13 Baishak, 2081 / 25 April , 2024
लमजुङ, २० माघ । लमजुङ बेसीसहर–चामे सडक आजदेखि तीन दिनका लागि बन्द हुने भएको छ।
लमजुङ र मनाङ जोड्ने त्यस सडकको स्तरोन्नति गर्नका लागि मङ्गलबार बिहान १०ः०० बजेदेखि बिहीबार राति १०ः ०० बजेसम्मका लागि पूर्णरुपमा बन्द गरिने भएको हो । जिल्ला प्रशासन कार्यालयले एक विज्ञप्ति जारी गर्दै यस्तो जानकारी गराएको हो ।
त्यस सडकखण्डअन्तर्गत लमजुङको उत्तरी भेग मर्स्याङ्दी गाउँपालिका– ४ स्यागेनिरको सडकमा ढलान कार्य हुने र त्यस ठाउँमा सडक निकै साँघुरो भएकाले सानाठूला सबै प्रकारको गाडी आवतजावतमा पूर्ण रोक लगाइएको सहायक प्रमुख जिल्ला अधिकारी काजीमान सुनारले बताए ।
डुम्रे–बेँसीसहर–चामे सडक योजना कार्यालयका इञ्जिनियर तथा सूचना अधिकारी सुरज महर्जनकाअनुसार त्यस स्यागेनिरको १०० मिटर खण्डमा ढलान (पीसिसी) कार्य गरिने भएको छ ।