13 Baishak, 2081 / 25 April , 2024
काठमाडौं, २० पुस । काठमाडौंबाट झापाको भद्रपुर जान लागेका एक व्यक्ति ५० राउन्ड गोलीसहित विमानस्थलबाट पक्राउ परेका छन् । श्री एयरलाइन्सबाट भद्रपुरजान लागेका व्यक्तिलाई गोलीसहित पक्राउ गरिएको हो । पक्राउ पर्नेमा मेचीनगर नगरपालिका–२ का बद्रीहाङ राई रहेका छन् । उनलाई त्रिभुवन विमानस्थलबाट हातहतियारसहित पक्राउ गरिएको हो ।
उनलाई नाइन एमएम पेस्तोलमा लाग्ने गोलीसहित सोमबार पक्राउ गरिएको विमानस्थल सुरक्षा प्रमुख एसएसपी राजेशनाथ बाँस्तोलाले जानकारी दिएका छन् ।
उनका अनुसार १२ः४५ को श्री एयरलाइन्सको जहाजमा उनी भद्रपुर उड्न लागेका थिए। प्रहरीले चेकिङका क्रममा उनको झोलाबाट गोली बरामद गरेको हो । पक्राउ परेका राईलाई आवश्यक अनुसन्धानका लागि अहिले महानगरीय प्रहरी वृत्त गौशालामा राखिएको छ।
प्रतिकात्मक तस्बिर