21 Baishak, 2081 / 3 May , 2024
काठमाडौं, ८ माघ । खाद्य प्रविधि तथा गुण नियन्त्रण विभागले एक सूचना जारी गर्दै कटन क्याण्डी उपभोग नगर्न सर्वसाधारणलाई अनुरोध गरेको छ ।
काठमाडौँका विभिन्न स्थानहरूका सडकपेटी, बजार, मेला लगायतका स्थानहरूमा खुला रूपमा बिक्री वितरण भइरहेको रङ्गिन कटन क्याण्डीमा मानव स्वास्थ्यमा गम्भीर असर पुऱ्याउने अखाद्य रङ्ग रोडामाइन बीको प्रयोग भएको पाइएको हुँदा त्यस्ता क्याण्डी उपभोग नगर्न विभागले सूचना जारी गरेको हो ।
विभागको प्रयोगशाला जाँच विश्लेषणमा रोडामाइन बी भेटिएको हुँदा विभागबाट अनुज्ञा पत्र प्राप्त गरी लेबल लगाएका बाहेक खुल्ला रूपमा बिक्री वितरण गरिएको कटन क्यान्डीको उपभोग नगर्न तथा आफ्ना बालबालिकाहरूलाई समेत नदिन विभागले अनुरोध गरेको छ ।
