07 Baishak, 2081 / 19 April , 2024
एजेन्सी । भारतमा एकै दिन हालसम्मकै बढि कोरोना संक्रमित थपिएका छन्। भारतीय स्वास्थ्य मन्त्रालयका अनुसार एकै दिनमा १ लाख ३१ हजार ३९८ जनामा कोरोना संक्रमण देखिएको हो।
यो पछिल्लो २४ घण्टामा भेटिएको संसारमै सबैभन्दा बढी हो। गत २४ घन्टामा ब्राजिलमा ८९ हजार र अमेरिकामा ८० हजारमा कोरोना संक्रमण पुष्टि भएको छ।
योसँगै भारतमा कोरोना संक्रमितको कुल संख्या १ करोड ३० लाख ५७ हजार ९५४ पुगेको छ। भारतमा हाल सक्रिय संक्रमितको संख्या ९ लाख ७९ हजार ५१९ रहेको मन्त्रालयले जनाएको छ।
पछिल्लो २४ घन्टामा ८०२ जनाले ज्यान गुमाएसँगै भारतमा कोरोनाबाट मृत्यु हुनेको संख्या १ लाख ६७ हजार ६९४ पुगेको बताइएको छ।
