनाइ रहेको छ । पोप ग्रेगोरीले जुलियन पात्रोअनुसारको सनलाई प्रतिस्थापन गर्दै अहिले प्रचलनमा आएको पात्रोलाई चलाएकाले यसलाई ग्रेगोरियन पात्रोअनुसारको नयाँ वर्ष पनि भनिन्छ ।

नेपालका विभिन्न ठाउँमा अंग्रेजी नयाँ वर्ष मनाउने चलन बढेको छ । काठमाडौंको ठमेल, बौद्ध, पोखरालगायत स्थानमा ‘न्यू इयर इभ’ का नाममा अंग्रेजी नयाँ वर्ष मनाइने गरिन्छ। नयाँ वर्ष मनाउन पोखरा, नगरकोट, धुलिखेल, चितवनको सौराहालगायतका स्थानहरुमा उल्लेख्य आन्तरिक पर्यटक पुगेका छन् । 


काठमाडौं उपत्यकामा थप २४७ जनामा कोरोना संक्रमण

काठमाडौं उपत्यकामा थप २४७ जनामा कोरोना संक्रमण


 

काठमाडौं, १६ पुस । काठमाडौं उपत्यकामा थप २४७ जनामा कोरोना भाइरसको संक्रमण पुष्टि भएको छ। संक्रमित हुनेमा १०३ महिला र १४४ पुरुष छन्। स्वास्थ्य मन्त्रालयका अनुसार काठमाडौंमा २२५, भक्तपुरमा ३८ र ललितपुरमा ४९ जना कोरोना संक्रमित थपिएका छन्।


 लुम्बिनी चिनी उद्योगका सञ्चालक अग्रवाल पक्राउ

लुम्बिनी चिनी उद्योगका सञ्चालक अग्रवाल पक्राउ



काठमाडौं, १६ पुस । लुम्बिनी चिनी उद्योगका सञ्चालक पक्राउ परेका छन् । बक्यौता रकम नतिरेपछि प्रहरीले सञ्चालक मनोज अग्रवाललाई वीरगञ्जबाट पक्राउ गरेको हो । उनलाई प्रहरीको अपराध महाशाखाको टोलीले नियन्त्रणमा लिएको हो । पक्राउ परेका अग्रबालपछि थप अनुसन्धान भइरहेको प्रहरीले बताएको छ । प्रहरीले यसअघि नै किसानको पैसा नतिर्ने चिनी मिल सञ्चालकलाई पक्राउ पुर्जी जारी गरेको थियो ।
प्रहरीले पुर्जी जारी गरेपछि अग्रवाल फरार रहेका थिए । सो उद्योगले किसानको करिव १७ करोड बक्यौता तिर्न बाँकी रहेको छ । उद्योगले स्वामित्व विवादका कारण किसानले भुक्तानी पाउन नसकेको बताउँदै आएको छ ।

 


 काठमाडौंका यि ठाउँमा शुक्रबार र शनिबार विजुली जाने 

काठमाडौंका यि ठाउँमा शुक्रबार र शनिबार विजुली जाने 


काठमाडौं, २ पुस । काठमाडौंका विभिन्न ठाउँमा शुक्रबार र शनिबार केही समय बत्ती जाने भएको छ । नेपाल विद्युत् प्राधिकरणका अनुसार बालाजु सबस्टेशनको ११ केभी ब्रेकर जडान गर्नुपर्ने भएकोले यस सबस्टेशनबाट वितरित क्षेत्रमा बत्ती जाने भएको हो । शुक्रबार बिहान ७ बजेदेखि १० बजेसम्म तीन घण्टा र शनिबार दिउँसो १२ बजेदेखि ३ बजेसम्म तीन घण्टा बत्ती जाने भएको हो । जडान कार्य गर्नुपर्ने हुँदा बालाजु औद्योगिक क्षेत्र १, बालाजु औद्योगिक क्षेत्र २, ढुङ्गेधारा, महाराजगञ्ज २, नयाँ बजार र धर्मस्थली फिडरहरू शटडाउन हुने प्राधिकरणको जनाएको छ । 



Prabhu Side Bar



Sidebar Middle
Sidebar Bottom


Maruti