22 Baishak, 2081 / 4 May , 2024
काठमाडौं, ११ वैशाख । राष्ट्रपति रामचन्द्र पौडेलले इजरायलमा हमासको आक्रमणपछि बेपत्ता विपिन जोशीको रिहाइका लागि पहल गरिदिन कतारी राजा शेख तमिम बिन हमाद अल थानीसँग आग्रह गरेका छन्।
दुई दिने राजकीय भ्रमणका क्रममा नेपाल आइपुगेका कतारका राजा थानीसँग राष्ट्रपति पौडेलले शीतलनिवासमा भएको औपचारिक भेटवार्तामा विपिन जोशीको रिहाइका लागि कुरा राखेका थिए।
कुराकानीका क्रममा थानीले कतारले जोशीको खोजी तथा रिहाइको लागि पहल गरिरहेको बताएका थिए। इजरायलमा प्यालेस्टाइनको हमास समूहले गरेको आक्रमणपछि जोशी सम्पर्कविहीन छन्। हराएका विपिन कञ्चनपुरको भीमदत्त नगरपालिका–३ भाँसी निवासी हुन्।
