16 Kartik, 2077 / 1 November , 2020

Logo
gautam
Social Icon
Social Icon
Secondary Top

मनोरंजन


जीन्दगीको त्यो विश्रामस्थलमा‍‍...

जीन्दगीको त्यो विश्रामस्थलमा‍‍...


-रुपा थापा-

तिम्रो र मेरो जीन्दगीकाे
एउटा मिठ्ठो सम्बन्ध
जहाँबाट साथैमा सुरु भएको थियो
हाम्रो जीन्दगीकाे यात्रा

एक अर्का सँग भेटिदै छुटिदै
जीन्दगीकाे यात्राकाे त्येा उकालिमा
फेरि पनि भेट्नु नै थियो
हामीलाइ एक अर्कासँग

समयका तेज रफ्तारसँगै सवार भएको
त्यो रेलको यात्रामा
एउटै डव्वामासँगै बसेर पनि
हामि एक अर्कासँग त्यो यात्राभरि
केवल अपरिचित झैँ मुस्कुराइरह्यौ

जीन्दगीको यो राजमार्गमा
एउटै गन्तव्यमा पुग्न हिँडेका हाम्रा पाइलाहरु
फेरि पनि किन एक अर्कासँग अपरिचित नै बनिरहे

जीन्दगीको राजमार्गको त्यो विश्रामस्थलमा
बिहानीको चिसो सिरेटोसँगै
हातमा समाएका एक कप तातो चियाका बाफहरुले
साथैमा भएर पनि
किन तिमिलाइ कहिल्यै भेट्न सकेन

यात्रामा पटयार लाग्दा
हातमा समाएका ति कितावका पानाहरुले
किन तिम्रो आक्रृतिलाइ कहिले देखेन

एक अर्काको हात समाउँदै
यात्री बनेर एउटै गन्तव्यमा
साथैमा निस्केकाे तिमी र म
कसरी बर्षैा सम्म पनि
एक अर्कासँग अपरिचित नै बनिरह्यौ

म तिमि जस्तै थिए
तिमी म जस्तै थियौ
हामी एक अर्काको परिपुरक भएर पनि
कसरी एक अर्कासँग वर्षौसम्म
नभेटिकन बस्न सक्यौ

पाइलाहरु गोरेटोबाट हराउँछन्
तर साथैमा चालेका ति पाइलाहरुमा
जहा तिम्रा पाइलाहरु साथै भएर पनि
कसरी त्यो गोरेटोबाट हराइरहे

तिमी सत्य हौँ
म भ्रम पनि हुन सक्छु

हाे साथैमा सुरु भएको
तिम्रेा र मेराे जीन्दगीकाे एउटा सम्वन्ध
फेरि पनि साथैमा अन्त्य हुनेछ
तर हाम्रो भेट हुन भने
सुर्यको किरण नै छाउनु पर्ने रहेछ


सयपत्रिका केहि थुङ्गाहरु जब मुस्कुरायो...

सयपत्रिका केहि थुङ्गाहरु जब मुस्कुरायो...


-रुपा थापा-

सयपत्रिका केहि थुङ्गाहरु जब मुस्कुरायो

आमाले पनि मुस्कुराउँदै भनिन्

पख यो दसैमा मेरी छोरीलाई पनि परदेशबाट आउन दे

समयको त्यो झुलालाई सुम्सुम्याउँदै भनिन्

पख थोरै मलाइ पनि झुल्न दे

भरिदिएकी छु मैले मेरी छोरीको नामको

त्यो स्यानो खुत्रुकेलाइ औसि र पुर्णेमा

त्यो खुत्रुकेलाई सुम्सुम्याउँदै भनिन्

पख यो दसैँमा मेरी छोरीलाइ पनि परदेशबाट आउन दे

आफ्नै हत्केलाबाट छुटेका ति समयका पंखहरुलाई

पख केहि समय भए पनि मलाइ भेट्न दे

बारीको काक्रोलाइ जोगाएर

राखेकि छु बट्टामा खल्पीलाई

यो अमिलो खल्पीसंग टक्क जिब्रो फडकार्नलाई

पख यो दसैमा मेरी छोरीलाइ पनि परदेशबाट आउन दे

जिद्दि गर्थिन आमा सम्हालेर राखिदिनु ल

मेरो यो लट्टाइलाई

फेरि पनि त्यसै गरि

आँगनिको डिलबाट चङ्गाहरु उडाउनलाई

पख यो दसैँमा मेरी छोरीलाई पनि परदेशबाट आउन दे

खै के जादु छ आमा

तिम्रो हातको कवाफमा भन्दै चाख्नलाई

कसौँडीलाई सुम्सुम्याउदै भन्छिन्

पख यो दसैँमा मेरी छोरीलाइ पनि परदेशबाट आउन दे

न्यानो तिम्रो माया हो कि आमा

त्यो तिम्रो पछयौरी

त्यो निलो पछयौरिलाइ सुम्सुम्याउदै भन्छिन

पख यो दसैमा मेरी छोरीलाई पनि परदेशबाट आउन दे

जब जुनहरु उदायो त्यसैगरी आकाशमा

त्यो जुनलाइ हेर्दै भनिन्

ए जुन केहि छिन पर्खि है

मेरो हातको तातो चिया पिउँदै

यो दशैमा फेरि पनि त्यसै गरी

जुनलाइ हेर्दै टोलाउने त्यो केटिलाइ भेट्न

पख यो दसैमा मेरी छोरीलाइ पनि परदेशबाट आउन दे


जसरी म मुस्कुराइरहेकी छु यो मूर्तीमा... 

जसरी म मुस्कुराइरहेकी छु यो मूर्तीमा... 


-रुपा थापा-

तिमी मुस्कुराउनु पर्छ
जसरी मुस्कुराउँदै छन्
बिहानीमा झरेर पनि ति पारिजातको फूलहरु

तिमी नमुस्कुराएको घर
कहाँ घर हुन्छ र
त्यो त केवल मसानघाट हुन्छ
मसानघाटको अर्थ तिमिलाई थाहा छ नि
जहाँबाट जीन्दगी शुन्यतामा बिलिन हुन्छ

श्रृष्टिको फूल भित्र
एउटा लाली छर्न पनि त
तिमि मुस्कुराउँनै पर्छ

तिमी अन्धकारमा बस्नु भनेको
सिङ्गो श्रृष्टिनै अन्धकारमा डुब्नु हो
युगौँ देखि तिमीलाई अन्धकारमा राखेर
खै कुन उज्यालो खोज्दैछ यो समाज

म युगौँदेखि यो मुर्तिसँग यसै गरि मुस्कुराइरहेछु
तर युगौ देखि श्रृष्टि धान्ने
नारीहरुको आसुले भिजेको यो धर्तिमा
उन्मुक्त हासो हास्नु यदि अभिश्राप थियो भने
खै के सोच्यो होला त्यो मुर्तिकारले
जसले म हुनुको अर्थलाई बुझाउन
मुस्कुराइरहेको मेरो यो मुर्तिलाई कुद्यो

जुन घरमा प्रतिबन्धित हुन्छ
नारीहरुका सुन्दर मुस्कानहरु
त्यहा बिद्रोहको एउटा झिल्को बल्छ
जुन बिस्तारै बिस्तारै सल्किन्छ
त्यस पछि बाँकि रहेका खरानीका अस्तुहरु
एक तमासले उडिरहन्छ क्षितिजमा

नारीहरु मुस्कुराउन भनेको
सिङ्गो परिवार मुस्कुराउनु हो
परिवार मुस्कुराउनु भनेको समाज मुस्कुराउनु हो
जब समाज मुस्कुराउँछ
तब त सिङ्गो राष्ट्र मुस्कुराउँछ

मुस्कानका ओठहरुबाट मुस्कानहरु हराए भने
अध्यारा ति रातहरूसँगै
यदि मुस्कानहरु बिलिन भए भने
अङ्गारका ति राखहरुले
तिमीलाई जब जलाउनेछ
त्यतिखेर बस्तीबाट केहि गन्धहरु आउनेछन्
जुन बिद्रोहका बारूदका धुँवाहरू बनेर
जलाउनेछन् तीम्रा बस्तिहरूलाई 

ति अस्तित्वहरुको बिद्रोहहरुले
तिम्रा आँखामा खरानी बनेर बिझाउनु भन्दा अगाडी
देउ मुस्कुराउन ती नारीहरूलाई 
जसरी म मुस्कुराइरहेकी छु यो मूर्तीमा

(बढ्दै गएको महिला हिंसाको अन्त्यको कामना गर्दै नवरात्रीको चौथोदिन नारी प्रति समर्पित थापाको कविता हामीले फेसबुकबाट साभार गरेका हौँ।)


रजिना रिमालको नयाँ गीत ‘पानीको फोका–२’ तिमी आउन सक्छौँ’ सार्वजनिक

रजिना रिमालको नयाँ गीत ‘पानीको फोका–२’ तिमी आउन सक्छौँ’ सार्वजनिक


काठमाडौं । गायिका रजिना रिमालको नयाँ गीत ‘पानीको फोका २’ सार्वजनिक भएको छ । तिमी आउन सक्छौ बोलको गीतमा शब्द रचना डा.राजुबाबु श्रेष्ठको छ भने संगीत हरि लम्सालले गरेका छन् ।  
गीतको भिडियोमा रियल जोडी लक्ष्मी बर्देवा र जीवन भट्टराईलाई अन स्क्रिन जोडीका रुपमा देख्न सकिन्छ । बुद्ध थापाले खिचेको भिडियो सम्पादन विष्णु खड्काले गरेका छन् । 

भिडियो निर्देशन पनि लक्ष्मी र जीवनले नै गरेका हुन् । गीत युट्युब च्यानल १२ नोट्समार्फत सार्वजनिक गरिएको हो । 
 


अभिनेता आयुष्मान ‘विश्‍वकै प्रभावशाली व्यक्ति

अभिनेता आयुष्मान ‘विश्‍वकै प्रभावशाली व्यक्ति


काठमाडौं, ७ असोज । बलिउड अभिनेताआयुष्मान खुराना विश्वकै सय सबैभन्दा प्रभावशाली व्यक्तिको सूचीमा परेका छन् ।  टाइम म्यागजिनले निकालेको सूचीमा कलाकार विधाबाट सन् २०२० का विश्वकै प्रभावशाली सय व्यक्तिमा अभिनेता आयुष्मान परेका हुन् ।
उनले इन्स्टाग्राममा एक पोस्ट गर्दै आफ्ना प्रशंसकसँग खुसी साटेका छन् । उनले टाइम्सको सूचीमा आफू पर्नुलाई गर्वको कुरा रहेको बताएका छन् । उनलाई अहिले बलिउडकर्मीहरुले बधाई दिइरहेका छन् ।
 
‘टाइम्सले जुन पहिचान मलाई दिलाएको छ, त्यसप्रति कृतज्ञ छु । एक कलाकारको रुपमा मैले फिल्मको माध्यमबाट केही सकारात्मक पतिवर्तन ल्याउने प्रयास गरेको छु । यो पल मेरो जीवनका लागि निकै महत्त्वपूर्ण छ,’ आयुष्मानले इन्स्टामा अगाडि लेखेका छन्, ‘मलाई लाग्छ कि सिनेमा त्यो तागत हो, जसले कुनै पनि मुद्धालाई उठाएर सही विषयमा बहस पैदा गर्न सक्दछ ।’ 


त्यस्तै टाइमको सूचीमा पर्ने अन्य कलाकारमा सांगीतिक समूह ‘द विकेन्ड’, सेलेना गोमेज, जोजो सिवा, बोङ जून होलगायत रहेका छन् ।

कोरोना भाइरसपछि विश्वभर चिनिएका अमेरिकाका वरिष्ठ संक्रामक रोग विशेषज्ञ डाक्टर एन्थोनी फौचीलाई टाइमले कोरोना नियन्त्रणका लागि नेतृत्वदायी भूमिका खेलेको भन्दै एक सय प्रभावशाली व्यक्तिको सूचीमा राखेको छ । 
नेतृत्व विधातर्फबाट अमेरिकी सिनेटर कमला ह्यारिस, ताइवानकी राष्ट्रपति साई इङ वेन, चिनियाँ राष्ट्रपति सी चिनफिङ, अमेरिकी राष्ट्रपति डोनाल्ड ट्रम्प, डेमोक्रेटिक नेता जो बाइडेन, जर्मन चान्सलर एन्जेला मर्केल र भारतीय प्रधानमन्त्री नरेन्द्र मोदीलगायतका व्यक्ति रहेका छन् ।

त्यस्तै भर्खर यूएस ओपन जितेकी टेनिस स्टार नाओमी ओसाका, अमेरिकी एथ्लिट एलिसन फेलिक्स, इजिप्टकी पत्रकार लिना अताल्लाहलगायत व्यक्ति पनि प्रभावशाली व्यक्तिको सूचीमा परेका छन् ।


 ‘अभागी परदेशी’ सार्वजनिक(भिडियोसहित)

 ‘अभागी परदेशी’ सार्वजनिक(भिडियोसहित)


काठमाडौं, २५ भदौ ।  लोकदोहोरी गायक राजेन्द्र कँडेल र गायिका शान्तिश्री परियारको स्वरमा रहेको गीत ‘अभागी परदेशी’ सार्वजनिक भएको छ । गीतमा भिसु भण्डारीको शब्द रहेको छ भने गायक कँडेलकै लय रहेको छ ।

गीतको भिडियोमा मोडल विकास लामिछाने र रुपा कँडेलको अभिनय रहेको छ । भिडियोले प्रदेशमा रहेको युवाले स्वदेशकी प्रेमिकाको सम्झना गरेको देखाइएको छ । देवेन्द्र पाण्डेको निर्देशन रहेको भिडियोमा उत्सव दाहालको छायाँकन र विष्णु दहालको सम्पादन रहेको छ । 

हेर्नुहोस्

https://www.youtube.com/watch?time_continue=10&v=rLrLw1fmABU&feature=emb_logo


रहेनन् तेलुगू फिल्मका चर्चित कलाकार जय प्रकाश रेड्डी

रहेनन् तेलुगू फिल्मका चर्चित कलाकार जय प्रकाश रेड्डी


एजेन्सी । तेलुगू फिल्मका चर्चित कलाकार जय प्रकाश रेड्डीको ७४ वर्षको उमेरमा निधन भएको छ । रेड्डीको गुन्टूरस्थित आफ्नो घरमा हृदयघातका कारण निधन भएको हो । हृदयघात भएपछि उनी बाथरुममा लडेका थिए । सानै उमेरदेखि अभिनयमा होमिएका उनी एक शिक्षक थिए । फिल्ममा प्रायः नेगेटिभ र कमेडी भूमिकामा देखिएका उनको पहिलो फिल्म ‘ब्रह्म पुत्रुदु’ थियो । 
 
तर, यो फिल्मबाट उनले सफलता प्राप्त गर्न सकेनन् । करीब एक दशकपछि उनले फिल्म ‘प्रेमिचुकन्दम रा’ मा काम गरे । तर, बालकृष्ण स्टारर ‘समरसिम्हा रेड्डी’ उनको करिअरको टर्निङ पोइन्ट सावित भयो । यसबाट भिलेनको रुपमा उनलाई पहिचान मिलेको थियो । उनले ‘नरसिम्हा नायडू’, ‘आनन्दम’, ‘कबड्डी कबड्डी’, ‘चिन्ना’, ‘किङ’ लगायतका फिल्ममा काम गरेका छन् । उनको निधनले यतिबेला तमिल र तेलुगूमा शोक छाएको छ । 


महेश अवस्थीको वास्तविक जीवनमा आधारित गीत ‘जिन्दगी’ (भिडियोसहित)

महेश अवस्थीको वास्तविक जीवनमा आधारित गीत ‘जिन्दगी’ (भिडियोसहित)


काठमाडौं, २१ भदौ । आफ्नो सन्तानलाई कलेजो दान गर्ने बुबा महेश अवस्थीको वास्तविक जीवनमा आधारित अत्यन्तै मार्मिक गीत ‘जिन्दगी’ सार्वजनिक भएको छ । गायक निशान भट्टराईको समधुर आवाज रहेको गीतमा गायिका तथा संगीतकार कमला सापकोटाको शब्द, संगीत रहेको छ । संगीत संयोजन महाराज थापाले गरेका छन् । बैतडीका पत्रकार अवस्थीका छोरा सिवांशको जन्मेको १४ औँ दिनदेखि कलेजोमा खराबी आइ त्रिवि शिक्षण अस्पताल काठमाडौंको १ महिनाबढी आइसियुको उपचारपछि निको नभएपछि भारतको चेन्नाइ रेफर गरिएको थियो ।
चेन्नाइको रेला अस्पतालमा भर्ना गरेपछि कलेजो खराब भइसकेको र प्रत्यारोपण गर्नुपर्ने भनेपछि बुवा अवस्थीले छोरालाई कलेजो दान गरेर विभिन्न कठिनाइ पार गर्दै छोरा बचाएको समाचार निकै चर्चामा आएको थियो ।
घटनाको बारेमा थाहा पाएपछि नेपाली समाजलाई प्रेरणा दिने खालको वास्तविक घटना भएकोले गीत तयार पार्न गायिका सापकोटाले पहल तथा अगुवाइ  गरेकी हुन् । 
गायिका सापकोटा भन्छिन्,‘महेश ,गिता दम्पतीले सन्तान प्राप्तिको लागि गरेको सघंर्ष सम्झिदा निकै कहाली लाग्दो छ, सोहि वास्तविकतालाइ मैले आफैँ शब्द कोर्दै धुन भर्ने प्रयास गरेकी हुँ , समाजमा छोराछोरी प्रति धेरै विकृतिहरु सुन्न हेर्न सकिन्छ तर आफ्नो कलेजो दिएर छोरा बचाउने बाबाको प्रेरणालाइ यो गीतबाट झल्काउन खोजेकि छु । मैले यस्तो वास्तविक कथामा आधारित भावुक गीतमा पहिलो पटक छोटो समयमा शब्द, संगित गर्न सफल भएकोमा खुसी पनि छु ।’ ‘जिन्दगी’ गीतलाई अहिलेका चर्चित निर्देशक युवराज वाइबाले छायांकन गरेका छन् । निर्देशक वाइबा भन्छन्, ‘कलेजो काटेर दिने ति महान पिताको वास्तविक घटनालाई भिडियोमार्फत तपाईहरू माझ लिएका हौँ, अहिले सम्म धेरै काम गरियो तर यो हाम्रो लागि फरक काम हो, सँधैभरि पैसा मात्र पनि हेर्नुहुँदैन भन्ने हिसावले अवस्थी परिवारलाई थोरै भएपनि खुसी दिनको लागि हामी कलाकारहरूले कोरोनाको कहरको बेला विभिन्न चुनौति मोल्दै, निःशुल्क यो गीत तयार पारेका हौँ।’ भिडियोमा निर्मल नेउपाने र रेखा घिमिरेले निकै भावुक बनाउने अभिनय गरेकी छन् । ‘जिन्दगी’ युट्युबमा राखेपछि आउने रोयल्टी सिवांश अवस्थीको उपचारमा खर्च गर्ने कलाकारहरूले बताएका छन् ।
गायक भट्टराई भन्छन्, ‘हामिले ‘जिन्दगी’ गीतलाई मेहेनत गरेर सकेसम्म राम्रो बनाउने प्रयास गरेका छौँ, म आफैँ पनि स्टुडियोमा गाउँदा गाउँदै निकै भावुक भए सबै दर्शकहरुले मन पराइदिनुहुन्छ भन्ने आशा छ ।’ उनले सिवांश उपचारमा सहयोग होस भन्ने हेतुले गीत बनाएको हुनाले सबै दर्शकहरुले हेरेर, शेयर गरेर सहयोग गरिदिन आग्रह गरेका छन् ।

भिडियो हेर्न यहाँ क्लिक गर्नुहोस्


 


तेस्रो नेपाल आइडल बनिन् सज्जा चौलागाईं

तेस्रो नेपाल आइडल बनिन् सज्जा चौलागाईं


काठमाडौं, १२ भदौ ।  नेपाल आइडल तेस्रो सिजनको विजेता सज्जा चौलागाईं बनेकी छन् । शुक्रबार राति भएको ग्राण्ड फिनालेबाट मोरङकी सज्जा  विजेता बनेकी हुन्।  फस्ट रनर अप प्रविढा भेटवाल भए, भने सेकेन्ड रनरअप किरणकुमार भुजेल भएका छन् । विभिन्न इलिमिनेसन राउन्ड पार गर्दै उत्कृष्ट ३ मा पुगेकामध्येबाट सज्जा चौलागाईं तेस्रो नेपाल आइडल घोषणा भएकी हुन् ।

एपी वान एचडीबाट हरेक हप्ता बिहीबार र शुक्रबार प्रसारण हुँदै आएको यो रियालिटी सो नेपाली सांगीतिक इतिहासको सर्वाधिक रुचाइएको कार्यक्रम हो।
दर्शकले दिएको भोटका आधारमा सज्जा विजेता भएको आयोजकले जनाएको छ। सज्जाले ५० लाख रूपैयाँ नगद पुरस्कार पाएकी छन्।

त्यस्तै प्रवीण बेडवाल फर्स्ट रनर अप भएका छन्। उनले १० लाख रूपैयाँ नगद पुरस्कार पाएका छन्। सेकेन्ड रनर अप भएका किरण कुमार भुजेल भएका छन् । उनले ५ लाख रूपैयाँ पुरस्कार पाएका छन्। कोरोना संक्रमण जोखिमका कारण यो सिजनको फिनाले सामाजिक दूरी कायम गर्दै स्टुडियोमै अत्यन्तै सीमित व्यक्तिहरूको उपस्थितिमा सम्पन्न भएको थियो।
चैत पहिलो साताबाट स्थगित भएको नेपाल आइडल केही साता अगाडि सुरु भएको थियो। यो सिजनमा पनि न्ह्यू वज्राचार्य, कालीप्रसाद बास्कोटा र इन्दिरा जोशी निर्णायक थिए। 


आगामी शैक्षिकसत्रदेखि विद्यालय तहमा फिल्म पढ्न पाइने 

आगामी शैक्षिकसत्रदेखि विद्यालय तहमा फिल्म पढ्न पाइने 



काठमाडौं, ११ भदौ । आगामी शैक्षिकसत्रदेखि विद्यालय तथा क्याम्पस तहका विद्यार्थीले  फिल्म पढ्न पाउने भएका छन् । आम मानिसलाई नेपाली फिल्मको इतिहास र प्राविधिकलगायतका पक्षमा जानकारी दिने उद्येश्यले विद्यालयको पाठ्य पुस्तकमा फिल्मलाई समेट्न लागिएको हो । पाठ्यक्रम विकास केन्द्रसँग फिल्मलाई पाठ्यक्रममा समावेश गर्ने मोटामोटी सहमति भएको चलचित्र विकास बोर्डले जानकारी दिएको छ । 
 
यसका लागि पाठ्यक्रम विकास केन्द्रले बोर्ड अध्यक्ष दयाराम दाहाललाई पाठ्यक्रम निर्माण समितिको पदेन सदस्यको रुपमा आमन्त्रित गरेको छ । अध्यक्ष दाहालले पाठ्यक्रम विकास केन्द्रसँग यसबारेको छलफल करिब अन्तिम चरणमा पुगिसकेको जानकारी दिए । यस वर्ष ढिला भइसकेका कारण अर्को वर्षदेखि फिल्मलाई पाठ्यक्रममा समावेश गरिने उनको भनाइ छ । 
 
विद्यालय तहको पाठ्यक्रममा फिल्म समावेश गर्ने सहमति भए पनि कलेजमा के गर्ने भन्ने विषयमा टुंगो नलागेको उनको भनाई छ । आउँदो वर्षबाट पाठ्यक्रममा फिल्मलाई समावेश गर्ने पहलमा आफू रहेको र सम्भव भए १०० पूर्णाङ नभए ५० पूर्णाङको पाठ्यक्रम बनाउने पहल भइरहेको उनले बताएका छन् । उनी अहिले पाठ्य पुस्तक लेखकहरुसँग पनि छलफल गरिरहेका छन् ।
 
 



Prabhu Side Bar



Sidebar Middle
Sidebar Bottom


Maruti