06 Baishak, 2081 / 18 April , 2024
काठमाडौं, १५ साउन । आजदेखि ट्राभल, ट्रेकिङ, पर्वतारोहणलगायतका व्यवसाय खुल्ला हुने भएको छ । गएको चैत ११ गतेदेखि बन्द रहेका पर्यटकीय व्यवसाय आजदेखि खुल्न लागेका हुन् । साउन ६ गतेको मन्त्रिपरिषद्को बैठकको निर्णयले साउन १५ गतेबाट ट्राभल, ट्रेकिङ, पर्वतारोहणलगायतका व्यवसाय खुल्ला गर्ने निर्णय गरेका थियो ।
अहिले यी व्यवसायीले पर्यटकीय सिजनको लागि अग्रिम बुकिङ र अन्य तयारी गर्ने र कोरोनाको सङ्क्रमण कम हुँदै गएपछि पर्यटकका लागि खुल्ला गर्ने सरकारले जनाएको छ ।
यस्तै आजदेखि नै होटल तथा रेस्टुरेन्ट पनि खुल्दैछन् । तर होटल तथा रेस्टुरेन्टमा सामूहिक भोज र समारोह गर्न पाइने छैन ।