14 Baishak, 2081 / 26 April , 2024
काठमाडौं, २१ साउन। कोरोना भाइरसको संक्रमणबाट काठमाडौंमा थप एकजनाको मृत्यु भएको छ । बलम्बुस्थित सशस्त्र प्रहरी अस्पतालमा उपचाररत ६५ वर्षीया वृद्धाको कोरोना संक्रमणबाट मृत्यु भएको हो । स्थायी घर सर्लाही भएकी ६५ वर्षकी महिलाको बुधबार मृत्यु भएको प्रहरीले जनाएको छ ।
ती वृद्धा ज्वरो तथा निमोनियाँको लक्षण देखिएर साउन १६ गते स्वयम्भूस्थित मनमोहन मेमोरियल अस्पतालमा भर्ना भएकी थिइन् ।
साउन १९ गते कोरोना पुष्टि भएपछि सोही दिन उनलाई बलम्बु रिफर गरिएको थियो । ती महिलाको भेन्टिलेटरमा उपचार भइरहेको थियो । योसँगै कोरोना संक्रमितको मृत्यु हुनेको संख्या ६१ पुगेको छ ।
