13 Baishak, 2081 / 25 April , 2024
काठमाडौं, २९ भदौ । गण्डकी प्रदेशमा सोमबार बिहान थप १९ जनामा कोरोना संक्रमण पुष्टि भएको छ । स्वास्थ्य निर्देशनालय गण्डकी प्रदेशका अनुसार कास्की १७ र बागलुङमा २ जनामा कोरोना संक्रमण पुष्टि भएको हो । निर्देशनालयका अनुसार बाग्लुङ बडीगाड–१ र ५ का दुबैजना विदेशबाट आई क्वारेन्टाइनमा बसेका व्यक्ति हुन् । कास्की जिल्ला, पोखरा महानगरपालिका( ४ र १७ का ७ जना नेपाल प्रहरीमा कार्यरत हुन् ।
कास्की जिल्ला, पोखरा महानगरपालिका–३३ का २३ वर्षीय पुरुष, १४ का ३६ वर्षीय पुरुष, १७ का २७ वर्षीय पुरुष भारतबाट र ७ का ४४ वर्षीय पुरुष जापानबाट आई क्वारेन्टाइनमा बसेका व्यक्ति हुन् । पोखरा महानगरपालिका–८ का २१ वर्षीय महिला पोखरा महानगरपालिका अन्तर्गत कार्यरत स्वास्थ्यकर्मी हुन् । अन्य सबै संक्रमित व्यक्ति कन्ट्राक टे«सिङबाट पहिचान भएका हुन् । उनीहरु सबैलाई आईसोलेसन केन्द्रमा लैजाने तयारी भइरहेको स्वास्थ्य निर्देशनालयले जनाएको छ । गण्डकी प्रदेशमा कोरोना संक्रमितको संख्या २९९१ पुगेको छ ।
यस्तै नवलपरासी (ब.सु.पू.) मध्यबिन्दु–१२ स्थायी ठेगाना भएका वर्ष ६० का पुरुषको लुम्बिनी अस्पताल, रुपन्देहीमा मृत्यु भएको छ्र । निमोनिया र श्वासप्रश्वास सम्बन्धि समस्याको उपचार गराइरहेका उनको कोरोनाको संक्रमण पुष्टी भएको थियो । उनको २६ गते दिउँसो ४ः३० बजे मृत्यु भएको जानकारी अस्पताल प्रशासनबाट प्राप्त भएको निर्देशनालये जनाएको छ । यससँगै गण्डकी प्रदेशमा कोरोनको संक्रमणका कारण मृत्यु हुनेको संख्या २८ पुगेको छ ।
![चिकित्सा सेवा आयोगको प्रतिवेदन ६ वर्षपछि सार्वजनिक [प्रतिवेदनसहित]](/public/images/1712760945-282848.jpg "चिकित्सा सेवा आयोगको प्रतिवेदन ६ वर्षपछि सार्वजनिक [प्रतिवेदनसहित]")
