07 Baishak, 2081 / 19 April , 2024
काठमाडौं, १५ पुस । देशभरको मौसममा क्रमिक सुधार आएको छ । हिउँदे वर्षा र हिमपातका कारण देशभर चिसो बढेको छ । बुधबार दिनभर देशका धेरैजसो ठाउँमा पानी परेको थियो ।
उच्च पहाडी र हिमाली जिल्लामा हिमपात भइरहेको छ । आजदेखि क्रमिक रुपमा मौसममा सुधार आउने मौसमविद्ले बताएका छन् । काठमाडौं उपत्यकासहित देशका धेरैजसो ठाउँमा आजदेखि मौसममा सुधार आउने मौसम पूर्वानुमान महाशाखाले जनाएको छ ।
पश्चिमी न्यूनचापीय प्रणालीको प्रभाव कमजोर बन्दै गएकाले आज काठमाडौंसहित देशका केही ठाउँमा घाम लाग्ने छ । पहाडी क्षेत्रमा केही ठाउँमा भने सामान्य बद्ली भइ हल्का पानी पर्ने सम्भावना रहेको मौसम पुर्वानुमान महाशाखाले जनाएको छ ।यस्तै, उच्च पहाडी तथा हिमाली जिल्लामा हिमपात हुनेछ ।
यसैबीच, काठमाण्डौको अधिकतम तापक्रम हिजो एकैदिन सात डिग्री सेल्सियसले घटेको छ । काठमाडौंको अधिकतम तापक्रम हिजो ८ दशमलव १ डिग्री सेल्सियसमा झरेको थियो ।
अस्ति १५ दशमलव २ डिग्री सेल्सियस थियो । आज भने दिउँसो घाम लाग्ने सम्भावना रहेकाले अधिकतम तापक्रम १२ देखि १४ डिग्री सेल्सियस पुग्ने अनुमान गरिएको छ ।
यस्तै, आज काठमाडौंको बिहानको न्यूनतम तापक्रम ६ दशमलव ४ डिग्री सेल्सियस मापन गरिएको छ ।
![चिकित्सा सेवा आयोगको प्रतिवेदन ६ वर्षपछि सार्वजनिक [प्रतिवेदनसहित]](/public/images/1712760945-282848.jpg "चिकित्सा सेवा आयोगको प्रतिवेदन ६ वर्षपछि सार्वजनिक [प्रतिवेदनसहित]")
