21 Ashad, 2079 / 5 July , 2022

Logo
Newsajako
Social Icon
Social Icon
Secondary Top

घटना/दुर्घटना


रामेछाप बस दुर्घटनामा मृतकको संख्या १३ पुग्यो(अपडेट)

रामेछाप बस दुर्घटनामा मृतकको संख्या १३ पुग्यो(अपडेट)


काठमाडौं, २१ असार ।  रामेछापमा भएको बस दुर्घटनामा मृत्यु हुनेको संख्या १३ जना पुगेको छ । नौ जनाको घटनास्थलमा र चार जनाको धुलिखेल अस्पतालमा उपचारका क्रममा ज्यान गएको प्रहरीले जनाएको छ । 

ज्यान गुमाउनेमध्ये अहिलेसम्म नौ जनाको मात्रै परिचय खुलेको छ । सुनापति गाउँपालिका ५ रामेछापका ठूलो तामाङ, सन्जु आलेमगर, विपना तामाङ र खटबहादुर तामाङ, सुनापति गाउँपालिका ४ की समिता तामाङ, रोशी गाउँपालिका ४ काभ्रेका कमल तामाङ, पाँचखाल नगरपालिका ८ काभ्रेका सुदीप बस्नेत, मन्डनदेउपुर ९ काभ्रेका शुभलक्ष्मी मानन्धर र पाँचखाल नगरपालिका ५ काभ्रेका कुलबहादुर विकको दुर्घटनामा ज्यान गएको हो । 

दुर्घटनामा घाइते भएका २० जनाको धुलिखेल अस्पतालमा उपचार भइरहेको छ । आज बिहान बा ३ ख ८३९६ नम्बरको बस रामेछापको सुनापती गाउँपालिका ५ र खाँडादेवी गाउँपालिका १ को सिमानामा दुर्घटना भएको थियो ।  कारण नखुले पनि ुब्रेक फेलु भएर दुर्घटना भएको प्रारम्भिक अनुमान गरिएको छ ।


रामेछाप बस दुर्घटनामा मृत्यु हुनेको संख्या १२ पुग्यो(अपडेट)

रामेछाप बस दुर्घटनामा मृत्यु हुनेको संख्या १२ पुग्यो(अपडेट)


काठमाडौं, २१ असार । रामेछापबाट काठमाडौं आउँदै गरेको बस दुर्घटनाम हुँदा मृत्यु हुनेको संख्या १२ पुगेको छ।
जिल्ला प्रहरी कार्यालय रामेछापका प्रमुख डीएसपी राजकुमार थिंकका अनुसार थप तीनजनाको काभ्रेको धुलिखेल अस्पतालमा मृत्यु भएको छ। 

रामेछापको सुनापति गाउँपालिका–५ सिमानामा आज बिहान बस दुर्घटना हुँदा घटनास्थलमै ९ जनाको मृत्यु भएको थियो। घाइतेमध्ये १५ जनालाई धुलिखेल अस्पताल पठाइएकोमा तीन जनाको मृत्यु भएको हो।  अहिलेसम्म मृतकको पहिचान खुलेको छैन। अहिलेसम्म उद्धारमै लागेकाले सनाखत हुन नसकेको र सनाखतका लागि आफन्तलाई बोलाइएको डीएसपी थिंकले बताए। ३ जनालाई हेलिकप्टरमार्फत काठमाडौं ल्याइएको छ।  बा ३ ख ८३९६ को बस बिहान १० बजेतिर दुर्घटना भएको हो। २१ जना घाइतेलाई धुलिखेल अस्पताल लगिएको उनले जानकारी दिए। दुर्घटनामा २१ जना घाइते छन्।


रामेछापमा बस दुर्घटना हुँदा ९ जनाको मृत्यु

रामेछापमा बस दुर्घटना हुँदा ९ जनाको मृत्यु



काठमाडौं, २१ असार । रामेछापबाट काठमाडौं आउँदै गरेको बस दुर्घटना भएको छ । आज बिहान रामेछापको सुनापती गाउँपालिका–५ र खाँडादेवी गाउँपालिका–१ को सिमानामा  बस दुर्घटना हुँदा कम्तिमा ९ जनाको मृत्यु भएको छ  । हिलेदेबीबाट काठमाडौं आउँदै गरेको बा।३ ख ८३९६ नम्बरको बस दुर्घटना भएको हो ।  दुर्घटनामा २५ जना घाइतेलाई उपचारका लागी धुलिखेल पठाइएको छ ।  घाइतेहरुको उद्दार कार्य जारी छ ।
 


रामेछापमा बस दुर्घटना हुँदा ९ जनाको मृत्यु

रामेछापमा बस दुर्घटना हुँदा ९ जनाको मृत्यु



काठमाडौं, २१ असार । रामेछापबाट काठमाडौं आउँदै गरेको बस दुर्घटना भएको छ । आज बिहान रामेछापको सुनापती गाउँपालिका–५ र खाँडादेवी गाउँपालिका–१ को सिमानामा  बस दुर्घटना हुँदा कम्तिमा ६ जनाको मृत्यु भएको छ  । हिलेदेबीबाट काठमाडौं आउँदै गरेको बा।३ ख ८३९६ नम्बरको बस दुर्घटना भएको हो ।  दुर्घटनामा २५ जना घाइतेलाई उपचारका लागी धुलिखेल पठाइएको छ ।  घाइतेहरुको उद्दार कार्य जारी छ ।
 


लैनचौरमा गोली चल्दा एक सुरक्षाकर्मीको मृत्यु 

लैनचौरमा गोली चल्दा एक सुरक्षाकर्मीको मृत्यु 



काठमाडौं, २० असार ।  नेपालस्थित भारतीय दूतावासमा गोली चलेको छ। लैनचौरस्थित नेपालका लागि भारतीय दूतावासमा गोली चल्दा एक जनाको मृत्यु भएको प्रहरीले जनाएको छ। मृत्यु हुनेमा एक सुरक्षाकर्मी रहेको जनाइएको छ। 
दूतावासमा कार्यरत भारतीय सुरक्षाकर्मी वर्ष ३२ का दिपक सिंहले आफैंले बोकेको इन्सास बन्दुक चलाएर आत्महत्या गरेको प्रारम्भिक अनुसन्धानमा देखिएको प्रहरीले जनाएको छ। 


लैनचौरमा गोली चल्दा एक सुरक्षाकर्मीको मृत्यु 

लैनचौरमा गोली चल्दा एक सुरक्षाकर्मीको मृत्यु 



काठमाडौं, २० असार ।  नेपालस्थित भारतीय दूतावासमा गोली चलेको छ। लैनचौरस्थित नेपालका लागि भारतीय दूतावासमा गोली चल्दा एक जनाको मृत्यु भएको प्रहरीले जनाएको छ। मृत्यु हुनेमा एक सुरक्षाकर्मी रहेको जनाइएको छ। 
घटनाबारे थप अनुसन्धानका लागि अपराध महाशाखाबाट एसपी दिनेश आचार्य नेतृत्वको टोली घटनास्थल जाँदै छ।
 


विनोद शाही मृत्यु प्रकरणः मेयर चलाउनेसहित सात जना पक्राउ

विनोद शाही मृत्यु प्रकरणः मेयर चलाउनेसहित सात जना पक्राउ


अछाम, १९ असार । अछामको पञ्चदेवल विनायक नगरपालिका–४ मा किशोर विनोद शाही मृत्यु प्रकरणमा मेयर अम्बिका चलाउनेसहित सातजना पक्राउ परेका छन्। विनोद शाहीको हत्या अभियोगमा पञ्चदेवल विनायक नगरपालिकाकी नवनिर्वाचित मेयर चलाउनेसहित सात जना प्रकाउ परेका हुन्।

यसअघि पाँच जनालाई मात्रै प्रहरीले पक्राउ गरेकोमा चलाउनेसहित थप दुई जनालाई पक्राउ गरिएको अछामका प्रहरी प्रमुख नारायण डाँगीले जानकारी दिए । उनका अनुसार शनिबार पञ्चदेवल विनायक नगरपालिकाकी नवनिर्वाचित मेयर अम्बिका चलाउने र नेत्र शाही पक्राउ परेका हुन्।

चलाउने कांग्रेसबाट पञ्चदेवल विनायक नगरपालिकाका निर्वाचित मेयर हुन्। अछाम प्रहरीले केही दिनमै अनुसन्धान सकेर मुद्दा दर्ता गर्ने तयारी गरेको छ । 

 विनोद २१ जेठ बिहान १० बजे गाउँ नजिकैको भिरमा मृत फेला परेका थिए। उनको हत्या गरिएको भन्दै परिवारले मेयर अम्बिका चलाउने, वडा नम्बर ४ का निवर्तमान अध्यक्ष सदनबहादुर शाही, दानमती बम शाहीसहित १३ जनाविरुद्ध किटानी जाहेरी दिएको थियो। किटानी जाहेरी दर्ता भएकामध्ये ६ जना अझै फरार छन्।

 


पाँचथरमा पहिरोमा बेपत्ता तीन जनाको शव भेटियो

पाँचथरमा पहिरोमा बेपत्ता तीन जनाको शव भेटियो


पाँचथर, १८ असार । पाँचथरकाे फालेलुङ गाउँपालिकामा पहिरोमा बेपत्ता भएका तीन जनाको शव भेटिएको छ ।  पहिरोमा बेपत्ता भएका ४२ वर्षीय रुपलाल मगर, उहाँकी श्रीमती ३८ वर्षीया गोमा र १९ वर्षीया भतिजी एलिसाको शव फेला परेको वडा-७ का वडाअध्यक्ष शेरबहादुर केरुङले जानकारी दिए ।

गएराति गएकाे पहिराेले फालेलुङ गाउँपालिका–७ विहीदिनका रुपलालको घर बगाएको थियो। घर बगाउँदा रुपलालका काका ७१ वर्षीय दलप्रसाद मगर भने उछिट्टिएर बाँच्न सफल भएका थिए । पहिरोले ढुङ्गा, माटोले बनेको घर तथा गोठ बगाएको जिल्ला प्रहरी कार्यालय पाँचथरले जनाएको छ।


प्राकृतिक विपत्तिः पछिल्लो २४ घण्टामा ३ जनाको मृत्यु

प्राकृतिक विपत्तिः पछिल्लो २४ घण्टामा ३ जनाको मृत्यु


काठमाडौं, १६ असार । मनसुनजन्य प्रकोपबाट पछिल्लो २४ घण्टामा ३ जनाको मृत्यु भएको छ। भक्तपुर, स्याङ्जा र कञ्चनपुरमा गरी ३ जनाको मृत्यु भएको प्रहरी प्रधान कार्यालयले जानकारी दिएको छ।  भक्तपुरको सूर्यविनायक नगरपालिका १० चितापोल लाकुलीस्थित कान्छा श्रेष्ठको घर आगनमा लगाइएको पर्खाल अविरल वर्षाको कारण भत्किँदा सोही ठाउँ बस्ने ६६  वर्षीया नारायण देवी थापाको पुरिएर बुधबार साँझ मृत्यु भएको छ। पर्खाल नजिकै हिँडिरहेको अवस्थामा पर्खाल भत्किँएर पुरिएकी उनको स्थानीय र प्रहरी बृत्त जगातीबाट खटिएको प्रहरीले खोजी गर्ने क्रममा उनको शव फेला परेको हो। 

अविरल वर्षाका कारण स्याङजाको गल्याङ नगरपालिका १० डुबिनडाँडा बस्ने ढाकाराम भट्टराईको धन्सार भत्किँदा पुरिएर सोही धन्सारमा सुतिरेकी उनकी छोरी १२ वर्षीया रेखा भट्टराईको बुधबार बिहान मृत्यु भएको छ। घर भत्किँएर पुरिँदा गम्भीर घाइते भएकी उनको गल्याङ नगर अस्पताल स्याङ्जामा उपचारको क्रममा मृत्यु भएको हो। घाइते भएका उनकै छोरा १६ वर्षीय लक्ष्मण भट्टराईको सोही अस्पतालमा उपचार भइरहेको प्रहरीले जानकारी दिएको छ। 

कञ्चनपुरको बेदकोट नगरपालिका ५ पोलखरी बस्ने गोमा साउँदको घर वर्षाका कारण भत्किएर पुरिँदा सोही घरमा बस्दै आएका लाल बहादुर खुनाकी छोरी १ वर्षीया करिष्मा खुनाको मृत्यु भएको छ।  घर भत्किँदा गम्भीर घाइते भएकी उनको महाकाली प्रादेशिक अस्पताल महेन्द्रनगरमा उपचारको क्रममा मृत्यु भएको हो। साथै पुरिएर घाइते भएका बेदकोट नगरपालिका ५ पोलखरी बस्ने ४० वर्षीय मान्ते थारू र लाल बहादुरका छोरा ११ वर्षीय अर्जुन खुना उपचार पश्चात डिश्चार्ज भएका प्रहरीले जानकारी दिएको छ। 

अविरल वर्षाका कारण  प्युठान नगरपालिका १ क्वाडिस्थित झिमरुक खोलामा आएको बाढीले निर्माणधीन पुलको निर्माण बगाएको छ। निर्माणाधीन पुल र निर्माण सामग्री बगाउँदा करिब २४ लाख १६ हजार रुपैयाँ बराबरको विभिन्न धनमाल क्षति भएको प्रहरीले जानकारी दिएको छ। प्युठानकै ऐरावती गाउँपालिका ४ र ५ लाई जोड्ने झिमरुक खोलामा निर्माणधीन पुलको निर्माण सामग्री पनि बाढीले बगाएको छ। 


बाढीपहिरोः डुम्रे–बेसीशहर सडक अवरुद्ध

बाढीपहिरोः डुम्रे–बेसीशहर सडक अवरुद्ध



काठमाडौं, ५ असार । अविरल वर्षासँगै आएको बाढी पहिरोका कारण पृथ्वी राजमार्ग अन्तर्गत लमजुङ तनहुँ जोड्ने डुम्रे–बेँसीशहर सडक अवरुद्ध भएको छ । सडकअन्तर्गत लमजुङस्थित बेसीशहर नगरपालिका वडा नं.१ उदिपुर नजिकै  आइतबार बिहान सडक माथिबाट पहिरो आएको र तलबाट सडक नरहने गरी भाँसिएर जाँदा सडक अवरुद्ध भएको हो । 
जिल्ला प्रहरी कार्यालय लमजुङका अनुसार गत वर्ष नै कालोपत्रे सडक पहिराले लगेको थियो, सो पश्चात् अस्थायी ट्र्याक खोलेको सडक बाढी पहिराले सडकको नाम निशानै नरहने गरी बगाएको छ । सडक अवरुद्ध हुँदा बेसीशहरबाट जाने र बाहिरी जिल्लाबाट आउने कुनै पनि सवारी साधन चल्न सकेको छैन । 
यस स्थानमा गत वर्ष समेत ठूलो पहिरा गएको थियो । सो स्थानबाट हाल पहिरा जाँदा ५०० मिटर भन्दा अग्लो र करिब ३० मिटर लम्बाइको सडक बगाएको बताइएको छ । सडक तल मर्स्याङ्दी नदीले खोतलेको थियो भने, माथि भीर नै भाँसिदा सडक अस्थायी सडक पनि सबै बगेको स्थानीयको भनाई छ ।

बेँसीशहरबाट यस सडक हुँदै काठमाडौँ, पोखरा, चितवन लगायतका शहरमा जाने र विभिन्न स्थानबाट बेँसीशहर आउने सवारी साधन सडक अवरुद्धका कारण थप्प भएको छ ।



Prabhu Side Bar



Sidebar Middle
Sidebar Bottom


Maruti