14 Baishak, 2081 / 26 April , 2024
काठमाडौं, २१ फागुन । सुदूरपश्चिममा प्रदेश सरकारका मुख्यमन्त्री कमल बहादुर शाहले विश्वासको मत पाएका छन। आइतबार बसेको प्रदेश शभा बैठकमा मुख्यमन्त्री शाहले विश्वासको मत प्राप्त गर्न गरेको प्रस्तावको पक्षमा दुई तिहाई मत खसेको हो।
मुख्यमन्त्री शाहको विश्वासको मत प्राप्त गर्नेल प्रस्तावको पक्षमा ४१ मत खसेको थियो भने विपक्षमा ११ मत खसेको थियो। मुख्यमन्त्री शाहलाई नेपाली काग्रेस, नेकपा माओवादी केन्द्र, नागरिक उन्मुक्ति पार्टी र नेकपा एकीकृत समाजबादी र स्वतन्त्र प्रदेश शभा सदस्यले विश्वासको मत दिएका छन्।
५३ सदस्यीय प्रदेशसभामा नेपाली कांग्रेसका १९, माओवादी केन्द्रका सभामुखबाहेक १०, नागरिक उन्मुक्तिका ७, नेकपा एसका ४ र स्वतन्त्र १ प्रदेश शभा सदस्यले मुख्यमन्त्रीको पक्षमा ४१ मत दिएका थिए।
नेकपा एमाले र राप्रपाले भने विपक्षमा मतदान गरे। प्रदेश सभामा एमालेका उपसभामुखसहित १० सांसद र राप्रपा १ सासदले विपक्षमा मत दिएका हुन। प्रदेश शभामा सबै भन्दा ठूलो दलका नेताको हैसियतमा गत माघ २७ गते नेपाली काग्रेस संसदिय दलका नेता शाह मुख्यमन्त्रीमा नियुक्त भएका थिए।
