13 Baishak, 2081 / 25 April , 2024
काठमाडौं, १५ साउन । तनहुँको ब्यास नगरपालिका १४ घर भई हाल साइप्रसमा रहेका दुर्गानिधी कौडाल (नवराज)ले रचना गरेको ‘मनको बोह’ बोलको गीत रेकर्ड भएको छ । गीतकार तथा सङ्गीतकार डा.श्यामसुन्दर चौधरीको स्वर रहेको उक्त गीतको शनिबार रेकर्ड गरिएको हो ।
गजल, आधुनिक र रोइला गीत रचना गरिसकेका कौडालको यो गीतमा माया पीरतीका शब्द समेटिएको छ । यो गीत छिट्टै नै बजारमा ल्याउने समेत कौडालले बताए ।
‘मनको बोह’ को केहि शब्द
तिमीसँग मनको बह पोख्न पाको थिइन
बाध्यताले तिमीसँग भेट्न पाको थिइन
सुनेको थिए पराइसँग नाता जोड्दै छौ रे
अजम्बरी भनेर लाएको माया तिमीले तोड्दै छौ रे
तिमीसँग बाचा कसम खान पाको थिइन
झुटो माया तिमीसँग मैले लाको थिइन
यस अगाडी कौडालले आधुनिक गजल ‘भन्छन् नि त दुनियाँले’, रोइला ‘चुलबुले’ र लोक तथा आधुनिक ‘मर्म’ गीत रचना गरिसकेका छन् ।
