19 Chaitra, 2079 / 2 April , 2023

Logo
Newsajako
Social Icon
Social Icon
Secondary Top

खेलकुद


यूएईलाई ९ रनले हराउँदै नेपाल विश्वकप छनोटमा

यूएईलाई ९ रनले हराउँदै नेपाल विश्वकप छनोटमा


काठमाडौं, २ चैत । आइसिसी विश्वकप लिग २ त्रिकोणात्मक एकदिवसीय श्रृखला अन्तर्गत अन्तिम खेलमा खराव मौसमले पुरा खेल हुन नसकेपछि नेपाल यूएईलाई डिएलएस मेथडका आधारमा ९ रनले हराउँदै विश्वकप क्रिकेटको छनौट चरणमा पुग्न सफल भएको छ । ४४ ओभरमा खराव मौसमले खेल हुन नसकेपछि खेल नेपालको पक्षमा गएको हो । नेपालले अन्तिम ६ ओभरमा जितका लागि ४२ रन बनाउनु पर्ने थियो ।  

 खेल रोकिदा नेपालले ४४ ओभरमा ६ विकेट गुमाएर २६९ रन बनाएको थियो । यस अघि यूएईले पुरै  ५० ओभर खेलेर ६ विकेट गुमाउँदै ३१० रन  बनाएको थियो ।  ३६ खेलबाट नेपाल ४० अंकका साथ शिर्ष तीनमा रहदै विश्वकपको छनौट चरणमा पुगेको हो ।

आज नेपालले यूएईले बनाएको ३१० रनको विशाल चुनौतीलाई  ओभरमा  विकेट गुमाएर पुरा गरेको हो । नेपालका लागि भिम सार्कीले ६७ , कुसल भुर्तेलले ५० , कप्तान रोहित पौडेलले १६ रन बनाए । त्यसैगरी आरिफ शेखले ५२  रन बनाए । गुल्सन झाले   रन  बनाए ।  

यस अघि यूएईले पुरै  ५० ओभर खेलेर ६ विकेट गुमाउँदै ३१० रन  बनाएको थियो ।  यूएईका लागि आसिफ खानले ४२ बलमा १०१ रन बनाए । त्यसैगरी भि अरविन्दाले ९४ तथा कप्तान मोहमद वासिमले ६३ रन बनाए।  

नेपालका लागि दिपेन्द्रसिंह एैरीले २ विकेट लिए। त्यसैगरी सन्दीप लामिछाने , सोमपाल कामी र ललितनारायण राजवंशीले एक एक विकेट लिए । 


आईसीसी विश्वकप लिग टूः पीएनजी युएईसँग पराजित

आईसीसी विश्वकप लिग टूः पीएनजी युएईसँग पराजित


काठमाडौं, १ चैत । आईसीसी विश्वकप लिग टू अन्तर्गत  त्रिकोणात्मक एक दिवसीय सिरिजमा युएईलाई  पपुवा न्युगिनी पीएनजीलाई ६ विकेटले हराएको छ ।  

जितका लागि पाएको २३५ रनको लक्ष्य युएईले ३८ दशमलब ४  ओभरमा ४ विकेटको क्षतीमा पुरा गर्यो  । जसमा कप्तान मोहम्मद वासिमले शतक प्रहार गरे ।   उनी ११९ रनमा आउट भए । 

पीएनजीका रिले हेकुरेले २ विकेट हात पारे । यसअघि त्रिवि मैदानमा टस जितेर पहिला ब्याटिङ रोजेको पीएनजीले निर्धारित ५० ओभरमा ७ विकेटको क्षतीमा २३४ रन बनायो । जसमा कप्तान अशाड भालाले अर्धसतकीय पारी खेल्दै ६५ रन बनाए ।  
युएईका हजरत   बिलालले ४ विकेट हात पारे ।  

जितसंगै युएईले ३५ खेलबाट युएई ३३ अंक जोडेर छैटौं स्थानमा छ । विश्वकप लिग टूको तालिकामा पीएनजी सातौं अर्थात पुछारमा रहेको छ ।   उसको  ३६ खेलबाट   ११ अंक  मात्रै छ ।  
 


पिएनजीविरुद्ध नेपाल ९ विकेटले विजयी

पिएनजीविरुद्ध नेपाल ९ विकेटले विजयी


काठमाडौं, २९ फागुन । आइसिसी विश्वकप लिग–२ त्रिकोणात्मक एकदिवसीय श्रृखलमा पपुवा न्यूगिनी विरुद्धको खेलमा नेपाल नौ विकेटले   विजयी भएको छ । जम्मा ९६ रनको विजयी लक्ष्य पछ्याएको नेपालले ७ दशमलब ४ ओभरमा  १ विकेट गुमाएर विजयी लक्ष्य पुरा गरेको हो ।  

नेपालका लागि कुसल भूर्तेल  ३३ रन बनाएर आउट भए। नेपालका आशिफ शेखले  २१ बलमा ८ चौक्का र ३ छक्कासंगै नटआउट ५३ रन बनाए ।  त्यसैगरी कुसल मल्लले  नट आउट १२ रनको योगदान दिए । यस अघि नेपालका सन्दीप लामिछानेले ५ , कुसल मल्ल र ललितनारायण राजवंशीले दुई दुई विकेट लिए । त्यसैगरी सोमपाल कामीले एक विकेट हात पारे ।  यो जितसंगै नेपालले ३५ खेलबाट ३८ अंक बनाएको छ । तेश्रो स्थानमा रहेको ओमान भन्दा १ अंकले पछि रहेको छ । अव अन्तिम खेलमा यूएईलाई जिते नेपाल ४० अंक सहित तेश्रो हुँदै विश्वकप छनौट खेलमा जानेछ। 


नेपालद्वारा युएई १७७ रनले पराजित

नेपालद्वारा युएई १७७ रनले पराजित


काठमाडौं, २८ फागुन ।  आईसीसी विश्वकप लिग–२ त्रिकोणात्मक ओडीआई सिरिजमा नेपालद्वारा युएई १७७ रनले पराजित भएको छ । त्रिवि क्रिकेट मैदानमा नेपालले जितका लागि दिएको २४९ रनको लक्ष्य पछ्याएको यूएईले २२ ओभर ५ बलमा सम्पूर्ण विकेट गुमाउँदै मात्र ७१  रन बनायो ।  यो जितसँगै नेपालले सन् २०२७ सम्मका लागि एकदिवसीय मान्यता जोगाएको छ ।  नेपालले सन् २०१८ मा एकदिवसीय मान्यता पाएको थियो ।

यूएईका लागि आयान खानले सर्वाधिक २९ रन बनाए । त्यस्तै आश्वान्तभाल थापाले १७ रन बनाउँदा कार्तीके माइपानले ११ रन बनाउन बाहेक अन्य ब्याट्सम्यानले दोहोरो अंकमा रन जोड्न सकेनन् ।  नेपालका लागि ललित नारायण राजवंसीले पाँच विकेट लिए । उनले ७ ओभर ५ बल बलिङ गर्दै २० रन खर्चेर दुई मेडन ओभर फाले । 
त्यस्तै सन्दीप लामिछानेले दुई विकेट लिँदा सोमपाल कामी, दिपेन्द्र सिंह ऐरी र गुलशन झाले एक–एक विकेट लिए । 
जितसँगै नेपालले आगामी चार वर्षको लागि एक दिवसीय अन्तर्राष्ट्रिय (ओडीआई) मान्यता जोगाएको छ भने आईसीसी विश्वकप क्रिकेट लिग-टूका बाँकी दुई खेल जिते सिधै विश्वकप छनोटमा पुग्ने सम्भावना पनि कायम राखेको छ ।


प्रथम  गोकर्णेश्वर न.पा खुल्ला आमन्त्रित तेक्वान्दो प्रतियोगिता हुँदै

प्रथम  गोकर्णेश्वर न.पा खुल्ला आमन्त्रित तेक्वान्दो प्रतियोगिता हुँदै


काठमाडौं, २६ फागुन । काठमाडौं गोकर्णेश्वर नगरपालिका तेक्वान्दो विकास समितिको संयोजन, गोकर्णेश्वर नगरपालिका खेलकुद विकास समितिको आयोजना तथा ईष्टपोल उच्च मा. वि को व्यवस्थापकीय भूमिकामा शनिबार र आइतबार प्रथम  गोकर्णेश्वर न.पा खुल्ला आमन्त्रित तेक्वान्दो प्रतियोगिता  (मेयर कप—२०७९) हुने भएको छ । 
तेक्वान्दो खेलाडीहरुको वृत्ति विकास तथा मनोभावना उच्च बनाउने र भविष्यमा गोकर्णेश्वर नगरपालिकामा तेक्वान्दो खेलको राष्ट्रिय खेलाडी उत्पादन गर्ने लक्ष्य सहित प्रतियोगिता गर्न लागेको आयोजकले जनाएको छ ।
प्रतियोगितामा  १८ वटा तौल समुहकाबीच प्रतिस्पर्धा गराइने छ । जसमा पुरुष तौल समुह जुनियर र सिनियर गरी १० वटा तौल समुह रहने छ भने महिला तौल समुह जुनियर र सिनियर गरी  ८ वटा तौल समुह रहनेछ । जसमा १० वटा विभिन्न स्कुल र ८ वटा विभिन्न डोजाङ गरी जम्मा ३ सय १० जान खेलाडी (पुरुष १ सय ८० र महिला १ सय ३०) जनाले भाग लिने जनाइएको छ । 
प्रतियोगितामा विजेता टिम पहिलो, दोस्रो र तेस्रोलाई क्रमशः प्रमाण पत्र, मेडल, क्यास प्राइज तथा ट्रफीको व्यवस्था गरिएको छ भने महिला तथा पुरुष तर्फबाट उत्कृट खेल्नेलाई बेस्ट फाइटर अवार्डबाट सम्मान गरिने छ । 
सहभागी खेलाडीलाई प्रमाण पत्रको व्यवस्था गरिएको छ ।   कार्यक्रमको उद्घाटन शनिबार बिहान १० बजे हुने आयोजकले जनाएको छ । 
प्रतियोगिताको उद्घाटन समारोहमा प्रतिनिधि सभा सदस्य सन्तोष चालिसेको प्रमुख आतिथ्यतामा हुनेछ भने कार्यक्रमको समापन आइतबार गोकर्णेश्वर नगरपालिकाका मेयर दिपक रिसालको प्रमुख आतिथ्यतामा हुने आयोजकले जनाएको छ । 
 


पीएनजीविरुद्ध नेपालको सहज जित

पीएनजीविरुद्ध नेपालको सहज जित


काठमाडौं, २५ फागुन ।  आईसीसी क्रिकेट विश्वकप लिग–२ मा नेपालले पपुवा न्युगिनी (पीएनजी) माथि ५२ रनको जित निकालेको छ । 
बिहीबार कीर्तिपुरस्थित त्रिवि क्रिकेट मैदानमा नेपालले प्रस्तुत गरेको २९८ रनको लक्ष्य पछ्याएको पीएनजीले ४७.१ ओभरमा सबै विकेट गुमाएर २४५ रन मात्र बनाउन सक्यो ।
आसिफ शेखले आफ्नो करियरकै पहिलो अन्तर्राष्ट्रिय शतक बनाएपछि टस हारेर ब्याटिङमा आएको नेपालले ४९.१ ओभरमा सबै विकेट गुमाएर २९७ रनको योगफल खडा गरेको थियो ।


नेपाल फेरि क्रिकेट लिग २ मा विजयी

नेपाल फेरि क्रिकेट लिग २ मा विजयी



काठमाडौं । आइसीसी विश्वकप क्रिकेट लिग २ मा नेपालले पपुवा न्युगिनीलाई तीन विकेटले पराजित गरेको छ । पपुवा न्युगिनीले जितका लागि दिएको एक सय ८० रनको लक्ष्य नेपालले ४८ ओभरमा सात विकेट गुमाउँदै पुरा ग¥यो ।
नेपालको जितमा आसिफ शेखले सर्वाधिक अविजित ८६ रनको योगदान दिए । उनले एक सय ३० बलमा दुई चौका र एक छक्काको मद्दतमा उक्त रन बनाएका हुन् । त्यसैगरी सन्दीप लामिछानेले अविजित ३५ रन बनाए ।
कुशल मल्लले २६ बलमा २३ रन बनाए । पहिलो बलमा नै ओपनर कुशल भुर्तेललाई गुमाएको नेपालले ज्ञानेन्द्र मल्ललाई छ रनमा गुमायो । त्यस्तै भीम सार्कीले आठ रन मात्र बनाउँदा कप्तान रोहित पौडेल र आरिफ शेखले समान एक र एक रन बनाए । दीपेन्द्रसिंह ऐरीले आठ रन बनाए भने कुशल मल्लले २३ रनमा बनाए ।
एक छेउबाट शीर्ष ब्याटरहरू एकपछि अर्को आउट हुँदै गर्दा आसिफ शेखलाई बलर सन्दीपले भरपर्दो साथ दिएका हुन् । यो जोडीले ३२ ओभरमा ७ विकेटको क्षतिमा १०७ रनको अवस्थाबाट नेपाललाई विजयी बनाएको हो । आसिफ र सन्दीपले १६ ओभरमा महत्त्वपूर्ण ७७ रन जोडे ।

पपुवा न्युगिनीका कप्तान असाद भाला, सेमो कमिया र सेसे बाउले समान २÷२ विकेट लिए ।
त्यसअघि दुबई अन्तर्राष्ट्रिय क्रिकेट स्टेडियममा टस जितेर पहिले ब्याटिङ रोजेको पपुवा न्युगिनीले ४९ दशमलव २ ओभरमा सबै विकेट गुमाउँदै १७९ रनको योगफल बनाएको थियो ।
पपुवा न्युगिनीका लागि टोनी उराले सर्वाधिक ३९ रनको योगदान दिए । त्यस्तै हिरी हिरी २९ रनमा आउट हुँदा किप्लीन डोरीगाले २६ रन बनाए । गौडी टोकाले १५ रन बनाए भने नर्मन भानुवाले १४ रन बनाए । सेसे बाउ र कप्तान असद भालाले समान ११÷११ बनाए ।
नेपालका लागि सोमपाल कामी र दीपेन्द्रसिंह ऐरीले समान २÷२ विकेट लिए भने कुशल मल्ल, सन्दीप लामिछाने र करण केसीले समान १÷१ विकेट झारे ।
यस जितसँगै नेपाल ३१ खेलमा १४ मा जित र १५ मा हारसहित छैटौँ स्थानमा छ । पपुवा न्यूगिनी ३१ खेलमा ७ अङ्कसहित तालिकाको पुछारमा रहेको छ ।


यू–१९ विश्व कप छनोटमा नेपालको लगातार चौथो जित

यू–१९ विश्व कप छनोटमा नेपालको लगातार चौथो जित


काठमाडौं, १६ फागुन । यू–१९ पुरुष विश्वकप क्रिकेट एसियाली छनोटमा नेपालले लगातार चौथो जित निकालेको छ। यूएईस्थित मलेक क्रिकेट मैदानमा मङ्गलबार भएको खेलमा नेपालले मलेसियालाई १० विकेटले पराजित गरेको हो।

७३ रनको झिनो लक्ष्य नेपालले ९ ओभरमा पूरा गरेको हो। नेपालको लागि दीपक बोहोराले अविजित ३८ र अर्जुन कुमालले अविजित २१ रन जोडे। पहिले ब्याटिङ गरेको मलेसिया ३५.३ ओभरमा ७२ रनमा अलआउट भयो। मलेसियाको लागि मुहम्मद अक्रम अब्द मलेकले २६ र मोहम्मद हैरिल हरिसनले १२ रन जोडे। नेपालको लागि दीपेश कँडेलले ४, आकाश चन्दले ३, मिलन बोहोराले २ र सुवास भण्डारीले १ विकेट लिए।


सन्दीपलाई विदेश जान सर्वोच्चले दियो अनुमति 

सन्दीपलाई विदेश जान सर्वोच्चले दियो अनुमति 


काठमाडौं, १५ फागुन । सर्वोच्च अदालतले क्रिकेटर सन्दीप लामिछानेलाई पुनः पक्राउ गर्नु नपर्ने र विदेश जान पाउने गरी आदेश गरेको छ । विदेश जाने अनुमति पाएसँगै सन्दीप यूएईमा जारी विश्वकप क्रिकेट लिग २ मा जानसमेत पाउने भएका छन्।
न्यायाधीशद्वय सपना मल्ल प्रधान र कुमार चुँडालको संयुक्त इजलासले सोमबार उक्त आदेश गरेको हो । यसअघि धरौटीमा छाड्ने पाटन उच्च अदालतको आदेशविरुद्ध सरकारी पक्षले पुनरावेदन गरेको थियो । सन्दीपले पनि विदेश जान लगाइएको प्रतिबन्ध फुकुवाको मागसहित पुनरावेदन गरेका थिए । सर्वोच्चले दुवै मुद्दा एकै ठाउँमा राखेर सुनुवाइ गरेको थियो ।


 


यू–१९ विश्वकप छनोटः नेपालले  हरायो हङकङलाई

यू–१९ विश्वकप छनोटः नेपालले  हरायो हङकङलाई


काठमाडौं, १५ फागुन । आईसीसी यू–१९ पुरुष विश्वकप एसिया छनोटमा नेपालले हङकङलाई ९ विकेटले हराएको छ । युएईको अजमानस्थित मलेक क्रिकेट मैदानमा सोमबार हङकङले दिएको १२१ रनको लक्ष्य नेपालले २२.१ ओभरमा १ विकेट गुमाएर पूरा गरेर जित निकालेको हो ।

नेपालका लागि ओपनर आकाश त्रिपाठीले अविजित रहँदै सर्वाधिक ६४ रन बनाए भने उत्तम थापा मगरले अविजित ३९ रन बनाए । छक्का प्रहार गर्दै जिताएका आकाशले ७२ बल खेल्दै ५ चौका र ४ छक्का प्रहार गरे । ५० बल खेलेका उत्तमले ४ चौका प्रहार गरे ।


२६ रन जोड्दा नेपालले छैटौं ओभरमा पहिलो विकेट गुमाएको थियो । तर आकाशले उत्तम थापा मगरसँग दोस्रो विकेटका लागि अविजित ९८ रनको साझेदारी गर्दै नेपाललाई जित दिलाए । ओपनर अर्जुन कुमालले १६ रन जोडे ।
हङकङका डानिएल मोर्गन मपले १ विकेट लिए ।

टस जितेर पहिले ब्याटिङ गरेको हङकङ नेपाली बलरको कसिलो बलिङ सामु ४६.३ ओभरमा १२० रनमा अल आउट भएको थियो ।

सोमबार नै भएको अर्को खेलमा युएईले सिंगापुरलाई ८ विकेटले हराएर लगातार तेस्रो जित निकालेको छ । अपराजित नेपाल र युएईको ३ खेलबाट समान ६ अंक छ । 
 



Prabhu Side Bar



Sidebar Middle
Sidebar Bottom