07 Baishak, 2081 / 19 April , 2024

Logo
Newsajako
Social Icon
Social Icon
Secondary Top

कुवेतमा आजदेखि रात्रिकालीन कर्फ्यु, गैर कुवेतीलाई प्रवेशमा रोक 




कुवेतमा आजदेखि रात्रिकालीन कर्फ्यु, गैर कुवेतीलाई प्रवेशमा रोक 

काठमाडौं, २३ फागुन । कुवेत सरकारले आजदेखि अप्रिल ८ सम्मको लागि रातिको समयमा कर्फ्यु लगाउने भएको छ । 
कुवेत न्युज एजेन्सी कुनाका अनुसार कुवेतमा कोरोना सङ्क्रमितको संख्या बढ्दै गएपछि बिहीबार बसेको मन्त्रीपरिषदको बैठकले कर्फ्यु लगाउने निर्णय गरेको हो । साँझ ५ बजेदेखि बिहान ५ बजेसम्म कर्फ्यु लगाइने भएको हो । यस्तै अप्रिल ८ सम्म सबै पार्कहरु बन्द गरिनेछन् । तर प्रार्थनाको लागि नजिकका मस्जिदसम्म जान भने रोक लगाइएको छैन ।

कर्फ्यु लागू भएसँगै गैर कुवेतीलाई कुवेत प्रवेशमा रोक लगाइएको छ । तर कुवेती नागरिक तथा उनका नजिकका आफन्त, घरेलु कामदार र कुटनीतिज्ञहरुलाई भने प्रवेश खुला छ । कुवेत प्रवेशपछि अनिवार्य १४ दिनको क्वरेण्टीन भने बस्नुपर्ने मन्त्रीपरिषदको निर्णयलाई उदृत गर्दै कुनाले लेखेको छ । 

कुवेतको स्वास्थ्य मन्त्रालयका अनुसार शनिबारसम्म १२ हजार ७१ सङ्क्रमित कुवेतका विभिन्न अस्पतालमा भर्ना भएका छन् जसमध्ये १६७ जनालाई आईसीयूमा राखिएको छ । 
 



Related News


यसमा तपाइको मत


Comments