01 Baishak, 2081 / 13 April , 2024

Logo
Newsajako
Social Icon
Social Icon
Secondary Top

अन्तराष्ट्रिय


युरोपको सबैभन्दा लामो पुल भत्काउन चाहन्छौँः जेलेन्स्की

युरोपको सबैभन्दा लामो पुल भत्काउन चाहन्छौँः जेलेन्स्की


एजेन्सी ।  युक्रेनका राष्ट्रपति भ्लादिमिर जेलेन्स्कीले रुस र क्रिमियालाई जोड्ने पुल भत्काउने लक्ष्य रहेको बताएका छन् । सन् २०२२ को फेब्रुअरी २४ मा रुसले युक्रेनमा आक्रमण गरेयता दुई देशबीच युद्ध जारी छ ।

त्यसयता युक्रेनी अधिकारीहरूले रुसका लागि महत्त्वपूर्ण रहेको १९ किलोमिटर लामो पुल भत्काउने धम्की दिँदै आएका छन् । यो पुल रुसका लागि सैनिक र अन्य हिसाबले पनि महत्त्वपूर्ण छ ।

यसबीच सोमबार जेलेन्स्कीले जर्मन मिडिया जायन्ट एक्सेल स्प्रिंगरको स्वामित्वमा रहेको सञ्चारमाध्यमसँग बोल्दै यस्तो टिप्पणी गरेका हुन् । उनले भनेका छन्, “हामी वास्तवमै रुसी पूर्वाधार नष्ट गर्न चाहन्छौँ । कुरा केवल केर्च (क्रिमिया)को पुलको बारेमा होइन । हामी सैन्य पूर्वाधार, पुलहरू र एयरफिल्ड नष्ट गर्ने कुरा गर्दैछौँ ।”
 


पूर्वी इन्डोनेसियामा शक्तिशाली भूकम्प

पूर्वी इन्डोनेसियामा शक्तिशाली भूकम्प


एजेन्सी ।  इन्डोनेसियाको पूर्वोत्तर मालुकु प्रान्तमा मङ्गलबार ६.५ म्याग्निच्युडको भूकम्प गएको छ । स्थानीय समयअनुसार अपरान्ह् १६ बजेर ४८ मिनेटमा भूकम्प गएको र यसको केन्द्रविन्दु उत्तरी हलमहेरा रिजेन्सीबाट ८७ किलोमिटर उत्तरपश्चिममा१० किलोमिटर गहिराइमा रहेको बताइएको छ ।

भूकम्पको धक्का देशको अधिकांश भाग र छिमिकी मुलुकसमेतमा महशुस गरिएको जनाइएको छ ।इन्डोनेसियाको राष्ट्रिय मौसम पुर्वानुमान निकायले भूकम्पपछि तटीय क्षेत्रमा सुनामी आउनसक्ने चेतावनी जारी गरेको छ ।

प्रशासनले तटीय क्षेत्रका नागरिकलाई सुनामीबाट बच्न आवश्यक सावधानी अपनाउन निर्देशन जारी गरेको छ । प्रान्तीय मौसम विज्ञान एजेन्सीका प्रमुख फेहबी आल्टिङले भूकम्पको कडा धक्का महसुस गरिएको भएपनि अहिलेसम्म कुनै क्षति वा हताहत भएको खबर प्राप्त भएको छैन ।


ताइवानमा शक्तिशाली भूकम्प 

ताइवानमा शक्तिशाली भूकम्प 


एजेन्सी । ताइवानमा शक्तिशाली भूकम्प गएको छ। अमेरिकी भौगर्भिक सर्वेक्षणका ताइवानको पूर्वी तटीय ह्वालियन सिटीबाट १८ किलोमिटर दक्षिणमा केन्द्रबिन्दु बनाएर ७.४ म्याग्नेच्युडको भूकम्प गएको हो।

यसलाई ताइवानमा २५ वर्षयताकै ठूलो भूकम्प भनिएको छ। अहिलेपनि पराकम्पहरू गइरहेको अन्तर्राष्ट्रिय सञ्चारमाध्यमहरूले उल्लेख गरेका छन्। सबैभन्दा ठूलो पराकम्प ६.४ म्याग्नेच्युड मापन गरिएको छ। अहिलेसम्म मानिसहरूको मृत्यु भएको रिपोर्ट नआएको द न्युयोर्क टाइम्सले उल्लेख गरेको छ। तर घरहरूमा मानिसहरू च्यापिएको हुनसक्ने बताइएको छ। भूकम्पका कारण राजधानी ताइपेइमा समेत विद्युत आपूर्ति अवरूद्ध भएको छ।
 


मुम्बई बन्यो एसियाकै सबैभन्दा धेरै अर्बपति भएको शहर

मुम्बई बन्यो एसियाकै सबैभन्दा धेरै अर्बपति भएको शहर


एजेन्सी । भारतको मुम्बई शहर अर्बपतिहरुको ‘हब’ बनेको छ । ‘हुरन रिसर्च’ ले सार्वजनिक गरेको सूची अनुसार मुम्बई एसियाकै सबैभन्दा धेरै अर्बपतिहरु भएको शहर बनेको छ । मुम्बईले पहिलो पटक चीनको बेइजिङलाई पछि पार्दै उक्त स्थानमा स्थापित भएको हो ।

भारतको आर्थिक राजधानी मुम्बईले ९२ जना अर्बपतिहरुलाई स्थान दिएको छ भने बेइजिङमा अर्बपतिहरुको संख्या ९१ रहेको हुरनको सूचीलाई उद्धृत गर्दै इकोनोमिक टाइम्सले लेखेको छ । यद्दपि, समग्र अर्बपतिहरुको संख्यामा चीन अझैपनि भारतको तुलनामा धेरै माथि रहेको छ । चीनमा समग्रमा ८१४ जना अर्बपति रहँदा भारतमा २७१ जना मात्र अर्बपति रहेका छन् । यता, सबैभन्दा धेरै अर्बपति भएको शहरमा मुम्बई विश्वको तेस्रो स्थानमा रहेको छ । पहिलो स्थानमा ११९ जना अर्बपतिहरु सहित न्यूयोर्क र ९७ जना अर्बपतिहरु सहित लन्डन दोस्रो स्थानमा छन् ।


अमेरिकामा काम गर्न चाहिने एच–१बी भिसाको रजिस्ट्रेसन बन्द हुँदै

अमेरिकामा काम गर्न चाहिने एच–१बी भिसाको रजिस्ट्रेसन बन्द हुँदै


काठमाडौं, ७ चैत ।  अमेरिकाको एच–१बी भिसाको रजिस्ट्रेसन चाँडै बन्द हुँदैछ। अमेरिकी नागरिकता तथा अध्यागमन सेवा (यूएससीआईएस)ले एक विज्ञप्ति जारी गर्दै एच–१बी भिसाको रजिस्ट्रेसन बन्द गर्न लागिएको जानकारी गराएको हो। यूएससीआईएसले वर्ष २०२५ का लागि एच–१बी भिसाको प्रारम्भिक रजिस्ट्रेसन मार्च २२ मा सकिने जनाएको छ।

अमेरिकामा काम गर्ने विदेशी नागरिकलाई एच–१बी भिसा चाहिन्छ। यसको रजिस्ट्रेसन विन्डो मार्च ६ मा खोलिएको थियो। यूएससीआईएसद्वारा जारी विज्ञप्तिमा भनिएको छ, ‘एच–१बी भिसाको रजिस्ट्रेसन मिति मार्च २२ मा दिउँसो १२ बजे (नेपाली समयअनुसार राति ९ः४५ बजे) समाप्त हुनेछ।

रजिस्ट्रेसन अनलाइन हुनेछ। यसका लागि आवेदकंले myUSCIS खाता प्रयोग गर्नुपर्नेछ। आवेदन र त्यसको शुल्क पनि यसमार्फत मात्र भरिनेछ। रजिस्ट्रेसनका लागि आवेदकले वैध राहदानी विवरण र वैध यात्रा कागजातका बारेमा जानकारी प्रदान गर्नुपर्नेछ। यदि कुनै अनियमितता भेटिएमा आवेदन रद्द गरिने यूएससीआईएसले जनाएको छ।

रजिस्ट्रेसन सकिएपछि छनोट हुनेहरुलाई मार्च ३१ सम्ममा आफ्नो myUSCIS अनलाइन खातामा यसबारे जानकारी दिइनेछ। त्यसपछि अप्रिल १ देखि एच–बी क्याप पिटिसनका लागि अनलाइन फारम पेस गरिनेछ। जब कि एच–१बी गैरक्यापका लागि याचिका मिति चाँडै घोषणा गरिनेछ। यूएससीआईएसले गैरआप्रवासी कामदारका लागि आवेदन फारम आई–१२९ र प्रिमियम सेवाका लागि आवेदन फारम आई–९०७ अनलाइन उपलब्ध रहेको जनाएको छ।


उत्तर कोरियाद्वारा जापान नजिक मिसाइल प्रहार

उत्तर कोरियाद्वारा जापान नजिक मिसाइल प्रहार


एजेन्सी । उत्तर कोरियाले जापान नजिक मिसाइल हानेको छ । दक्षिण कोरिया र अमेरिकाको संयुक्त सैन्य अभ्यास सकिएको एक दिनपछि उत्तर कोयिाले आफनो पूर्वी समुन्द्रतर्फ छोटो दुरीका कयौँ क्षेप्यात्र पहार गरेको थियो । जापानका प्रधानमन्त्री फुमियो किशिदाले संसद्को बैठकमा उत्तर कोरियाले कोरियाली प्रायद्वीप र जापानबीचको समुद्री क्षेत्रमा ती मिसाइहरू प्रहार गरेको बताएका थिए ।

‘यी क्षेप्यात्रहरू जापानको विशेष आर्थिक क्षेत्र बाहिर खसेका छन् । तर यसबाट कुनै क्षतिको खबर भने आएको छैन’ किशिदाले भनेका छन् । उत्तर कोरियाको यो कदम जापानको शान्ति सुरक्षाका लागि चेतावनी भएको उनको भनाइ छ । ‘यो कार्य यस क्षेत्र र अन्तराष्ट्रिय जगत दुवैका लागि खतरा हो । उत्तर कोरियाले मिसाइल प्रहार गरेर संयुक्त राष्ट्र सुरक्षा परिषद्को प्रस्तावको उल्लंघन गरेको छ’ किशिदाले भनेका छन् ।

सुरक्षा परिषद्ले उत्तर कोरियाको मिसाइल गतिविधिमा प्रतिबन्ध लगाएको थियो । दक्षिण कोरियाको सेनाले उत्तर कोरियाले केही छोटो दुरीका क्षेप्यास्त्र फेला पारेको बताएको थियो । दक्षिण कोरिया र अमेरिकाबिच ११ दिनसम्म कम्प्युटर सिमुलेटेड कमाण्डर पोस्ट तालिम भएको थियो । यी अभ्यासको क्रममा ४८ वटा स्थलगत अभ्यास भएका थिए । यो गत वर्षको तुलनामा दोब्बर बढी थियो । 


चीनको हेबेई प्रान्तमा विस्फोट

चीनको हेबेई प्रान्तमा विस्फोट


एजेन्सी । उत्तरी चीनको हेबेई प्रान्तको लाङफाङमा बुधबार बिहान विस्फोट भएको छ । यस घटनाको भिडियो चीनको सरकारी पत्रिका ग्लोबल टाइम्सले सामाजिक सञ्जालमा शेयर गरेको छ ।

भिडियोमा धुवाँको ठुलो मुस्लो देखिएको छ, धेरै सवारी साधनमा क्षति पुगेको र मलबे सडकमा फैलिएको देखिन्छ । ग्लोबल टाइम्सका अनुसार यो विस्फोट एक रेस्टुरेन्टमा भएको हो । यो रेस्टुरेन्ट एक आवासीय भवनको भुईं तल्लामा थियो।

घटनामा १ जनाको मृत्यु भएको र कम्तीमा २२ जना घाइते भएको ग्लोबल टाइम्सले जानकारी दिएको छ । विस्फोटमा घाइते भएकाहरुलाई अस्पताल पठाइएको छ ।  ग्यास सिलिन्डर पड्किएर विष्फोट भएको अनुमान गरिएको छ । चीनको सरकारी न्यूज च्यानलले पनि यस दुर्घटनाको भिडियो सार्वजनिक गरेको छ ।
 


पोल्याण्ड पठाइदिन्छु भनी रकम ठगी गरेको आरोपमा युवक पक्राउ

पोल्याण्ड पठाइदिन्छु भनी रकम ठगी गरेको आरोपमा युवक पक्राउ


काठमाडौं, २३ फागुन । पोल्याण्ड पठाइदिन्छु भनी रकम ठगी गरेको आरोपमा प्रहरीले एक युवकलाई पक्राउ गरेको छ । काठमाडौँ उपत्यका अपराध अनुसन्धान कार्यालयबाट खटिएको प्रहरीले रामेछाप उमाकुण्ड नगरपालिका ६ घर भई हाल काठमाडौं बालुवाटार बस्ने २६ वर्षीय गोबिन्द थापालाई पक्राउ गरेको हो । 
थापाले इन्द्रकुमार खवासलालई पोल्याण्ड पठाइदिन्छु भनी  ३ लाख ७० हजार रुपैयाँ ठगी गरेको प्रहरीले जानकारी दिएको छ । मंगलबार पक्राउ परेका थापालाई प्रहरीले आज सार्वजनिक गरी थप अनुसन्धानका लागि वैदेशिक रोजगार विभाग कार्यालय ताहाचाल पठाइएको प्रहरीले जानकारी दिएको छ ।  
 
 


फेरि दिल्ली यात्राको तयारीमा भारतीय किसान 

फेरि दिल्ली यात्राको तयारीमा भारतीय किसान 


एजेन्सी । आफ्नो बालीको न्यूनतम मूल्य सुनिश्चितता माग गर्दै आन्दोलनरत भारतीय किसानहरूले फेरि दिल्लीसम्म र्‍याली गर्ने तयारी गरिरहेका छन् । प्रदर्शनका क्रममा एक युवा किसानको ज्यान गएपछि अघिल्लो हप्ता आन्दोलन स्थगित गरेका किसानहरूले फेरि र्‍याली शुरु गर्न लागेका बीबीसीले जनाएको छ ।

किसानहरू दिल्लीतर्फ जाने तयारी भएपछि दिल्लीको सिमानामा ब्यारिकेड लगाएको र ठूलो सङ्ख्यामा प्रहरी तैनाथ गरेको बीबीसीले जनाएको छ । भारतमा आमचुनाव हुन केही महिनामात्र बाँकी रहेका बेला किसानले आन्दोलन गरेका हुन् । गएको फेब्रुअरी महिनाको शुरुमा किसानहरूको आन्दोलन शुरु भएपछि सरकारले वार्ता गरेको थियो । तर वार्ता सफल भएको छैन ।


 


पाकिस्तानले सबै सामाजिक सञ्जालमाथि प्रतिबन्ध लगाउँदै 

पाकिस्तानले सबै सामाजिक सञ्जालमाथि प्रतिबन्ध लगाउँदै 


एजेन्सी । पाकिस्तानमा सामाजिक सञ्जालहरूमा प्रतिबन्ध लगाउने तयारी भइरहेको छ । त्यहाँको संसदमा एउटा प्रस्ताव पेस गरिएको छ । यसमा फेसबुक, एक्स, युट्युब र इन्स्टाग्रामलगायत सबै सामाजिक सञ्जाल प्लेटफर्ममा प्रतिबन्ध लगाउने माग गरिरहेका छन् । पाकिस्तान पिपल्स पार्टीका सांसद बहरामन्द तांगीले संसदमा सो प्रस्ताव पेस गरेका हुन् ।
‘सामाजिक सञ्जालको नकारात्मक असरबाट युवा पुस्तालाई जोगाउन यसलाई प्रतिबन्ध लगाउनुपर्छ ।’ प्रस्तावमा भनिएको छ । सामाजिक सञ्जालले देशको युवा पुस्तालाई नराम्ररी प्रभावित गरिरहेको अनि धर्म र संस्कृतिविरुद्ध सामाजिक सञ्जालको प्रयोग भइरहेको प्रस्तावमा उल्लेख गरिएको छ । यसले गर्दा आम मानिसबिच भाषा र धर्मका आधारमा घृणा बढ्दै गएको पनि प्रस्तावमा बताइएको छ ।