16 Chaitra, 2080 / 29 March , 2024

Logo
Newsajako
Social Icon
Social Icon
Secondary Top

काठमाडौं उपत्यकामा थप १५ जनामा कोरोना संक्रमण पुष्टि




काठमाडौं उपत्यकामा थप १५ जनामा कोरोना संक्रमण पुष्टि


काठमाडौं, १४ साउन। काठमाडौं उपत्यकामा १५ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयको नियमित प्रेस ब्रिफिङमा प्रवक्ता डा.जागेश्वर गौतमले काठमाडौं उपत्यकामा १५ संक्रमित थपिएको पुष्टि गरे । 

नयाँ संक्रमितमा काठमाडौंमा १४ जना र भक्तपुरमा १ जना रहेका छन् । यस्तै राष्ट्रिय जनस्वास्थ्य प्रयोगशालामा गरिएको परीक्षणमा काठमाडौंका दुईजना र भक्तपुरका एक जनामा कोरोना देखिएको छ । शुक्रराज ट्रपिकल तथा सरुवा रोग अस्पतालमा गरिएको परीक्षणमा काठमाडौंका सात जनामा संक्रमण पुष्टि भएको हो । 

त्यसैगरी स्टार अस्पताल सानेपामा गरिएको परीक्षणमा काठमाडौंका २ जना, वीर अस्पतालमा गरिएको परीक्षणमा काठमाडौंका २ जनामा कोरोना संक्रमण पुष्टि भएको छ । 

त्रिवि शिक्षण अस्पताल (टिचिङ)मा गरिएको परीक्षणमा काठमाडौंका एकजनामा कोरोना संक्रमण पुष्टि भएको छ । यसअघि मंगलबार ५३ जनामा कोरोना संक्रमण पुष्टि भएको थियो । 
 




यसमा तपाइको मत


Comments