16 Baishak, 2081 / 28 April , 2024
काठमाडौं, फागुन २० । नेपाल दूरसञ्चार प्राधिकरणले अब अरुको नाममा रहेको सिमकार्ड प्रयोग गर्न नपाइने कार्यविधि तयार पारेको छ । प्राधिकरणले अर्काको नाममा रहेको सिमकार्डबाट विभिन्न अपराधिक क्रियाकलाप बढेको भन्दै प्रधानमन्त्री कार्यालयबाट गुनासो आएकाले त्यसलाई सम्बोधन गर्न ‘ई–केवाईसी सिस्टम’ लागू गरी उक्त कार्यविधि तयार पार्ने भएको हो ।
प्राधिकरणले ‘ई–केवाईसी सिस्टम’ को कार्यविधिमा अर्काको नाममा रहेको सिमकार्ड प्रयोग गर्न नमिल्नेगरी व्यवस्थापन गर्न लागेको छ । सिमकार्ड दुरुपयोग गर्ने, एउटैको नाममा धेरै सिमकार्ड लिनेजस्ता प्रवृत्ति रोक्न ई–केवाईसी सिस्टम ल्याउन लागिएको हो ।
