24 Shrawn, 2077 / 8 August , 2020

Logo
gautam
Social Icon
Social Icon
Secondary Top

लोकप्रीय


दुई समूहबीच झडप हुदा गोली चल्यो, चारको मृत्यु

दुई समूहबीच झडप हुदा गोली चल्यो, चारको मृत्यु


काठमाडौ, असार २-रूसको दक्षिणी शहर नजरानमा दुई समूहबीच भएको झगडामा गोली चल्दा कम्तीमा चार जनाको मृत्यु भएको छ भने अन्य तीन जना घाइते भएका रूसी स्रोतले बताएको छ ।

पूर्व इन्गुसेटिया गणतन्त्रको राजधानी रहेको नजरानस्थित एक अनुसन्धान समितिद्वारा जारी विज्ञप्तिमा भनिएको छ, “स्थानीय वासिन्दाको एउटा समूहबीच भएको विवादपछि गोली चलेको र घटनामा कम्तीमा चार जनाको मृत्यु भएको छ । उक्त घटनामा तीन जना अन्य व्यक्ति घाइते भएका छन् ।”

स्थानीय साना घटनाको अनुसन्धान प्रयोजनका लागि रहेको रूसी उक्त समितिका अनुसार घटनामा १५ जनाको सहभागिता रहेको थियो । विवाद आपन्तबीचको जग्गाको टुक्रालाई लिएर भएको बताइएको छ ।मृतकमध्ये एक प्रहरी र एक राष्ट्रिय सुरक्षा अधिकृत पनि रहेका बताइएको छ ।


आफ्नो  पारिश्रमिक घटाउँदै बलिउडका यि- यि स्टार

आफ्नो पारिश्रमिक घटाउँदै बलिउडका यि- यि स्टार


मुम्बई - कोरोना भाइरसका कारण साढे दुई महिनादेखि बलिउडको काम ठप्प छ । धेरै फिल्मको सुटिङ र रिलिज अड्किएको छ । जसले गर्दा फिल्मको बजेट पनि प्रभावित भएको छ । फिल्म समीक्षकका अनुसार बलिउडलाई तीन हजारदेखि चार हजार करोड रुपैयाँको नोक्सान हुनेछ ।

यो संकटकालमा फिल्म निर्माताको आर्थिक स्थिति हेरेर बलिउडका केही स्टार आफ्नो पारि श्रमिक घटाउन तयार भएका छन् । एक अन्तर्वार्तामा माधुरी दीक्षितले भनिन्, ‘हामीले निर्मातालाई सपोर्ट गर्ने बेला भएको छ । हामी सबै ठिक तरिकाले काम सुरु होस् भन्ने चाहन्छौं । त्यसैले हामीले आफ्नो पारि श्रमिक घटाउनु जरुरी छ । उद्योग सामान्य रूपले चलोस् भन्ने सोच्ने हो भने हामीले पनि प्रयास गर्नु जरुरी छ । यसका लागि म निर्माताको पक्षमा उभिन तयार छु ।’

बलिउड अभिनेता कार्तिक आर्यनले पनि पारि श्रमिक घटाउने इच्छा व्यक्त गरेका छन् । ‘म कसैको नोकरी खोस्न चाहन्न । यसको समाधान खोज्नुपर्छ जसबाट समस्या उत्पन्न नहोस् अनि निर्माता पनि बाँचुन् ।अन्न्पुर्ण पोष्टमा खबर छ । फिल्म उद्योग एकसाथ अघि बढाउन र फेरि काम सुरु गर्न जे गर्नुपर्छ म त्यसका लागि तयार छु । सामूहिक रूपमा गरिने निर्णय मलाई मान्य हुनेछ ।’ सान्डकी आँख’ अभिनेत्री तापसी पन्नुले भनिन्, ‘अहिले कुनै सुटिङ भइरहेको छैन त्यसैले तलब पनि पाइएको छैन । काम सुरु भएपछि पारि श्रमिक घटाउनु प¥यो भने पनि म तयार छु ।’ 


पछिल्लो दुई हप्तामा जम्मु र काश्मिरमा छ जना उच्च कमाण्डरसहित २२ आतंककारी मारिएको दाबी

पछिल्लो दुई हप्तामा जम्मु र काश्मिरमा छ जना उच्च कमाण्डरसहित २२ आतंककारी मारिएको दाबी


श्रीनगर, जेठ २७- भारतीय सुरक्षा निकायले जम्मु तथा काश्मिरमा जारी राखेको आतंककारीविरुद्धको कारबाहीका क्रममा गएको दुई हप्तायता मात्र कम्तीमा पनि २२ जना आतंककारी मारिएको भारतीय सेनाले जनाएको छ ।

यस अवधिमा यहाँका आतंककारीका विरुद्धमा भारतीय सेनाले व्यापक मात्रामा कारबाही गरिरहेको बताएको छ । साथै भारतीय सेनाले यस दुई हप्ताको समयमा उक्त क्षेत्रमा विभिन्न आतंककारी संगठनका गरी कम्तीमा पनि छ जना उच्च कमाण्डर पनि मारिएको बताएको छ ।

यसअघि सोमबार मात्र पनि भारतीय सेनाले उक्त क्षेत्रमा गएको छ महिनाभन्दा लामो समयदेखि आतंकारीका विरुद्धमा कडा काराबाही जारी राखेको र त्यस क्रममा कम्तीमा पनि ९३ जना आतंककारीहरु मारिएको बताएको थियो ।  भारत प्रशासित जम्मु र काश्मिरका प्रहरी प्रमुख दिलबाग सिंहले भारतीय सेना र प्रहरीले गरेको यस संयक्त कारबाहीका क्रममा ती आतंककारी मारिएका जानकारी दिए ।

साथै उनले त्यसमा आतंककारी संगठनका केही उच्च कमाण्डरहरु पनि रहेको जनाएको छ । भारतीय सैनिक स्रोतले दिएको जानकारी अनुसार सो क्षेत्रमा अहिले पनि आतंककारी विरुद्धको कारबाही जारी रहेको छ ।

त्यसैगरी गएको शनिबार यता मात्र यहाँ भारतीय सुरक्षा निकायले गरेको कारबाहीमा नौजना आतंककारी मारिएको पनि बताइएको छ । यस कारबाहीमा जैस ए मोहमद, लस्कर ए तोएबालगायतका आतंककारी संगठनका उच्च कमाण्डर पनि मारिएका बताइएको छ ।

ती आतंककारी भारतीय तथा विदेशी समेत रहेको पनि सो समाचारमा जनाइएको छ । यस कारबाहीका क्रममा भारतीय सुरक्षा निकायका सदस्यहरुलाई भने कुनै क्षति नपुगेको अधिकारीहरुले जनाएका छन् । 


डोनल्ड ट्रम्पकी छोरी र पूर्वपत्नी पनि आन्दोलनको पक्षमा

डोनल्ड ट्रम्पकी छोरी र पूर्वपत्नी पनि आन्दोलनको पक्षमा


वासिंटन, जेठ २४ - अमेरिकामा जर्ज फ्लोइडको हत्यालाई लिएर जारी आन्दोलनको पक्षमा राष्ट्रपति डोनल्ड ट्रम्पकी छोरी टिफनी समेत उभिएकी छन् ।ट्रम्पकी कान्छी छोरी टिफनीले इन्स्टाग्राममा कालो तस्बिर पोस्ट गर्दै प्रदर्शनमा समर्थन जनाएकी हुन् । ‘हामी एक्लै थोरै हासिल गर्नसक्छौँ, सँगै धेरै’ टिफनीले उल्लेख गरेकी छन् । टिफनीले हेलेन केलरको यो भनाइलाई उद्धृत गर्दै आन्दोलनको पक्षमा आफू उभिएको संकेत दिएकी हुन् ।

साथै उनले जर्ज फ्लोइडका लागि न्याय दिन गरिएको ह्यासट्याग अभियानको एक अभियन्ताकै रुपमा ‘ह्यासट्याग जस्टिस फर जर्ज फ्लोइड’ उल्लेख गरेकी छन् ।अन्नपुर्ण पोष्टमा खबर छ । ह्वाइटहाउस अगाडि प्रहरीले प्रदर्शनकारीमाथि टियर ग्यास र रबरका गोली प्रहार गरिरहेका बेला ट्रम्पकी छोरीको यस्तो प्रतिक्रिया आएको हो ।

टिफनीकी आमा अर्थात् ट्रम्पकी दोस्रो पत्नी मार्ला माप्लेसले पनि अहिले अमेरिकामा चलिरहेको आन्दोलनमा समर्थन जनाएकी छन् । मार्ला टेलिभिजन प्रस्तोता तथा अमेरिकी सेलिब्रिटी हुन् । जो राष्ट्रपति ट्रम्पकी पूर्वपत्नी हुन् ।अमेरिकामा अघिल्लो साता प्रहरी अधिकृतले एक अस्वेत जर्ज फ्लोइडलाई नियन्त्रणमा लिएर हत्या गरेपछि त्यसको विरोधमा देशव्यापी आन्दोलन उठेको छ । ह्वाइट हाउस अगाडि नै विशाल प्रदर्शन भएको छ ।

सरकारले भने दबाउन सेना समेत परिचालन गरेको छ । प्रदर्शनकारीहरुले भने जर्ज फ्लोइडलाई न्याय दिलाउन सामाजिक सञ्जाल र सडकमा समेत सरकार विरुद्ध चर्को आलोचना गरेका छन् । यस्तैमा ट्रम्पकी पूर्वपत्नी मार्ला र उनकी छोरी टिफनीले पनि ट्रम्प प्रशासन विरुद्ध जर्जको पक्षमा अभिव्यक्ति दिएका हुन् ।


  अर्बपतिको पहिलो स्थानमा  रिहाना

  अर्बपतिको पहिलो स्थानमा  रिहाना


एजेन्सी -   हाल बेलायतको लन्डनमा बस्दै आएकी बारबेडियन पप गायिका रिहाना ब्रिटेनका अर्बपति म्युजिसियनको सूचीको टप स्थानमा पर्न सफल भएकी छन्।गायक सर्ज एल्टन जोन र मिक ज्यागरलाई उछिन्दै चार सय ६८ मिलियन युरोसहित उनी ब्रिटेनका अर्बपति म्युजिसियनको तेस्रो स्थानमा पर्न सफल भएकी हुन्।

लन्डनको द सन्डे टाइम्सले सार्वजनिक गरेको यो लिस्टको पहिलो स्थानमा आठ सय मिलियन युरोसहित एन्ड्रयु लोयड वेबर र पल म्याककार्टनी पहिलो स्थानमा छन्। गायिका, नायिका, लेखक तथा व्यवसायी रिहानाको कमाइको धेरै प्रतिशत ‘फेन्टी ब्युटी’ नामक कस्मेटिक ब्रान्डको हो। उक्त ब्रान्डमा भएको उनको १५ प्रतिशत हिस्सा तीन सय ५१ मिलियन युरो रहेको बताइएको छ।

सन्डे टाइम्सको वार्षिक अर्बपतिको सूची तयार पार्ने रोबर्टले रिहानाको यो स्थानले सबैलाई अच्चमित बनाएको बताए। उनले भने, ‘रिहाना लन्डनमा बस्छिन् भन्ने कुरा कमैलाई थाहा छ। अब उनी यूकेका अर्बपति म्युजिसियनको पहिलो स्थानमा पर्न सक्छिन्।’

३२ वर्षीया गायिका रिहाना ब्रिटेनका अर्बपति म्युजिसियनको लिस्टमा पर्ने युवा गायिका हुन्। अर्बपति म्युजिसियनको लिस्टमा पर्न सफल भए पनि उनले विगत पाँच वर्षदेखि कुनै नयाँ एल्बम सार्वजनिक गरेकी छैनन्। सन् २००५ मा म्युजिक अप द सन् गीतबाट चर्चामा आएकी उनको पछिल्लो एल्बम एन्टी ९२०१६० हो। ब्युटी ब्रान्डका कारण यस लिस्टको तेस्रो स्थान उक्लिन सफल उनी पछिल्लो समय यसकै प्रवद्र्धनमा सक्रिय छन्।

उनीपछि यस लिस्टभित्र पर्ने युवा म्युजिसियनहरूमा गायक एडी सिरन र गायिका एडेल पनि टप ४० अन्तर्गत परेका छन्। बीबीसीबाट 


कोरोना अपडेटः विश्वभर दुई लाख सात हजारभन्दा बढीको मृत्यु,  ९ लाख निको भएर घर फर्किए

कोरोना अपडेटः विश्वभर दुई लाख सात हजारभन्दा बढीको मृत्यु,  ९ लाख निको भएर घर फर्किए


जेनेभा, १५ वैशाख- महामारीको रुपमा फैलिएको कोरोनाभाइरसबाट विश्वभर दुई लाख सात हजारभन्दा बढी मानिसको मृत्यु भएको छ भने झण्डै ३० लाख मानिस संक्रमित भएका छन् । 

जोन्स हप्किन्स विश्वविद्यालयका अनुसार नेपाली समयअनुसार सोमबार मध्यान्हसम्ममा संयुक्तराज्य अमेरिकामा २४ घण्टाको अवधिमा मृतकको संख्यामा अघिल्ला दिनको तुलनामा केही कमी आएको छ । विश्वविद्यालयका अनुसार २४ घण्टाको अवधिमा १ हजार ३३० जनाको मृत्यु भएको छ । 

यो सहित अमेरिकामा विश्वमै सबैभन्दा बढी ५५ हजार ४१५ जनाको मृत्यु भएको छ भने युरोपेली मुलुकहरुमा मृतकको संख्या १ लाख २२ हजारको हाराहारीमा पुगेको छ । 

कोरोनाभाइरस सम्बन्धी तथ्याँक उपलब्ध गराउँदै आएको वल्र्डओमिटर्स डट इन्फोका अनुसार हालसम्म विश्वभर ८ लाख ८१ हजार ५६१ जना उपचारपछि घर फर्किएका छन् । अझै पनि ५७ हजार ६१३ जनाको स्वास्थ्य अवस्था निकै नाजूक अवस्थामा रहेको छ । हाल संक्रमित कूल संक्रमित १९ लाखमध्ये करिब १८ लाख ५० हजार अर्थात् झण्डै ९७ प्रतिशतको स्वास्थ्य अवस्था सामान्य रहेको छ ।

युरोपेली मुलुकहरुमध्ये इटालीमा २६ हजार ६४४ जना, स्पेनमा २३ हजार १९० जना, फ्रान्समा २२ हजार ८५६, बेलायतमा २० हजार ७३२ जना, बेल्जियममा ७ हजार ९४ जना, जर्मनीमा ५ हजार ९७६ जना, नेदरल्यान्ड्समा ४ हजार ४७५ जना, स्वीडेनमा २ हजार १९४ जना, स्वीट्जरल्यान्डमा १ हजार ६६० जना, आयरल्यान्डमा १ हजार ८७, पोर्चुगलमा ९०३ जना तथा रसियामा ७४७ जनाको मृत्यु भएको छ ।

यसैगरी, इरानमा ५ हजार ७१० जना, चीनमा ४ हजार ६३३ जना, ब्राजिलमा ४ हजार २८६ जना, टर्कीमा २ हजार ८०५ जना, क्यानाडामा २ हजार ५६० जना, मेक्सिकोमा १ हजार ३५१ जना, भारतमा ८८४, इन्डोनेसियामा ७४३ जना, इक्वेडरमा ५७६ जनाको मृत्यु भएको छ ।  

कोरोनाभाइरस महामारीको पछिल्लो स्थिति 

क्र।सं।    महादेश         कूल संक्रमित     निको भएका    कूल मृत्यु

     विश्वभर                  २९,९५,६३६    ८,८१,५६१      २,०७,०२०

१।    युरोप                      १२,७७,३४२    ४,३८,७३८     १,२१,९०४
२।    उत्तर अमेरिका        १०,६५,९४५    १,४७,३०४      ६०,०१४
३।    एसिया                   ४,७२,४०७     २,२८,३५५      १७,२४९
४।    दक्षिण अमेरिका       १,३८,२५५      ४९,६६४        ६,३०९
५।    अफ्रिका                 ३२,६७४        १०,०२१          १,४२७
६।    ओसेनिया९अस्ट्रेलिया०    ८,२८९          ६,८३४          १०२

    दक्षिण एसियाली मुलुकहरु            

१।    भारत            २७,९७७    ६,५२३    ८८४
२।    पाकिस्तान      १३,३२८    ३,०२९    २८१
३।    बंगलादेश       ५,४१६    १२२      १४५
४।    अफगानिस्तान    १,५३१    २०७     ५०
५।    श्रीलंका          ५२३       १२०      ७
६।    माल्दिभ्स       २१४      १७         –
७।    नेपाल            ५२       १६        –
८।    भुटान            ७         ४         –


भारतले दक्षिण अफ्रिकालाई औषधी सहयोग गर्ने

भारतले दक्षिण अफ्रिकालाई औषधी सहयोग गर्ने


 काठमाडौ, बैशाख ६  -भारतीय प्रधानमन्त्री नरेन्द्र मोदी र दक्षिण अफ्रिकाका राष्ट्रपति सिरिल रामापोसाबीच शुक्रबार फोनमा कुराकानी भएको भारतीय सञ्चारमाध्यमहरुले जनाएका छन् । भारतीय प्रधानमन्त्री मोदीले दक्षिण अफ्रिकाका राष्ट्रपति रामापोसालाइ फोन गर्नुभएको थियो । त्यस फोन सम्वादमा भारतले कोविड १९ सँग सम्बन्धित सबैखाले औषधीको आपूर्ति नरोक्ने जानकारी गराउनुभएको भारतीय प्रधानमन्त्रीको कार्यालयले जानकारी दिएको छ । 

उहाँहरुबीच फोन सम्वादका क्रममा कोविड १९ ले आ–आफ्नो देशका साथै क्षेत्रीय र विश्वमा नै उत्पन्न गरेको चुनौतीपूर्ण परिस्थितिका विषयमा कुराकानी भएको बताइएको छ । भारतीय प्रधानमन्त्रीको कार्यालयले प्रकाशन गरेको विज्ञप्तिमा उहाँहरुबीच आ–आफ्नो देशमा कोविड १९ को संक्रमण नियन्त्रणका लागि अवलम्बन गरेका उपायहरुका साथै देशको अर्थतन्त्रमा पार्ने असरलाई कम गर्नका लागि अपनाइएका उपायहरुका बारेमा पचि चर्चा भएको थियो ।

त्यस वार्ताका क्रममा भारतीय प्रधानमन्त्री मोदीले दक्षिण अफ्रिकाका लागि आवश्यक औषधीसहितको सहायता उपलब्ध गराउने जानकारी दिनुभएको थियो । 
त्यस क्रममा प्रधानमन्त्री मोदीले दक्षिण अफ्रिकी राष्ट्रपति रामापोसाले आफ्नो देशमा पनि कोविड १९ को रोकथामका लागि गर्नुभएका प्रयासहरुको बारेमा प्रसंशा गर्नुभएको थियो । 

दक्षिण अफ्रिकी राष्ट्रपति रामापोसाले आफ्नो देशका साथै हाल अफ्रिकन युनियनको समेत अध्यक्षका हैसियतले कोविड १९ को संक्रमण रोक्न अफ्रिकी देशहरुमा गर्नुभएको पहलको प्रसंशायोग्य रहेको प्रधानमन्त्री मोदीले बताउनुभएको थियो ।

त्यस क्रममा प्रधानमन्त्री मोदीले कोविड १९ को रोकथामको प्रयासका लागि दक्षिण अफ्रिकाले गरेको प्रयासमाा भारत सरकारको पूर्ण सहयोग रहने धारणा उहाँले राख्नुभएको सो विज्ञप्तिमा जनाइएको छ । भारत र दक्षिण अफ्रिकामा पछिल्लो समयमा कोविड १९ को संक्रमण बढ्दो रुपमा देखिएको छ । भारतमा त यस संक्रमणबाट १४ हजार भन्दा बढी नागरिक विरामी परेका छन् भने ४८० जनाको ज्यान गएको बताइएको छ । 
 


मसी लत्पतिने डरले मतपत्र उल्टो पट्याएँ: माधव नेपाल

मसी लत्पतिने डरले मतपत्र उल्टो पट्याएँ: माधव नेपाल


२ असोज, काठमाडौं । पूर्वप्रधानमन्त्री एवं नेकपा एमालेका वरिष्ठ नेता माधवकुमार नेपालले मतदान गरेपछि मतपेटिकामा खसाल्न लागेको मतपत्र उल्टो पट्याइएको फोटो सामाजिक सञ्जालमा भाइरल भएको छ ।

एमाले निकट प्रेस चौतारीका केन्द्रीय सदस्य समेत रहेका पत्रकार फणि महतले फेसबुकबाट माधव नेपालको तस्वीर सार्वजनिक गर्दै स्टाटस लेखे- ‘रौतहटमा मतदाता शिक्षा पुगेको छैन भन्ने उदाहरण !’

महतले प्रतिकात्मक रुपमा राखेको सो तस्वीर एकाएक भाइरल बन्यो । पूर्वप्रधानमन्त्री जस्तो व्यक्तिले नजानेर मतपत्र उल्टो पट्याएका हुन् त ? सामाजिक सञ्जालमा यो प्रश्न पनि उठ्यो ।

कतिपयले निर्वाचन आचारसंहिता विपरीत माधव नेपालले सूर्य चिन्हमा मत दिएको देखिने गरी मतपत्र प्रदर्शन गरेको आरोप पनि लगाउन भ्याए ।

रौतहटको गौर नगरपालिकास्थित जानकी कन्या प्रावि मतदान केन्द्रमा मतदान गरेर पत्नी गायत्री नेपालसहित बाहिरिएका एमाले नेता नेपालसँग अनलाइनखबरले सम्पर्क गर्दा उनी कार्यकर्ता र जनताकै बीचमा थिए । नेता नेपाल मतदान गरिसकेपछि भोजपुरी भाषामा स्थानीयसँग कुरा गरिरहेका थिए ।

‘तपाईले मतपेटिकामा मतपत्र हाल्दै गरेको फोटो त भाइरल भइसक्यो नि’ अनलाइनखबरले यसो भन्दा पूर्वप्रधानमन्त्री नेपालले प्रश्न गरे- हो र ? किन हो ?

चुनाव चिन्ह देखिने साइडबाट मतपत्र पट्याएको र त्यो उल्टो भएको भन्ने टिप्पणीबारे हामीले सुनाएपछि एमाले नेता नेपालले त्यसबारे प्रष्ट पारे ।

उनले भने- ‘मैले सोचविचार गरेरै त्यसरी पट्याएको हो । सुल्टो पट्याउँदा मसी लत्पतिने अवस्था देखियो । मैले मतदान गरेको ठाउँमा त्यस्तो देखियो ।’

त्यसोभए निर्वाचन आयोगले स्वस्तिक छाप लगाउन प्रयोग गरेको मसीको गुणस्तर कमजोर हो त ? यदि यस्तो हो भने अरुले प्रयोग गरेको मतपत्रमा पनि मसी लत्पतिने पो हो कि ?

पूर्वप्रधानमन्त्री नेपालको अभिव्यक्तिले निर्वाचन आयोगले प्रयोग गरेको मसीको गुणस्तरबारे गम्भीर प्रश्न उब्जिएको छ । आयोगले प्रयोगमा ल्याएको मसी लत्पतिने खालको भएमा यसदे मतपत्र बदर हुने खतरा रहन्छ ।

अहिलेसम्मको मतदाता शिक्षामा मतपत्र पट्याउँदा स्वस्तिक छाप भित्रपटि्ट पर्ने गरी पट्याउनुपर्ने भनिँदै आएको छ । तर, पूर्व प्रधानमन्त्रीले नै मसीमाथि प्रश्न उठाउनुपर्ने अवस्थाले मतदाता शिक्षा र मसीको गुणस्तर दुबैमा प्रश्न उठाएको छ ।

हामीले यसबारे आयोगका प्रवक्ता नवराज ढकालसँग जिज्ञासा राख्यौं ।

प्रवक्ता ढकालले यसबारे अनविज्ञता प्रकट गर्दै ‘त्यस्तो हुनु नपर्ने’ छोटो प्रतिक्रिया दिए ।


२२ वर्षका सीईओ, जसले किसानको जीवनमा परिवर्तन ल्याए

२२ वर्षका सीईओ, जसले किसानको जीवनमा परिवर्तन ल्याए


२ भदौ, काठमाडौं । ०६८ सालतिर एसएलसी दिने तयारीमा रहेका १६ वर्षे पारस कटुवालका बाबु खोजराज एक दशकपछि घर फर्केका थिए । धरानमा बस्दै आएका पारस, उनकी आमा र भाइ बाबुले इजरायलमा खेतीपातीको जागिर छाडेर फर्केकामा खुशी थिए ।

तर, उनी आएको केही दिनमै परिवारमा ठूलै वादविवाद भयो । ‘बुवाले अब हामी कृषिमा लागौँ भन्नु भयो,’ पारस सम्झन्छन्, ‘उहाँमा खेतमा काम गर्न मन नलागेर इजरायल जानु भएको थियो, फर्केपछि त फेरि खेतीमै लाग्ने कुरा गर्नु हुन्छ ।’

खोजराजले के गर्न लागेका हुन् ? न त परिवारले बुझे, न छरछिमेक र इष्टमित्रले नै । ‘केही महिनासम्म छलफल चल्यो, बुवाले हामीलाई कन्भिन्स गराएरै छोड्नु भयो,’ पारस भन्छन् ।

दुःख गरेर कमाएको करिब ६० लाख रुपैयाँबाट खोजराजले बालाजु जीतपुर फेदीमा जग्गा भाडामा लिएर तरकारी खेती थाले । र, ‘इजरायली प्रविधि’को नवीन प्रयोग थाले, नेपालमा ।

पारसलाई अझै चित्त बुझेको थिएन । नेपालका शहरहरूमा पढेका नयाँ पुस्ताकै पदचिन्ह पछ्याउँदै उनले अस्ट्रेलिया पुगेर उतै बस्ने सपना बुन्न थाले । मनमा अस्ट्रेलियाको सपनाले डेरा जमाएको थियो, तन भने बाबुको खेती स्याहार्नमा व्यस्त ।

बाबुले गर्न खोजेको कुरा बुझ्न उनले केही समय पर्खिनु पर्याे । खोजराजले इजरायलमा काम गर्दा ‘थोपा सिँचाइ’ प्रविधिको राम्रो ज्ञान हासिल गरेका थिए । उक्त प्रविधिबाट खेतीमा पानीको खपत घट्नुका साथै दुई सय प्रतिशतसम्म उत्पादन बढाउन सकिने पारसले बुझे ।

सामान्यतया एक वर्षमा मुस्किलले एउटा गोलभेँडाको बोटबाट ५/६ किलो उत्पादन हुन्छ । तर, उनीहरुको खेतमा १२ किलोसम्म फल्यो !

केही समय नबित्दै पारसको अस्ट्रेलिया सपना बिथोलियो । र, बाबुको काममै पूर्ण रुपमा लाग्न थाले । आफ्नो कामबाट किसान दाजुभाइले पनि फाइदा उठाउन् भनेर नेपाल थोपा सिँचाइ प्रालि स्थापना गरे ।

उनको कम्पनीले थोपा सिँचाइमा प्रयोग हुने उपकरण आयात गरेर बिक्री र जडान थाल्यो । हालसम्म १० हजारभन्दा बढी कृषकको जीवनमा सकारात्मक परिवर्तन ल्याउन सफलता पाइसकेका छन्, उनले ।

‘शुरुमा नयाँ–नयाँ कृषक भेट्न म आफैं खेतबारी चहार्थें । कसैले फोन गरे तुरुन्तै दोडिन्थें,’ उनी भन्छन्, ‘थोपा सिँचाइबारे किसान दाजुभाइलाई बुझाउनु थियो ।’ सफलताको ग्राफ उकालो लाग्दै गर्दा उनी अहिले कम्पनीको सीईओ बनेका छन् ।

भन्छन्, ‘हामीले नयाँ कुरा केही गरेका होइनौँ । यो प्रविधि त दशकौंदेखि थियो । त्यसलाई नेपाल ल्याएका मात्रै हौं ।’

बिरुवालाई चाहिने पानी यकिन गर्ने, पाइपमा भएको प्वालबाट बिरुवालाई पानी र मल दिने । उनले यसै गरिरहेका छन् ।

ब्रिटिस कलेजबाट बीबीए उत्तीर्ण पारसलाई बाबु खोजराजले सबै काम सुम्पेका छन्, अहिले ।

उनको कम्पनी गत वर्ष उद्यमीहरुलाई वैदेशिक लगानी भित्र्याउने कार्यक्रम ‘रक्स्टार्ट इम्प्याक्ट’को छनोटमा पर्‍यो  । सयदिने तालिम लिएपछि पारसले आफ्नो व्यवसायलाई उचाइ दिने मनस्थिति बनाए । छिट्टै नेदरल्यान्ड्सका लगानीकर्ताले उनको कम्पनीमा लगानी गर्दैछन् । र, स्वदेशमै बसेर उद्यम गर्ने सपनाले डेरा जमाएको छ, पारसको मनमा अहिले ।

सन् २०१४ मा शुरु भएको रक्स्टार्ट इम्प्याक्ट कार्यक्रम अन्तरगत अहिलेसम्म २१ कम्पनीहरूले वैदेशिक लगानी भित्राउन सफल भइसकेका छन् । यस वर्ष कार्यक्रममा भाग लिन चाहने कम्पनीहरूले आश्विन १९ सम्म मा दरखास्त दिन सक्ने रक्स्टार्टले जनाएको छ ।


गायिका मिलन अमात्यले गरिन् डिभोर्स, कारण- दीपक लिम्बुसँगको अफेयर !

गायिका मिलन अमात्यले गरिन् डिभोर्स, कारण- दीपक लिम्बुसँगको अफेयर !


जहिलेम्म संसारमा रहन्छन् घाम जुन तारा..तिम्रै प्रियसी म सदा…

यो मीठो गीत गाएर चर्चामा आएकी गायिका मिलन अमात्य आफ्नै जीवनमा भने सदाका लागि पति मेन्सन अमात्यकी प्रियसी बन्न सकिनन् ।

करीव ६ वर्षको वैवाहिक जीवनलाई अन्त गर्दै मिलन र मेन्सनले काठमाडौं जिल्ला अदालतमा सम्बन्ध बिच्छेद गरेका छन् ।

केही दिनअघिमात्र नेपाल आइडलमा अतिथी कलाकारका रुपमा उपस्थित भएकी मिलन अमात्यले सहकर्मी गायक दिपक लिम्बुको प्रियसी बन्नका लागि मेन्सनसँगको सम्बन्धलाई बिराम दिएकी हुन् । मिलन र दिपक केही समययता प्रेम सम्बन्धमा रहेको चर्चा छ ।

मिलनले आफ्नो व्यवसायिक जीवनमा मेन्सनले साथ नदिएको गुनासो गर्दै आएकी थिइन् । सांगीतिक यात्रालार्इ अगाडी बढाउन चाहेकाले समझदारीमै डिभोर्स गरेको मिलनले बताएकी छिन । उनी नयाँ पुस्ताकी चर्चित गायिका हुन् ।

अन्तमा उनैले गाएको गीतको यो अंश पनि उनको अबको जीवनमा लागु हुनेछ, जसका लागि उनले मेन्सनलाई त्यागिन् ।

माया गर्नुनै भूल हो कि मायालु..तर तिमी बिना यो मन मान्दैन… ।



Prabhu Side Bar



Sidebar Middle
Sidebar Bottom


Maruti