News ????
काठमाडौं, असार ९ । सर्लाहीका बिप्लव नेतृत्वको नेकपाका जिल्ला इञ्चार्ज कुमार पौडेलको हत्या प्रहरी मुठभेडमा भएको भन्दै गृहमन्त्री रामबहादुर थापाले दिएको बयानलाई नेकपाकै सांसदले अस्वीकार गरेका छन् । संसदको राज्यव्यवस्था समितिको आजको बैठकमा पौडेलको हत्या प्रकरणलाई लिएर सत्तापक्षकै सांसदहरुले गृहमन्त्री र प्रहरी प्रशासनको शैलीमाथि प्रश्न उठाएका हुन् ।
गत असार ५ गते सर्लाहीमा बिप्लव नेतृत्वको नेकपाका जिल्ला नेता पौडेलको मृत्युमा प्रहरीले मुठभेड भने पनि सांसदहरुले त्यसलाई कलाबिहिन नाटक भनेका छन् । कतिपय सांसदहरुले यो घटनापछि सरकारले नै पुन द्वन्द्व सिर्जना गर्न खोजेको आरोप समेत लगाएका छन् ।
सोमबार समितिले गृहमन्त्री थापा र प्रहरी महानिरीक्षक सर्वेन्द्र खनालाई बैठकमा डाकेर छलफल गरेको थियो । छलफलमा गृहमन्त्री थापाले प्रहरीसँगको मुठभेडमा पौडेलको मृत्यु भएको दाबी पेश गरेपनि सांसदहरुले प्रतिप्रश्न गर्दै सरकारको भनाईमा अविश्वास प्रकट गरेका थिए । गृहमन्त्री थापाले प्रहरीको गस्तीमा रहेका बेला दुइटा अन टेस्ट लेखिएको मोटरसाइकलमा आएका चार जना व्यक्तिले प्रहरीलाई लक्षित गरी फायर गरेकाले प्रहरी टोलीले आत्मरक्षाका लागि जवाफी फायर गर्दा एक जनाको घटनास्थलमा मृत्यु भएको भनेका थिए ।
नेकपाकी सांसद रेखा शर्माले ‘संकटकालका बेला आफू एक वर्ष आर्मीको क्याम्पमा बसेको उल्लेख गर्दै भित्र हातखुट्टा भाँचेर बाहिर लगेर मुठभेड भन्ने गरिएको देखेको उल्लेख गर्दै’ गृहमन्त्रीलाई घटना पुष्टि गर्न चुनौती दिइन् । उनले कुमार पौडेलको हात चार–पाँच ठाउँमा भाँचिएको फोटो सार्वजनिक भएको भन्दै त्यसबारे गृहमन्त्रीको जवाफ मागिन् ।’ यो घटनाको राम्रोसँग छानबिन हुनुपर्छ’, शर्माले भनिन्, ’यो प्रवृत्तिलाई निरुत्साहित गर्नुपर्नेमा प्रोत्साहन भैरहेको छ ।’
नेकपाकै सांसद एवम् पूर्वगृहमन्त्री जनार्दन शर्माले पनि पौडेलको पहिला हातखुट्टा भाँचेर गोली हानिएको अवस्था कसरी मुठभेड हुनसक्ने बताए । शर्माले गृहमानन्त्री थापा, प्रहरी महानिरीक्षक सर्वेन्द्र खनाल उपस्थित बैठकमा भने, ‘के गोली हानेपछि भाँच्चियो हातखुट्टा ? यस्तो घटनाले विद्रोहमा जनतामा असन्तुष्टि आउँछ ।’ उनले आफूहरू विगतमा निहत्था मारिएको भन्दै गृहमन्त्रीलाई प्रश्न गरे, ‘के हामी त्यही प्रवृत्ति दोहोर्याउन चाहन्छौं ?’ उनले प्रहरीले कानुनी कारबाहीमा साथ हुने तर हत्यामा साथ नहुने बताए । यो मुठभेड हो भन्ने लाग्दैन’, शर्माले भने । साथै, उनले बिप्लवले मुठभेड चाहेकाले सरकारले त्यतातिर लैजान नहुने बताए । उनले गृहमन्त्रीलाई प्रहरीको गल्ती सुधार्न लाग्न आग्रहसमेत गरे ।
त्यसैगरी, नेपाली कांग्रेसकी सांसद डिला संग्रौलाले पनि घटनाबारे परिवारबाट फरक विवरण आएको भन्दै घटनाको निष्पक्ष छानबिन गर्न र फेरि देशलाई द्वन्द्वमा लाने काम नगर्न आग्रह गरिन । त्यस्तै, सांसदद्वय रेखा शर्मा, दिलेन्द्रप्रसाद बडु, यशोदा सुवेदी, महेश्वरजंग गहतराज, रामसहायप्रसाद यादव, मिना पाण्डे, झपट रावल, तिर्था गौतमलगायतले पौडेलको मुठभेडमा मारिएको नभई प्रहरीको नाटक भएको आरोप लगाउँदै घटनाको निष्पक्ष छानबिन हुनुपर्नेमा जोड दिए ।
सांसदहरुको प्रश्नको जवाफ दिंदै गृहमन्त्री थापाले विप्लवसँगको समस्या गम्भीर समस्या भन्दै राजनीतिक रुपमै हल गर्नुपर्छ भनेर प्रयत्न भइरहेको उल्लेख गरे । मन्त्री थापाले सुझावको ध्यानाकर्षण भएको बताउदै छानविन गर्ने जानकारी पनि गराए । राज्यव्यवस्था समितिको बैठकले मन्त्री थापालाई एक हप्ताभित्र घटनाको प्रतिबेदन बुझाउन निर्देशन दिएको छ ।
संघका अध्यक्ष धनु देवी पियाको अध्यक्षतामा भएको सो कार्यक्रमको प्रमुख अतिथि सर्वोदय सेवाश्रमका अध्यक्ष कृष्णराज ओलिया थिए भने उपाध्यक्ष देवानन्द खनालले स्वागत तथा कार्यक्रमको बारेमा जानकारी दिएका थिए । महासचिव ईश्वर जोशीले कार्यक्रम सञ्चालन गरेका थिए । कार्यक्रममा लमजुङका औषधि व्यवसायीहरुको बाक्लो उपस्थिति रहेको थियो ।
