16 Chaitra, 2080 / 29 March , 2024
एजेन्सी । भारतको गुजरात राज्यमा रहेको कोभिड अस्पतालमा आगलागी भएको छ । आगलागीमा आठ जनाको मृत्यु भएको छ ।
अहमदाबादको नवरङ्गपुर क्षेत्रमा भएको उक्त घटनामा मृतकमध्ये तीन जना महिला भएको बीबीसी हिन्दीले जनाएको छ । अहमदाबादका एक वरिष्ठ अग्निशमन अधिकारीले स्थानीय श्रेय अस्पतालमा बिहान ३ बजेतिर आगो लागेको हो ।
बिजुलीको शर्ट सर्किटका कारण आगो लागेको र एक घण्टामा आगो नियन्त्रण लिइएको थियो । उक्त अस्पतालबाट उद्धार गरेर कोभिड पुष्टि भएका ४० बिरामीलाई अर्को अस्पतालमा सारिएको छ ।
आगो नियन्त्रण र उद्धारमा संलग्न सबै कर्मचारीलाई क्वारन्टीनमा राखिएको छ। राज्य सरकारले घटनाबारे तीन दिनभित्र अनुसन्धान गरिसक्न निर्देशन दिएको छ। प्रधानमन्त्री नरेन्द्र मोदीले उक्त घटनाप्रति शोक व्यक्त गरेका छन्।