19 Baishak, 2081 / 1 May , 2024
यादहरुका चिसो हिउँसँगै पग्लिएर
यस न्यू इएरको साँझमा
रङ्गिन बनेर तिम्रो हातमा सजिएको
रङ्गिन व्हिस्किको चुस्किसँगै मिसिएका
केहि स्यामस्वेत तस्विरहरु नियाल्दै
फेरि पनि लम्किएका छन्
मेरा पाइलाहरु अन्जान शहरमा
एक तमासले बजिरहेका
जीन्दगीका ति गितारका धुनसँगै
उसै गरि सजिएका छन् आँखामा
जीन्दगीका रङ्गिन चाहनाहरु
न्यु इएरको साझमा
केहि पल मुस्कुराउँदै
पर्खिरहेका जीन्दगीका बेलगामा घोडाहरुले
लाग्छ कतै बसाइ सरि रहेछन्
अनगिन्ति यादका भारीहरू बोकेर
यहि न्यु इएरको साझ
तिमीले सोधेका थियौ
हातमा बाधिएको रोलेक्स घडिसँगै
जीन्दगी कसरी रोकिन सक्छ
या भनौ एउटा एक्युरिएममा सजिएर
जीन्दगी फेरि पनि कसरी मुस्कुराउन सक्छ
सोच्दै थिए जीन्दगीको यो रङ्गिन साझमा
मेरा ओठबाट छुटेका
जीन्दगीका ति धुँवाले
साच्चै कहा गएर गुनासो गर्छन होलान
या भनौ प्रत्येक दिन
आकाशगङ्गा बाट छुटेर बिलाएका
ति ताराहरु कसैको हत्केलामा
सजिन्छन या सजिदैनन होलान
छालहरुसँगै बगेका सुनामीले
लाग्छ फेरि पनि
कहि न कहि भेटाउनेछ हाम्रा सपनिलाई
देख्छु एक्युरिएम भित्र छटपटाइरहेछन
केहि सुनौला रङ्गका माछिहरु र
बन्द भएको छ
मेरो प्रिय रोलेक्स घडिको आवाज र
म भने यति खेर उसै गरि
नियाल्दै छु बाफ बनेर छुटेका
जीन्दगीका केहि पललाई
यहि न्यु इएरको साँझमा
