07 Baishak, 2081 / 19 April , 2024
लमजुङ, २४ साउन । लमजुङको दुधपोखरी धार्मिक पर्यटनको प्रचुर सम्भावन बोकेको छ । विशेष गरेर जनैपूर्णिमाको अवसर यहाँ भक्तजनको घुँइचो लाग्ने गर्छ ।दूधपोखरीमा नुहाएर पुण्य कमाउने र मोक्ष प्राप्त हुने विश्वास रहि आएको छ ।
हिमालको काखमा तीन चार दिनको कठिन यात्रापछि पुग्न सकिने दूधपोखरी धाम लमजुङको मात्र नभइ देशकै पवित्र तीर्थस्थलको रुपमा प्रसिद्ध छ । जिल्लाको सुदुरपूर्वी भेगमा अवस्थित दूधपोखरी कुण्डमा हरेक बर्ष जनैपूर्णिमाका दिन धार्मिक मेला लाग्ने गर्दछ ।
देवादि देव महादेवको बासस्थानको रुपमा परिचित यो कुण्डमा जनैपूर्णिमाका दिन नुहाए सम्पूर्ण पाप नष्ट भइ मोक्ष प्राप्त हुने र पितृलाई तर्पण दिए पितृ ऋणबाट मुक्त भइने धार्मिक विश्वास रहँदै आएको छ । साविकको दूधपोखरी गाविसमा पर्ने धार्मिक तथा पर्यटकीय महत्वको दूधपोखरी समुद्री सतहदेखि ४ हजार ३ सय मिटरको उचाइमा पर्दछ ।
हेर्नुहोस् तस्बिरमा
तस्बिर: कोइबो सिउरुङ लमजुङ
