16 Chaitra, 2080 / 29 March , 2024

Logo
Newsajako
Social Icon
Social Icon
Secondary Top

News


साउदी श्रम कानून संशोधन हुँदै

साउदी श्रम कानून संशोधन हुँदै


काठमाडौं, १२ चैत । साउदी अरबमा कानून संशोधन हुँदैछ। साउदी अरबको मानव संसाधन तथा सामाजिक विकास मन्त्रालयले काम नदिई कामदार राख्ने कम्पनी र रोजगारदातालाई कडा कारबाही गर्ने उद्देश्यले श्रम कानून संशोधन गर्ने योजना अघि बढाएको छ।

मन्त्रालयले कामदारलाई काम नदिने कम्पनीहरू र रोजगारदातालाई दुई लाख रियालदेखि १० लाख रियाल (नेपाली ७० लाखदेखि तीन करोड ५० लाख रुपैयाँ)सम्मको जरिवाना गर्ने गरी संशोधनको प्रस्तावको मस्यौदा तयार पारेको छ। नयाँ कानुन पारित भएपछि साउदी अरबको श्रम बजारमा श्रमसँग जोडिएर भइरहेको गैरकानुनी गतिविधिलाई नियन्त्रण गर्ने मन्त्रालयले जनाएको छ ।

मन्त्रालयले सार्वजनिक गरेको प्रस्तावित कानूनमा जनता, सरकारी निकाय र निजी क्षेत्रको रायसमेत माग गरेको छ। मन्त्रालयले जनता, सरकारी निकाय र निजी क्षेत्रको रायको सर्वेक्षण गर्न राष्ट्रिय प्रतिस्पर्धा केन्द्रसँग आबद्ध एकीकृत विद्युतीय सार्वजनिक परामर्श मञ्च (इस्टिटला)मार्फत संशोधनमा आफ्ना राय दिन सरोकारवाला अह्वान गरेको छ । श्रम कानुन संशोधन गर्ने सर्वेक्षणमा राय–सुझाव दिन आगामी २० अप्रिलसम्मको समय तोकिएको छ ।


इलामको सेवा गर्ने संकल्पसहित निर्वाचनमा उभिएको छुः  सुहाङ नेम्वाङ

इलामको सेवा गर्ने संकल्पसहित निर्वाचनमा उभिएको छुः सुहाङ नेम्वाङ


काठमाडौं, १२ चैत । नेकपा एमालेको तर्फबाट इलाम २ का उम्मेदवार सुहाङ नेम्वाङले इलामको सेवा गर्ने संकल्पसहित आफू उभिएको बताएका छन्। सोमबार सामाजिक सञ्जालमा लामो स्ट्याटस लेख्दै सुहाङले आफूलाई उम्मेदवार बनाउन सहयोग गर्नेप्रति आभार व्यक्त गर्दै इलामको सेवा गर्ने संकल्प सहित आफू उभिएको बताएका हुन्।

उनले लेखेका छन्, 'केवल परिस्थीतिजन्य हिसाबले मात्रै म तयार भएको भने कदापी होइन। मन, वचन र कर्मले इलामको सेवा गर्ने संकल्प सहित उभिएको छु। त्यो प्रतिबद्धता र अठोट सहित तयार भएको छु। इलामको लागि स्पष्ट योजना र मार्गचित्र सहित यात्राको लागि तयार भएको हुँ।'

नेम्वाङले आफ्ना बुवा सुवास नेम्वाङप्रति इलामेली जनताको आशा, भरोसा र विश्वासका कारण आफूले पनि राजनीतिलाई पछ्याएको बताएका छन्। उनले लेखेका छन्, 'बुवासँग जोडिएका इलामेली जनताको सपना, संकल्प र अपेक्षाले मलाई पछ्याइरह्यो। आदरणीय इलामेली जनताहरुले हामीप्रति देखाउनु भएको माया, सद्भाव र शुभेच्छाले अरुतिर जाने अनुमति दिएन। र भनियो, ‘सुहाङ तिमिलाई भाग्न मिल्दैन है।’ त्यसैले म उम्मेदवारको लागि तयार भएँ।'

अझै केही वर्ष ‘लो प्रोफाइल’मा बसेर बुवाकै साथमा रहेर सिक्ने, बुझ्ने रहर भए पनि अकल्पनीय आकस्मिकता आइलागेको पनि उनले बताएका छन्।  

'मलाई लागेको थियो, ‘अझै थुप्रै बर्षहरु बुवाको साथमा रहनेछु । सिक्नेछु। बुझ्नेछु। जान्नेछु। ‘लो प्रोफाइलमा’ बसेर बुवाले देख्नुभएको सपना र गर्नुभएको संकल्प पुरा गर्न अधिकतम् योगदान गर्नेछु । इलामेली वृद्ध बुवाआमाहरुले, नौजवान साथीहरुले र कलिला नानीहरुले देखेका सपनाहरु पुरा गर्न बुवालाई दरिलो साथ दिनेछु’ उनले लेखेका छन्, 'म उहाँको लागि दरिलो सहयोगी बन्नेछु। तर बिडम्बना मेरो जीन्दगीमा पनि अकल्पनीय ‘आकस्मिकता’ आइलाग्यो। अकल्पनीय ब्रजपात आइलाग्यो।'

उनले आफू उम्मेदवार बन्दै गर्दा पार्टीको विकास, विस्तार र आन्दोलनमा लागेका नेताहरूको भावनालाई शिरमा राख्ने प्रतिबद्धता समेत जनाएका छन्।

सुहाङलाई आइतबार बसेको एमाले केन्द्रीय सचिवालय बैठकले 
 


अछाममा ट्याक्टर दुर्घटना हुँदा एकै वडाका ५ जनाको मृत्यु, ३ घाइते

अछाममा ट्याक्टर दुर्घटना हुँदा एकै वडाका ५ जनाको मृत्यु, ३ घाइते


काठमाडौं, १२ चैत । अछामको मेल्लेखमा ट्र्याक्टर दुर्घटना भएको छ । प्रहरीका अनुसार मेल्लेख गाउँपालिका– ७ मा उक्त दुर्घटना भएको हो । दुर्घटनामा परी पाँच जनाको मृत्यु भएको छ । सोही दुर्घटनामा परी घाइते भएका तीन जनालाई अछामको बयलपाटा अस्पताल पठाइएको प्रहरीले जानकारी दिएको छ ।

मृत्यु हुनेमा मेल्लेख– १ का ५५ वर्षीय रङ्ग धामी, १५ वर्षीय जनक धामी, ४५ वर्षीय प्रेम धामी, ३७ वर्षीय नरबहादुर धामी र २१ वर्षीय जनक धामी रहेको जिल्ला प्रहरी कार्यालयका सूचना अधिकारी प्रहरी निरीक्षक अर्जुन साउदले जानकारी दिए । उनका अनुसार दुर्घटनामा ४२ वर्षीय लालबहादुर धामी, ४० वर्षीय हंस धामी र एक बालक घाइते भएका छन् ।

मेल्लेखको षोडशाबाट साँफेबगरतर्फ जाँदै गरेको ०१० ०२ त ४९७९ नम्बरको ट्र्याक्टर सुयेडीमा दुर्घटना भएको हो । उक्त ट्र्याक्टर सडकबाट करिब ५० मिटर तल खसेको जनाइएको छ ।

दुर्घटनाबारे विस्तृत विवरण भने आउन बाँकी छ । मृतक र घाइते एउटै वडका बासिन्दा हुन् । घाइते तीनै जनालाई उपचारका लागि बयलपाटा अस्पताल लगिएको प्रहरीले जनाएको छ ।
 


ढोलाहिटीमा दुई समूहबीच झडप, दुई जनाको मृत्यु

ढोलाहिटीमा दुई समूहबीच झडप, दुई जनाको मृत्यु


काठमाडौं, १२ चैत । ललितपुर महानगरपालिका–२६ ढोलाहिटीमा गए राति दुई जनाको हत्या भएको छ । राति नौ बजेको समयमा दुई समूहबीच झडप हुँदा दुई जनाको ज्यान गएको जिल्ला प्रहरी परिसर ललितपुरले जनाएकाे छ । 
मृत्यु हुनेमा सुनसरी जिल्लाको धरान घर भई हाल ढोलहिटी बस्ने २८ वर्षीय रोवस राई र पाँचथर जिल्ला घर भई हाल खुमलटार बस्ने ३० वर्षीय पुजन राई रहेको बताए । उनीहरूको शव पाटन र सुमेरु अस्पतालमा राखिएको छ । घटनामा संलग्न भएको आशङ्कामा प्रहरीले गए राति नै १८ जनालाई नियन्त्रणमा लिएको छ । 


होलीमा ट्राफिक नियम उल्लङ्घन गर्ने ६ सय ६४ सवारी कारबाहीमा

होलीमा ट्राफिक नियम उल्लङ्घन गर्ने ६ सय ६४ सवारी कारबाहीमा


काठमाडौं, ११ चैत । होलीमा ट्राफिक नियम उल्लङ्घन गर्ने ६ सय ६४ वटा सवारी साधनलाई प्रहरीले कारबाही गरेको छ।

जिल्ला प्रहरी परिसर काठमाडौँको टोलीले ट्राफिक नियम उल्लङ्घन गर्ने छ सय ६४ वटा सवारी साधनलाई नियन्त्रणमा लिएको हो। यसमा चार पाङ्ग्रे छ सय ४९ तथा दुई पाङ्ग्रे १५ वटा रहेको जिल्ला प्रहरी परिसर काठमाडौँले जनाएको छ।

लापसे, मापसे गरी सवारी साधन चलाउने तथा सवारी साधनका कागजपत्र नबोक्ने, हेलमेट नलगाई सवारी चलाउनेका सवारी साधन नियन्त्रणमा लिइएको प्रहरीले जनाएको छ।

फागु पूर्णिमा अर्थात् होली पर्वलाई सुरक्षित बनाउने भन्दै प्रहरीले उपत्यकाको सुरक्षा व्यवस्था कडा बनाएको थियो।

ट्राफिक चेकिङदेखि सादा पोसाकसहित गरी कूल तीन हजार प्रहरी खटाइएको थियो भने ड्रोनबाट निगरानी गरिएको थियो।


इलाम-२ मा एमालेबाट सुहाङ नेम्वाङ उम्मेदवार

इलाम-२ मा एमालेबाट सुहाङ नेम्वाङ उम्मेदवार


काठमाडौं, ११ चैत । इलाम क्षेत्र-२ मा आउँदो वैशाख १५ मा हुने उपनिर्वाचनका लागि नेकपा (एमाले )ले सुहाङ नेम्बाङलाई उम्मेदवार बनाउने भएको छ।

आज (आइतबार) को केन्द्रीय सचिवालयको ३० औं बैठकले सुहाङलाई उम्मेदवार बनाउने निर्णय गरेको एमाले नेता प्रदीप ज्ञवालीले जानकारी दिए। इलामस्थित एमालेले चैत ५ मा सुहाङसहित छ जनाको नाम केन्द्रमा उम्मेदवारका लागि सिफारिस गरेको थियो।

जिल्लामा उम्मेदवार बन्न छ जनाले इच्छा देखाएपछि सहमति हुन नसक्दा सुहाङ, रवीन्द्र सुवेदी, डा. देवी क्षेत्री दुलाल, बुद्धिप्रसाद खनाल, नरेन्द्रनाथ भट्टराई र रिप्पल राईको नाम एमालेले केन्द्रमा पठाएको थियो।


संवैधानिक परिषद्को बैठक सोमबार बस्ने 

संवैधानिक परिषद्को बैठक सोमबार बस्ने 


काठमाडौं, ११ चैत । प्रधानमन्त्री पुष्पकमल दाहाल 'प्रचण्ड'ले संवैधानिक परिषद्को बैठक बोलाएका छन् । उनले सोमबार बस्ने गरी बैठक बोलाएका हुन् । नयाँ सत्ता समीकरण बनेपछि प्रचण्डले बोलाएको बैठकमा संवैधानिक पदमा रिक्त रहेका पदहरूमा पदपूर्ति हुने सम्भावना छ । त्यसमा पनि महालेखापरीक्षकको नियुक्तिको विषयमा छलफल हुनेछ ।

संवैधानिक परिषद्ले नियुक्त गर्ने संवैधानिक पदहरूमा पदाधिकारीहरू रिक्त छन् । गत १८ साउनको बैठकले महालेखापरीक्षक, निर्वाचन आयुक्त, प्राकृतिक स्रोत तथा वित्त आयोगको सदस्य र मुस्लिम आयोगको सदस्यका लागि इच्छुकहरूको आवदेन गर्नुपर्ने व्यवस्थाका लागि प्रक्रिया सुरु गर्ने निर्णय गरेको थियो ।

७ जेठ २०८० मा महालेखापरीक्षक टंकमणि शर्माको पदावधि सकिएपछि महालेखापरीक्षकको कार्यालय नेतृत्वविहीन छ । राजनीतिक दलहरूबीच संवैधानिक नियुक्तिमा सहमति नजुटेका कारण महालेखापरीक्षक नियुक्ति हुन नसकेको हो ।


अनुसन्धानमा लापरवाही गर्नेमाथि कारबाही सिफारिस गर्न गृहमन्त्रालयद्वारा समिति गठन

अनुसन्धानमा लापरवाही गर्नेमाथि कारबाही सिफारिस गर्न गृहमन्त्रालयद्वारा समिति गठन


काठमाडौं, ११ चैत ।  सुन तस्करी प्रकरणको अनुसन्धानमा लापरवाही गर्नेमाथि थप छानबिन गरेर कारबाही सिफारिस गर्न गृहमन्त्रालयले समिति गठन गरेको छ ।
छानबिनामा गम्भीर लापरवाही गरेको आरोपमा कारबाही सिफारिस भएका प्रहरीलाई कारबाही गर्न अर्को समिति बनाएको गृहको भनाइ छ । कानून महाशाखाका सहसचिव भरतमणि रिजालको नेतृत्वमा गठित समितिमा नेपाल प्रहरीका डीआईजी भीमप्रसाद ढकाल र गृह मन्त्रालयकै प्रहरी प्रशासन शाखाका उपसचिव रामबहादुर शाही सदस्य छन् ।
रिजाल नेतृत्वको समितिले उच्चस्तरीय सुन तस्करी जाँचबुझ आयोगले दिएको प्रतिवेदन अध्ययन गरेर कसलाई के कारबाही गर्ने भन्ने सिफारिस गर्नेछ ।

कारबाही सिफारिसमा परेका केन्द्रीय अनुसन्धान ब्यूरो (सीआईबी)का तत्कालीन प्रहरी अतिरिक्त महानिरीक्षक (एआईजी) किरण बज्राचार्यसहित एसपी सञ्जयसिंह थापा र डीएसपीद्वय रुगम कुँवर र दुर्गा दाहालमाथि थप छानबिन र कारबाहीको आवाज उठेपछि समिति बनाइएको गृहको भनाइ छ ।
 


आज होली पर्व, आपसमा रङ दलेर मनाइँदै

आज होली पर्व, आपसमा रङ दलेर मनाइँदै


काठमाडौं, ११ चैत । पहाडी र हिमाली जिल्लामा आज होली पर्व मनाइँदै छ। फागुन शुक्ल पूर्णिमाका दिन मनाइने फागु पूर्णिमा अर्थात् होली पर्व आज हिमाली एवं पहाडी जिल्लामा हर्षोल्लासका साथ एकापसमा रङ खेलेर मनाइन्छ। तराई मधेशका जिल्लामा भने भोलि (सोमबार) होली पर्व मनाइनेछ। आफन्त मिलेर रङ, पानी खेलेर खुसी साट्ने होलीपर्वको विशेषता हो । काठमाडौँ उपत्यकास्थित वसन्तपुरमा सामूहिकरूपमा होली खेल्ने गरिन्छ। नेपाली र विदेशीसमेत वसन्तपुरको होलीमा सहभागी हुने गरेका छन्। 
फागु पूर्णिमामा एकापसमा रङ, अबिर दलेर रमाइलोमात्र गरिदैन नाचगान पनि गरिन्छ । बूढापाका, युवा र बालबालिका पनि हौसिएर नाचगानमा भाग लिन्छन्। 
 


थाइल्याण्डमा अलपत्र १३ नेपालीको उद्धार

थाइल्याण्डमा अलपत्र १३ नेपालीको उद्धार


काठमाडौं, ९ चैत । थाइल्याण्डमा अलपत्र परेका १३ नेपालीको उद्धार गरिएको छ । थाइल्याण्डमा अलपत्र परेका १३ नेपालीको उद्धार गरी आज शुक्रबार नेपाल ल्याइएको हो । 
थाइल्याण्डस्थित नेपाली राजदूतावास बैंककले एक विज्ञप्ति जारी गर्दै थाइल्याण्ड र म्यान्मार सीमा नजिक म्यान्मारको म्यावड्डीमा विगत लामो समयदेखि समस्यामा परेका १३ नेपाली नागरिकहरूलाई थाई परराष्ट्र मन्त्रालय, थाई इमिग्रेसन ब्यूरो र नेपाली राजदूतावासको समन्वयमा उद्धार गरेको जनाएको छ । 

विज्ञप्तिमा भनिएको छ,'उल्लेखित १३ नेपाली नागरिकहरूलाई मिति २०८०।१२।९ का दिन राजदूतावासले थाइल्याण्डको मेइसोटसम्म कर्मचारी खटाई थाई म्यान्मार सीमा पार गराई थाइल्याण्डको मेइसोटतर्फ ल्याई त्यहाँबाट हवाई यात्रा मार्फत बैङ्कक हुँदै आजै नेपाल एयरलाइन्सको उडान नं RA 402 बाट काठमाडौँ पठाइएको छ ।'