newsajako.com
काठमाडौं, ५ कात्तिक । बाणगंगा नगरपालिका ३ सिउटीमा सशस्त्र प्रहरीको मिनिट्र वानटेन दुर्घटना हुँदा मृत्यु हुनेको सङ्ख्या ४ पुगेको छ ।
शुक्रवार साँझ कपिलवस्तुको शिवराज नगरपालिका विसुनपुरमा निर्वाचन सुरक्षा बेस स्थापनाका लागि सुरक्षाकर्मी पुराएर फर्किएको ना १ ग ५५४ नम्बरको भ्यान साइकललाई ठक्कर दिँदै दुर्घटना भएको थियो ।
घटनामा परी दाङ घर भएका सशस्त्र प्रहरी हवलदार रमेश चौधरी, नवलपरासीका सहायक हवलदार रमेश चौधरी र सिपाही जनक चौधरीको मृत्यु भएको हो । घटनामा स्थानीय साइकल यात्री अमर तङनामीको मृत्यु भएको छ ।
यसै गरी दुर्घटनामा सई गोविन्द सुवेदी र प्रेम मल्ल, नेपाल प्रहरीका कुल बहादुर घर्ती समेत घाइते हुनु भएको सशस्त्र प्रहरी बल २८ नम्बर गणपति सशस्त्र प्रहरी उपरीक्षक सूर्य बहादुर सेनले बताए ।
मल्लको टाउकोमा रगत जमेको र घर्तीको आइसियु राखेर उपचार भएको बताइएको छ । घाइतेको युनिभर्सल मेडिकल कलेज शिक्षण अस्पताल भैरहवामा उपचार भइरहेको छ ।