News ????
रामनारायण यादव
राजविराज, जेठ ३१ । नेपाली कांग्रेसका बरिष्ठ नेता तथा पूर्व उपप्रधानमन्त्री रामचन्द्र पौडेलले वर्तमानसरकार दुई तिहाईको दमले अगाडि बढिरहेको बताएका छन् ।
हिजो नेपाली कांग्रेस सप्तरी क्षेत्र नम्वर २ का कार्यसमितिले आयोजना गरेको आमसभालाई सम्बोधन गर्दै नेता पौडेलले यस्तो बताएका हुन् । ‘दुई तिहाइको सरकारले जनताको चाहनाअनुसार काम गर्न सकेन, उनले भने, ‘सरकार आफै भ्रष्टाचारमा लिप्त भएको छ ।’ दुई तिहाइको सरकार हुँदासमेत जनताले सरकार भएको अनुभूति गर्न नपाएको उनको आरोप थियो ।
उनले हालको सरकारले शान्तिसुरक्षा कायम गर्न नसकेको टिप्पणी गरे । नेता पौडेलले कम्युनिष्ट सरकारले सर्वसताबाद तर्फ अघि बढिरहेको बताउँदै मधेशी जनताको हितको लागि कहिले नसोचने यो सरबारबाट जनताको हित विपरित कार्य नै भइरहेको आरोप लगाए । उनले सरकारले हावादारी कुरा गरेर जनतालाई भ्रममा पारेर देशलाई द्वन्द्वमा फसाउन खोजेको आरोप समेत लगाए ।
लोकसेवाको विज्ञापनको विषलाई लिएर अहिले देशमा आन्दोलन भइरहेको छ । सरकारले यसतर्फ कुनै चासो लिएको छैन । यो सरकार अहिले सम्म जुन कार्य गरेको छ त्यो विवादै–विवाद भएको टिप्पणी गरे ।
सोही कार्याक्रममा नेपाली कांग्रेसका उपसभापति तथा पूर्व मन्त्री विजय कुमार गच्छेदारले कम्युनिष्ट सरकार मधेश विरोध रहेको बताएका छन् ।
पूर्व मन्त्री गच्छेदारले नेपाली कांग्रेस संकटमा परेको बताउदै अब एक जुट भएर आगडि बढ्ने हो भने नेपाली कांग्रेस देशको ठुलो पार्टीको रुपमा स्थापित हुने बताए ।
उनले भने, ‘मधेशी जदलहरु दोहोरो भुमिका खेलेर मधेशी जनतालाई धोखा दिएको बताउँदै मधेशी दलहरु अहिले आएर त्यही मधेश विरोधी पार्टीसँग सरकार चलाई रहेको छ ।’ उनले मधेशको विकास कुनै पार्टीले गर्न नसकने बताउँदै अब नेपाली कांग्रेसको काँधमा सम्पूर्ण जिम्मेवारी आएको बताए ।
उनले भने, ‘नेपाली कांगेस गुट उपगुटका कारणले पार्टीमा देखिएका मनमोटाहरुलाई अन्तय गरी एक ढिक्का भएर आगडि बढन सम्पूर्ण नेता तथा कार्यक्रताहरुलाई आग्रह गर्दछु ।’
उक्त सभामा सांसद तेजुलाल चौधरी, पुर्व सांसद रंजित कर्ण, पूर्व मन्त्री महेन्द्र यादव, संविधान सभा सदस्य मुनि गुप्ता, प्रदेश सभा सदस्य सान्ता पौडेल, सांसद नविता चौधरी, जिल्ला सभापति दिनेश कुमार यादव लगयतले आ–आफ्नो धारणा व्यक्त गरेका थिए ।
