07 Baishak, 2081 / 19 April , 2024
काठमाडौं, २२ मंसिर । काठमाडौं अन्तर्राष्ट्रिय पर्वतीय फिल्म फेस्टिभल (किम्फ)को बीसौं संस्करण बिहीबारदेखि राष्ट्रिय सभागृह र पर्यटन बोर्डमा सुरु हुँदैछ । कमलकुमार निर्देशित फिल्म ‘बाघको बङ्गारा’ प्रिमियरसँगै किम्फ सुरु हुनेछ । विशेष वक्ताको रुपमा बलिउड अभिनेता तथा निर्देशक प्रकाश झा बुधबार काठमाडौं आइपुगेका छन् ।
झा अभिनित फिल्म ‘मटटोकी साइकिल’को आज बेलुका विशेष स्क्रिनिङ हुँदैछ । काठमाडौं आइपुगेका झाले बुधबार बेलुका चलचित्रकर्मीसँग भेटघाट गरे ।
आफू अभिनित उक्त फिल्मको स्क्रिनिङपछि झाले फिल्मबारे दर्शकसँग अन्तक्रिया गर्ने र भनाइ राख्ने भएका छन् । यस संस्करणको किम्फमा ३० देशका ६० फिल्म प्रदर्शन हुने भएका छन् ।
‘दिगो आरोहण’ नारासहित आयोजना हुने किम्फमा भाग लिन दुई दर्जन अन्तर्राष्ट्रिय फिल्म निर्माता काठमाडौं आइपुगेका छन् । यसपटक भौतिकरुपमै कार्यक्रम आयोजना गरिएकाले माहोल उत्साहजनक हुने आशा हिमाल एसोसिएसनले लिएको छ ।
