06 Baishak, 2081 / 18 April , 2024
काठमाडौं, २१ जेठ । कामचलाउ सरकारका प्रधानमन्त्री केपी शर्मा ओलीले शुक्रबार राती मन्त्रिपरिषद् विस्तार गरेका छन् । पनर्गठित मन्त्रीपरिषदमा ३ जना उपप्रधानमन्त्री सहित १२ जना मन्त्री र २ जना राज्यमन्त्री थपिएका छन् । जसपाबाट ८ जनाले मन्त्री र २ जनाले राज्यमन्त्री नियुक्त भएका छन् ।
हालका अर्थमन्त्री विष्णु पौडेल तथा उपप्रधान, रघुवीर महासेठ उपप्रधान तथा परराष्ट्र र राजेन्द्र महतो उपप्रधान तथा शहरी विकास मन्त्री भएका छन् । पनर्गठितमन्त्रीहरुलाई आजै राष्ट्रपति विद्यादेवी भण्डारीबाट पद तथा गोपनियताको गराएकी छिन् ।
कृष्णगोपाल श्रेष्ठ शिक्षा मन्त्री,लीलानाथ श्रेष्ठ कानून मन्त्री, शेरबहादुर तामाङलाई स्वास्थ्य मन्त्रालयको जिम्मेवारी दिइएको छ । त्यस्तै, बसन्त नेम्वाङ भौतिक पूर्वाधार तथा यातायत, शरतसिंह भण्डारी ऊर्जा, जलस्रोत तथा सिँचाई, अनिल झा खानेपानी तथा सरसफाई, लक्ष्मणलाल कर्ण भूमि व्यवस्था, सहकारी तथा गरिबी निवारण मन्त्री भएका छन् ।
यस्तै चन्द्रकान्त चौधरी ऊर्जा र रेणुका गुरुङ महिला बालबालिका तथा जेष्ठ नागरिक राज्य मन्त्री, विमल श्रीवास्तव श्रम, रोजगार तथा सामाजिक सुरक्षा, उमाशंकर अरगरिया वन तथा वातावरण, चन्दा चौधरी महिला, बालबालिका तथा जेष्ठ नागरिक, एकवाल मियाँ युवा तथा खेलकुद मन्त्री बनेका छन् । रक्षा, गृह,सञ्चार, पर्यटन, कृषि, उद्योग वाणिज्य र सामान्य प्रशासन भने अझै पनि प्रधानमन्त्रीले नै राखेका छन् ।
जसपाको महन्थ ठाकुर पक्षलाई सरकारमा सहभागी गराएपछि प्रधानमन्त्री ओलीले १७ सदस्यीय मन्त्रिपरिषद् भएको छ । हालको मन्त्रिपरिषदबाट एक उपप्रधानमन्त्री, ९ मन्त्री र तीन मन्त्री बाहिरिएका छन् ।
| क्र.सं. | नाम, थर | पदनाम | कार्यविभाजन |
| १ | श्री केपी शर्मा ओली | प्रधानमन्त्री | उद्योग, बाणिज्य तथा आपूर्ति; कृषि तथा पशुपन्छी विकास; गृह; रक्षा; वन तथा वातावरण; सङ्घीय मामिला तथा सामान्य प्रशासन र सञ्चार तथा सूचना प्रविधि |
| २ | श्री विष्णुप्रसाद पौडेल | उपप्रधानमन्त्री | अर्थ |
| ३ | श्री रघुबीर महासेठ | उपप्रधानमन्त्री | परराष्ट्र |
| ४ | श्री राजेन्द्र महतो | उपप्रधानमन्त्री | शहरी विकास |
| ५ | श्री शरतसिंह भण्डारी | मन्त्री | ऊर्जा, जलस्रोत तथा सिंचाई |
| ६ | श्री कृष्णगोपाल श्रेष्ठ | मन्त्री | शिक्षा, विज्ञान तथा प्रविधि |
| ७ | श्री अनिलकुमार झा | मन्त्री | खानेपानी |
| ८ | श्री शेरबहादुर तामाङ | मन्त्री | स्वास्थ्य तथा जनसङ्ख्या |
| ९ | श्री लक्ष्मणलाल कर्ण | मन्त्री | भूमि व्यवस्था, सहकारी तथा गरिबी निवारण |
| १० | श्री बसन्तकुमार नेम्वाङ | मन्त्री | भौतिक पूर्वाधार तथा यातायात |
| ११ | श्री लिलानाथ श्रेष्ठ | मन्त्री | कानून, न्याय तथा संसदीय मामिला |
| १२ | श्री बिमलप्रसाद श्रीवास्तव | मन्त्री | श्रम, रोजगार तथा सामाजिक सुरक्षा |
| १३ | श्री उमाशंकर अरगरिया | मन्त्री | संस्कृति, पर्यटन तथा नागरिक उड्डयन |
| १४ | श्री चन्दा चौधरी | मन्त्री | महिला, बालबालिका तथा ज्येष्ठ नागरिक |
| १५ | श्री एकवाल मियाँ | मन्त्री | युवा तथा खेलकुद |
| १६ | श्री चन्द्रकान्त चौधरी | राज्यमन्त्री | ऊर्जा, जलस्रोत तथा सिंचाई |
| १७ | श्री रेणुका गुरूङ | राज्यमन्त्री | महिला, बालबालिका तथा ज्येष्ठ नागरिक |
