21 Ashad, 2079 / 5 July , 2022

Logo
Newsajako
Social Icon
Social Icon
Secondary Top

आर्थिक


फेरि बढ्यो पेट्रोलियम पदार्थको मूल्य

फेरि बढ्यो पेट्रोलियम पदार्थको मूल्य


काठमाडौं, २० असार । नेपाल आयल निगमले फेरि पेट्रोलीयम पदार्थको मूल्यवृद्धि गरेको छ । सोमबार निगमले पेट्रोलमा प्रतिलिटर २ रुपैयाँ, डिजेल र मट्टितेलमा प्रतिलिटर ९ रुपैयाँ र आन्तरिकतर्फको हवाइ इन्धनमा प्रतिलिटर ५ रुपैयाँ मूल्यवृद्धि गरेको हो ।

सोमबार राति १२ बजेदेखि पेट्रोलको मूल्य प्रतिलिटर १८१, डिजेल र मट्टितेलको मूल्य प्रतिलिटर १७२ र आन्तरिकतर्फको हवाइ इन्धनको मूल्य प्रतिलिटर १९० पुगेको छ ।


सुनको भाउ बढ्यो

सुनको भाउ बढ्यो


काठमाडौं, १३ असार । सोमबार छापावाल सुनको मूल्य प्रतितोला ४०० ले बढेर रु ९७ हजार ७०० पुगेको छ । आइतबार सुन प्रतितोला रु ९७ हजार ३०० मा कारोबार भएको थियो ।
नेपाल सुनचाँदी व्यवसायी महासङ्घले सार्वजनिक गरेको विवरणानुसार आज तेजाबी सुनको मूल्य प्रतितोला रु ९७ हजार २०० छ । यसको मूल्य अघिल्लो दिन प्रतितोला रु ९६ हजार ८०० थियो । त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला रु १० ले बढेर रु एक हजार २५५ तोकिएको महासङ्घले जनाएको छ ।


घट्यो पेट्रोलियम पदार्थको भाउ, यस्तो छ नयाँ समायोजन मूल्य

घट्यो पेट्रोलियम पदार्थको भाउ, यस्तो छ नयाँ समायोजन मूल्य


काठमाडौं, ११ असार । सरकारले पेट्रोलियम पदार्थको मूल्य घटाएको छ । शनिबार पत्रकार सम्मलेनमार्फत उद्योग वाणिज्य तथा आपूर्तिमन्त्री दिलेन्द्रप्रसाद बडूले करमा कटौती गर्दै पेट्रोलियम पदार्थको मूल्य घटाइएको बताए ।  
मन्त्री बडूले डिजेलमा २९ रुपैयाँ र पेट्रोलमा २० रुपैयाँ कर कटौती गरेको जानकारी दिए । कर कटौती भएसँगै अब डिजेल प्रतिलिटर १६३ र पेट्रोल १७९ रुपैयाँ पर्नेछ । सरकारको घोषणासँगै नेपाल आयल निगमले शनिबार राति १२ बजेदेखि लागू हुनेगरी पेट्रोलियम पदार्थको नयाँ मूल्य सार्वजनिक गर्दैछ ।


सुनको मूल्य घट्यो

सुनको मूल्य घट्यो


काठमाडौं, ८ असार । सुनचाँदी बजारमा आज छापावाल सुनको मूल्य प्रतितोला रु ४०० ले घटेर रु ९७ हजार ३०० मा आएको छ । पहेँलो धातु अघिल्लो दिन प्रतितोला रु ९७ हजार ७०० मा कारोबार भएको थियो ।     
     
नेपाल सुनचाँदी व्यवसायी महासङ्घले सार्वजनिक गरेको विवरणानुसार आज तेजाबी सुनको मूल्य प्रतितोला रु ९६ हजार ८०० छ । यसको मूल्य अघिल्लो दिन प्रतितोला रु ९७ हजार २०० थियो ।  त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला रु १० ले घटेर रु एक हजार २५५ तोकिएको महासङ्घले जनाएको छ ।     


सुनको मूल्य ९७ हजार ७०० रुपैयाँ कायम

सुनको मूल्य ९७ हजार ७०० रुपैयाँ कायम


काठमाडौं, ६ असार ।  आज सोमबार नेपाली बजारमा सुनको मूल्य बढेको छ । हिजो आइतबारको तुलनामा आज सोमबार सुनको मूल्य प्रतितोला २०० रुपैयाँले बढेको हो । 

हिजो आइतबार प्रतितोला ९७ हजार ५०० रुपैयाँमा कारोबार भएको सुनको मूल्य आज प्रतितोला ९७ हजार ७०० रुपैयाँमा कारोबार हुने सुनचाँदी व्यवसाय महासङ्घले जनाएको छ । 

महासङ्घका अनुसार आज तेजाबी सुनको मूल्य प्रतितोला ९७ हजार २०० रुपैयाँ रहेको छ । यस्तै चाँदीको मूल्य भने स्थिर रहेको छ ।

हिजो आइतबार प्रतितोला १ हजार २७५ रुपैयाँमा कारोबार भएको चाँदी आज पनि सोहि मूल्यमा कारोबार हुने महासङ्घले जनाएको छ ।


फेरि बढ्यो पेट्रोलको मूल्य

फेरि बढ्यो पेट्रोलको मूल्य


काठमाडौं, ५ असार । नेपाल आयल निगमले पेट्रोलको मूल्य बढाएको छ ।  आइतबार राति १२ बजेदेखि लागू हुने गरी  पेट्रोलको मूल्य लिटरमै २१ रुपैयाँले वृद्धि गरेको हो। उक्त दरले बढेसँगै सर्वसाधारण जनताले अब पेट्रोल लिटरको १ सय ९९ रुपैयाँ तिर्नुपर्ने छ । 


सातै प्रदेशले बजेट सार्वजनिक गर्दै, कुन प्रदेशले कति ल्याउँदै छ ?

सातै प्रदेशले बजेट सार्वजनिक गर्दै, कुन प्रदेशले कति ल्याउँदै छ ?


काठमाडौं, १ असार । आज सातवटै प्रदेश सरकारले आर्थिक वर्ष २०७९/८० को बजेट सार्वजनिक गर्दैछन् । अन्तरसरकारी वित्त व्यवस्थापन ऐन–२०७४ अनुसार सबै प्रदेशले हरेक असार १ गते प्रदेश सभामा बजेट प्रस्तुत गर्नुपर्ने प्रावधान छ । त्यहि अनुसार आज सबै प्रदेशले बजेट सार्वजनिक गर्न लागेका हुन् ।

बजेटमा केही वितरणमुखी र धेरैजसो पुरानै कार्यक्रम तथा योजना समेट्ने प्रदेश सरकारको तयारी छ । प्रदेश सरकारले आफ्नो कार्यकालको अन्तिम बजेट आज एकै दिन प्रस्तुत गर्न लागेका हुन् ।

आगामी आर्थिक वर्षका लागि प्रदेश–१ सरकारले झन्डै ३८ अर्ब रुपैयाँ बराबरको बजेट ल्याउने तयारी गरेको छ । प्रदेश–१ को नीति तथा कार्यक्रममा कृषि क्षेत्र मुख्य प्राथमिकतामा रहेको थियो । यता मधेस प्रदेश सरकारले चालु आर्थिक वर्षकै हाराहारी झन्डै ३४ अर्बको बजेट ल्याउँदैछ ।

त्यस्तै, वाग्मती प्रदेश सरकारले सङ्घीय र प्रादेशीक चुनावलाई लक्षित गरी ठूलो आकारको बजेट ल्याउँदैछ । चालु आर्थिक वर्षका लागि ५७ अर्ब ७२ करोड रुपैयाँ बराबरको बजेट ल्याएको वाग्मती सरकारले बढाएर बजेट ल्याउँदैछ ।

गण्डकी प्रदेश सरकारले पनि चुनाव केन्द्रित बजेट ल्याउने तयारी गरेको छ । दिउँसो ४ बजे बस्ने प्रदेश सभा बैठकमा गण्डकी प्रदेशका अर्थमन्त्री रामजीप्रसाद बरालले बजेट प्रस्तुत गर्नुहुनेछ । गण्डकी प्रदेश सरकारले जेठ २४ गते नीति तथा कार्यक्रम ल्याएको थियो ।

चालु आर्थिक वर्षका लागि ३० अर्ब ९० करोडको बजेट ल्याएको गण्डकीले झन्डै ६ अर्ब बढाउने तयारी गरेको छ । अहिलेको भन्दा केही बढी बजेट आउने अर्थमन्त्री बरालले जानकारी दिनुभयो ।

यस्तै, लुम्बिनी प्रदेश सरकारले पनि आउँदो वर्षको बजेटको आकार बढाउने तयारी गरेको छ । लुम्बिनी प्रदेशमा चालु आर्थिक वर्षको बजेट ४१ अर्बको रहेको थियो ।

कर्णाली प्रदेश सरकारले चालु आर्थिक वर्षकै हाराहारीमा बजेट सार्वजनिक गर्दैछ । चालु आर्थिक वर्षमा कर्णाली प्रदेश सरकारले ३६ अर्ब ५४ करोड बराबरको बजेट ल्याएको थियो ।

कर्णाली प्रदेश सरकारले नीति तथा कार्यक्रममा शिक्षा, स्वास्थ्य र पूर्वाधार निर्माणमा जोड दिएको छ ।
यस्तै सुदूरपश्चिम प्रदेशमा चालु आर्थिक वर्षको भन्दा केही बजेट बढाएर ल्याउने तयारी छ आगामी आर्थिक वर्षका लागि ३४ अर्ब रुपैयाँ बराबरको बजेट ल्याउने तयारी छ ।


सुनको भाउ ह्वात्तै घट्यो

सुनको भाउ ह्वात्तै घट्यो



काठमाडौं, ३१ जेठ । सुनचाँदीको मूल्य ह्वात्तै घटेको छ । सोमबारको तुलनामा मंगलबार सुन १ हजार ८०० रुपैयाँले घटेको हो ।  सोमबार प्रतितोला ९८ हजार ९०० रुपैयाँमा कारोबार भएको सुनको मूल्य आज  तोलामा  ९७ हजार १०० रुपैयाँमा कारोबार हुने सुनचाँदी व्यवसाय महासंघले जनाएको छ । 

तेजावी सुनको मूल्य आज ९६ हजार ६०० रुपैयाँ रहेको छ । यस्तै, चाँदीको मूल्य पनि तोलामा २० रुपैयाँले घटेर प्रतितोला १ हजार २४५ रुपैयाँमा कारोबार हुने महासंघले जनाएको छ । हिजो चाँदीको मूल्य प्रतितोला १ हजार २६५ रुपैंया रहेको थियो । 


अब शेयर बजार ६ दिननै खुल्ने

अब शेयर बजार ६ दिननै खुल्ने


काठमाडौं, ३० जेठ । आगामी हप्तादेखि शेयर बजार अब सातामा छ दिनै खुल्ने भएको छ ।  प्रत्येक दिन ११ देखि ३ बजेसम्म कारोबार हुने शेयर बजार शुक्रबार भने विहान ११ बजेदेखि १ः३० बजेसम्म मात्र खुल्ला हुनेछ ।

सरकारले गत जेठ १ गतेदेखि शनिवार र आइतबार दुई दिन सार्वजनिक विदा दिदा नेप्से कारोबार भने पाँच दिन मात्र भएको थियो । आइतबारको विदा कटौती गरेसँगै अब ६ दिन नै शेयर कारोबार गर्ने तयारी रहेको नेप्सेले जनाएको छ । 

तर, सार्वजनिक विदाको दिन र शनिवार भने नेप्से बन्द रहनेछ ।


सुनचाँदीको मूल्यमा सामान्य गिरावट, कतिमा हुँदैछ किनबेच ?

सुनचाँदीको मूल्यमा सामान्य गिरावट, कतिमा हुँदैछ किनबेच ?


काठमाडौं, ३० जेठ । सोमबार सुनचाँदीको मूल्यमा सामान्य गिरावट भएको छ । जेठ ३० गते, सुन तोलामा ३०० रुपैयाँले घटेको छ । यसैगरी चाँदी प्रतितोला १५ रुपैयाँले ओरालो लागेको छ ।

नेपाल सुनचाँदी व्यवसायी महसंघका अनुसार आज छापावाल सुन प्रतितोला ९८ हजार ९०० रुपैयाँमा र तेजाबी सुन प्रतितोला ९८ हजार ४०० रुपैयाँमा झरेको छ । साताको पहिलो दिन भने सुनको भाउ उच्च रुपले वृद्धि भएको थियो । त्यस दिन सुन तोलामा नै एक हजार ५०० रुपैयाँले बढेर प्रतितोला ९९ हजार २०० रुपैयाँ पुगेको थियो ।

चाँदीको भाउ पनि आज सस्तिएको छ । साताको दोश्रो दिन,चाँदी तोलामा १५ रुपैयाँले ओरालो लाग्दा प्रतितोला एक हजार २६५ रुपैयाँमा किनबेच हुँदैछ । अघिल्लो कारोबार दिन, सुनसँगै चाँदीको भाउ पनि वृद्धि भएको थियो । आइतबार भने चाँदी तोलामा १५ रुपैयाँले नै बढेको थियो । हिजो चाँदी प्रतितोला एक हजार २८० रुपैयाँमा खरिदबिक्री भयो ।



Prabhu Side Bar



Sidebar Middle
Sidebar Bottom


Maruti