16 Baishak, 2081 / 28 April , 2024
एजेन्सी । इजरायलले प्यालेस्टाइनी नागरिकहरूलाई गाजा सिटी खाली गराउन चेतावनी जारी गरेको छ । इजरायलले २४ घण्टाभित्र त्यो क्षेत्र छाडेर जान चेतावनी दिएको हो । उक्त क्षेत्रमा १० लाखभन्दा बढी मानिस बस्छन् । उनीहरुलाई सो ठाउँ छाड्न र दक्षिणी गाजा जान चेतावनी दिइएपछि संयुक्त राष्ट्रसंघले चेतावनी फिर्ता लिन भनेको छ ।
इजरायलले भने भीषण आक्रमणको योजना बनाइसकेको गाजा सिटीमा आक्रमण गरिछाड्ने अडान लिएको छ । इजरायलले सर्वसाधारणहरू आफ्नो दुस्मन नभएको बताउँदै हमास लडाकुबाट टाढै रहन पनि आग्रह गरेको छ । हमासले सर्वसाधारणलाई मानव ढालको रूपमा प्रयोग गर्न सक्ने सम्भावना भएको इजरायलको भनाइ छ ।
