08 Baishak, 2081 / 20 April , 2024
काठमाडौं, २२ साउन । पर्सामा थप ४३ जनामा कोरोना संक्रमण पुष्टि भएको छ । नेपाली सैनिक, चिकित्सक, स्वास्थ्यकर्मी, सफाइकर्मी, नेतासहित थप ४३ जनामा कोरोना संक्रमण पुष्टि भएको हो ।
बुधबारराति नारायणी अस्पतालको प्रयोगशालामा गरिएको परीक्षणमा संक्रमण पुष्टि भएकामध्ये ११ जना नेपाली सेनामा कार्यरत रहेका छन् ।
भारतीय महावाणिज्य दूतावासका ३० वर्षीय कर्मचारी, नारायणी अस्पतालका दुई कर्मचारी र एक बिरामीमा पनि संक्रमण पुष्टि भएको छ । समुदायस्तरमा गरिएको स्वाब संकलनमा छ जना र संक्रमितको सम्पर्कमा रहेका तीन जनामा पनि संक्रमण पुष्टि भएको छ । त्यस्तै एकजना बैंकका कर्मचारीमा पनि संक्रमण पुष्टि भएको छ ।
संक्रमितमध्ये रौतहट मौलापुर र बाराको देवतालका एक–एक जना छन् ।
