16 Baishak, 2081 / 28 April , 2024
काठमाडौं, २५ फागुन । सर्वोत्तम सिमेन्टको आईपीओ बाँडफाँट भएको छ । शुक्रबार बिहान सर्वोत्तमको आईपीओ बिक्री प्रबन्धक ग्लोबल आईएमई क्यापिटलको कार्यालयमा बाँडफाँट भएको हो ।
कम्पनीले गत १३ फागुनमा सर्वसाधारणका लागि २७ लाख ७६ हजार ७६ कित्ता आईपीओ निष्कासन गरेको थियो । प्रतिकित्ता ३६० रुपैयाँ ९० पैसाका दरले निष्कासित आईपीओमा न्युनतम ५० कित्तामा आवेदन दिनुपर्ने थियो ।
त्यसमा ९ लाख ६० हजार ३०१ जनाले ५ करोड ६ लाख १३ हजार ३६० कित्ताका लागि आवेदन दिएका थिए । त्यसमध्ये ५५ हजार ५२१ जनाले ५० कित्ताका दरले शेयर पाएका छन् भने २६ जनाले ५१ कित्ताका दरले शेयर पाएका छन् ।
