15 Chaitra, 2080 / 28 March , 2024
काठमाडौं, २४ भदौ । बिहीबारबाट काठमाडौं उपत्यकामा पसल र सवारी साधन पनि सञ्चालन हुने भएका छन् । आज बसेको बैठकबाट काठमाडौं, ललितपुर र भक्तपुरका प्रमुख जिल्ला अधिकारीहरुले पसल र सवारी साधन पनि सञ्चालन गर्ने गरी निर्णय गरेका हुन् ।
तीन हप्तासम्म कडा निषेधाज्ञा लगाइएको काठमाडौं उपत्यकामा बिहीबारबाट निजी सवारी साधन सबै र १६ सिट भन्दा बढी क्षमताका भएका सार्वजनिक सवारी साधन जोर विजोर प्रणालीमा सञ्चालन हुने गरी निषेधाज्ञाको आदेश जारी गरेका छन् भने ट्याक्सीमा चालकसहित ३ जना मात्र बस्न पाइने गरी आदेश जारी गरिएको छ । सार्वजनिक सवारी साधनमा भने एक लहरमा एक जना गरी कुल सिट संख्याको आधामा मात्र बस्न पाइनेछ ।
मालवाहक ढुवानीका साधनमा भने जोरविजोर लाग्ने छैन ।
व्यवसायको किसिमको आधारमा निश्चित बार मात्र पसल सञ्चालन गर्ने गरि निषेधाज्ञाको आदेश जारी गरिएको छ ।
भदौ ४ गतेदेखि लगातार दुई हप्ता अत्यावश्यक सेवामात्र सञ्चालन गर्न दिइएको काठमाडौं उपत्यकामा भदौ १७ गतेदेखि २४ गतेसम्म भने टेक अवे, होम डेलिभरी र निर्माण सामग्रीका पसल पनि सञ्चालन गर्न दिइएको थियो ।
काठमाडौं जिल्ला प्रशासन कार्यालयको निषेधाज्ञाको आदेशको पूर्णपाठ