15 Baishak, 2081 / 27 April , 2024
काठमाडौं, ११ पुस । सहकारी रजिष्ट्रारको कार्यालय पोखरामा रजिष्ट्रार हुँदा एक करोड २० लाख रूपैयाँ घुस लिएको आरोपमा हाल पर्वतको कुश्मा नगरपालिकामा कार्यरत प्रमुख प्रशासकीय अधिकृत उदयबहादुर पराजुली पक्राउ परेका छन् ।
पराजुलीलाई बुधबार कार्यालयबाटै पक्राउ गरिएको जिल्ला प्रहरी कार्यालय पर्वतका प्रहरी निरीक्षक अर्जुन पौडेलले जानकारी दिए । पोखरामा रजिष्ट्रार हुँदा मित्रमिलन सहकारीको कार्यक्षेत्र विस्तारका नाममा सहकारी सञ्चालकसँग घुस लिएको आरोप पराजुलीमाथि छ । त्यतिबेलाको भिडियो पनि सहकारी सञ्चालकले प्रहरीलाई बुझाएपछि पराजुलीमाथि प्रहरीले अनुसन्धानअघि बढाएको थियो ।
छानबिनका क्रममा कैफियत देखिएपछि प्रहरीले कास्की जिल्ला अदालतबाट पराजुलीविरुद्ध पुस पहिलो हप्ता पक्राउ पुर्जी लिएको थियो ।