12 Ashwin, 2079 / 28 September , 2022

Logo
Newsajako
Social Icon
Social Icon
Secondary Top

राजनीति


बुधबारदेखि निर्वाचन आचारसंहिता लागू

बुधबारदेखि निर्वाचन आचारसंहिता लागू


काठमाडौं, ११ असोज । बुधबारदेखि निर्वाचन आचारसंहिता लागू हुने भएको छ । निर्वाचन आयोगको मंगलबार बसेको बैठकले १२ असोजदेखि निर्वाचन आचारसंहिता कार्यान्वयन गर्ने निर्णय गरेको हो ।

निर्वाचन आचारसंहितामा संघीय सरकारका प्रधानमन्त्री, मन्त्री, प्रदेश सरकारका मुख्यमन्त्री र मन्त्री तथा स्थानीय तहका कार्यपालिका सदस्य चुनाव प्रचार प्रसारमा हिंड्न नपाउने व्यवस्था छ । निर्वाचन आचारसंहिता लागू भएपछि सरकारी, अर्ध सरकारी वा सार्वजनिक संस्थाले कुनै परियोजनाको स्रोत, साधन र सम्पत्ति दल तथा उम्मेदवारको पक्ष वा विपक्षमा प्रयोग गर्न पाउने छैनन् ।

यसैगरी, चुनाव प्रचारमा सरकारी, अर्ध सरकारी निकाय, विद्यालय विश्वविद्यालयलाई प्रयोग गर्न पाउने छैनन् । राजनीतिक दल वा उम्मेदवारको निर्वाचन चिह्न अंकित ज्याकेट, कमिज, भेष्ट टिसर्ट, क्याप, गम्छा, झोलाजस्ता सामग्री उत्पादन र प्रयोग गर्न पाउने छैनन् ।


देउवामाथि दबाब दिन पार्टी कार्यालयमा धर्ना दिने शेखर समूहको निर्णय

देउवामाथि दबाब दिन पार्टी कार्यालयमा धर्ना दिने शेखर समूहको निर्णय


काठमाडौं, १० असोज । नेपाली कांग्रेसका नेता डा.शेखर कोइराला समुहले पार्टी कार्यालयमा धर्ना दिने भएको छ । सोमबार ठमेलस्थित होटल यात्रीमा बसेको शेखर पक्षको बैठकले सभापति शेरबहादुर देउवामाथि दबाब बढाउन यही बुधबार दिउँसो १ बजे पार्टी कार्यालय सानेपामा धर्ना दिने निर्णय गरेको हो ।
गत वैशाखमा भएको स्थानीय तहको निर्वाचनदेखि सभापति देउवाप्रति रुष्ट बनेको कोइराला समुह मंसिर ४ गते हुने संघ र प्रदेशसभाको निर्वाचनको विषयमा पनि असन्तुष्ट बनेको छ ।
वर्तमान प्रधानमन्त्री समेत रहेका देउवाले आफूहरुलाई सधै पेलेरै पार्टीमा हरेक निर्णय  गर्ने गरेको उक्त पक्षको जनाएको छ ।  त्यसकारण समान अवसर र न्यायका लागि एक घण्टे धर्ना कार्यक्रम तय गरिएको शेखर पक्षको दावी छ । 

डा. कोइराला समुहले एकल बहुमत ल्याउने गरी भागबन्डा गर्न सभापति देउवालाई निरन्तर दबाब दिँदै आएको छ । उक्त पक्षले कम्तीमा पनि कांग्रेसलाई १०० सिट राखेर बाकिँ रहेका सिट अन्य दलहरूलाई भागबन्डा गर्नुपर्ने प्रस्ताव सभापति देउवा समक्ष राख्दै आएको हो ।
 


देउवामाथि दबाब दिन पार्टी कार्यालयमा धर्ना दिने शेखर समूहको निर्णय

देउवामाथि दबाब दिन पार्टी कार्यालयमा धर्ना दिने शेखर समूहको निर्णय


काठमाडौं, १० असोज । नेपाली कांग्रेसका नेता डा.शेखर कोइराला समुहले पार्टी कार्यालयमा धर्ना दिने भएको छ । सोमबार ठमेलस्थित होटल यात्रीमा बसेको शेखर पक्षको बैठकले सभापति शेरबहादुर देउवामाथि दबाब बढाउन यही बुधबार दिउँसो १ बजे पार्टी कार्यालय सानेपामा धर्ना दिने निर्णय गरेको हो ।
गत वैशाखमा भएको स्थानीय तहको निर्वाचनदेखि सभापति देउवाप्रति रुष्ट बनेको कोइराला समुह मंसिर ४ गते हुने संघ र प्रदेशसभाको निर्वाचनको विषयमा पनि असन्तुष्ट बनेको छ ।
वर्तमान प्रधानमन्त्री समेत रहेका देउवाले आफूहरुलाई सधै पेलेरै पार्टीमा हरेक निर्णय  गर्ने गरेको उक्त पक्षको जनाएको छ ।  त्यसकारण समान अवसर र न्यायका लागि एक घण्टे धर्ना कार्यक्रम तय गरिएको शेखर पक्षको दावी छ । 

डा। कोइराला समुहले एकल बहुमत ल्याउने गरी भागबन्डा गर्न सभापति देउवालाई निरन्तर दबाब दिँदै आएको छ । उक्त पक्षले कम्तीमा पनि कांग्रेसलाई १०० सिट राखेर बाकिँ रहेका सिट अन्य दलहरूलाई भागबन्डा गर्नुपर्ने प्रस्ताव सभापति देउवा समक्ष राख्दै आएको हो ।
 


नागरिकता सम्बन्धी रिटमा कारण देखाऊ आदेश 

नागरिकता सम्बन्धी रिटमा कारण देखाऊ आदेश 


काठमाडौं, ९ असोज । सर्वोच्च अदालतले राष्ट्रपति कार्यालयसँग  नागरिकता विधेयक प्रणाीकरण नगर्नुको कारण माग गरेको छ । न्यायाधीश हरि फुयालको एकल इजलासले रिटलाई अग्राधिकार दिँदै राष्ट्रपति कार्यालयसँग लिखित जवाफ मागेको हो । संघीय संसदको दुवै सदनबाट पारित भएर आएको नागरिकता विधेयक संविधानअनुसार राष्ट्रपति विद्यादेवी भण्डारीले ४ असोजभित्र प्रमाणीकरण गर्नुपर्ने थियो ।

तर राष्ट्रपतिले प्रमाणीकरण नगरेपछि संविधान उल्लंघन भएको भन्दै सर्वोच्चमा ५ वटा रिट गरेको छ । सबै रिटमा राष्ट्रपतिलाई विधेयक प्रमाणीकरणका लागि परमादेश जारी गर्न समेत माग गरिएको छ । अधिवक्ता सुनिलरञ्जन सिंह, अधिवक्ता सुनिलकुमार यादव, अधिवक्ता सागर बराल, देव शर्मा र सोनु रौनियारले नागरिकता विधेयक प्रमाणीकरण नगर्ने राष्ट्रपति  भण्डारीको कदमविरुद्ध सर्वोच्चमा रिट दिएका थिए ।


 


नागरिकता सम्बन्धी रिटमा कारण देखाऊ आदेश 

नागरिकता सम्बन्धी रिटमा कारण देखाऊ आदेश 


काठमाडौं, ९ असोज । सर्वोच्च अदालतले राष्ट्रपति कार्यालयसँग  नागरिकता विधेयक प्रणाीकरण नगर्नुको कारण माग गरेको छ । न्यायाधीश हरि फुयालको एकल इजलासले रिटलाई अग्राधिकार दिँदै राष्ट्रपति कार्यालयसँग लिखित जवाफ मागेको हो ।

संघीय संसदको दुवै सदनबाट पारित भएर आएको नागरिकता विधेयक संविधानअनुसार राष्ट्रपति विद्यादेवी भण्डारीले ४ असोजभित्र प्रमाणीकरण गर्नुपर्ने थियो ।

तर राष्ट्रपतिले प्रमाणीकरण नगरेपछि संविधान उल्लंघन भएको भन्दै सर्वोच्चमा ५ वटा रिट गरेको छ । सबै रिटमा राष्ट्रपतिलाई विधेयक प्रमाणीकरणका लागि परमादेश जारी गर्न समेत माग गरिएको छ ।


अधिवक्ता सुनिलरञ्जन सिंह, अधिवक्ता सुनिलकुमार यादव, अधिवक्ता सागर बराल, देव शर्मा र सोनु रौनियारले नागरिकता विधेयक प्रमाणीकरण नगर्ने राष्ट्रपति  भण्डारीको कदमविरुद्ध सर्वोच्चमा रिट दिएका थिए ।


 


सत्ता गठबन्धनको बैठक आज पनि बस्दै, प्रदेशसभाबारे छलफल थालिने

सत्ता गठबन्धनको बैठक आज पनि बस्दै, प्रदेशसभाबारे छलफल थालिने


काठमाडौं, ९ असोज । सत्तारुढ गठबन्धनको बैठक आज पनि बस्दैछ। बैठक प्रधानमन्त्रीको सरकारी निवास बालुवाटारमा बस्नेछ। सत्ता गठबन्धनले अब प्रदेशसभाको सिट बाँडफाँटका लागि छलफल थाल्ने जनाएको हो।
शनिबार बसेको गठबन्धनको बैठकमा प्रतिनिधिसभाको सिट बाँडफाँटबारे छलफल भएको थियो। अहिलेसम्म भएको सहमतिलाई कायम राख्दै अब प्रदेशसभाबारे छलफल थाल्ने सहमति भएको हो।


बजेटभन्दा बाहिरको हिसाब २४ घण्टाभित्र बुझाउन अर्थलाई आयोगको निर्देशन

बजेटभन्दा बाहिरको हिसाब २४ घण्टाभित्र बुझाउन अर्थलाई आयोगको निर्देशन


काठमाडौं, ७ असोज ।  निर्वाचन आयोगले बजेटभन्दा बाहिर गएर गरिएको खर्चको विवरण २४ घण्टाभित्र पेश गर्न अर्थ मन्त्रालयलाई निर्देशन दिएको छ । आयोगले निर्वाचन घोषणा भइसकेपछि मन्त्रालयबाट भएको बजेटभन्दा बाहिरको खर्च विवरण बुझाउन निर्देशन दिएको हो ।

‘निर्वाचन मिति तोकिइ निर्वाचन कार्यक्रमहरु कार्यान्वयन भइरहेको अवस्थामा व्यवस्थापिका संसदबाट आर्थिक वर्ष २०७९र८० का लागि स्वीकृत वार्षिक बजेट तथा कार्यक्रमहरुमा नपरेका विभिन्न नयाँ योजनाहरु सिर्जना गरी कार्यक्रमहरुसमेत तयारी गरी नेपाल सरकार, अर्थ मन्त्रालयबाट विभिन्न मन्त्रालय तथा निकायहरुमा बजेट सरमान्तर निकासा र स्रोत सुनिश्चितता गरेको भन्ने विषयमा आयोगको ध्यानाकर्षण भएको छ’, शुक्रबार विज्ञप्ति जारी गर्दै आयोगले भनेको छ, ‘निर्वाचन मिति तोकिए पश्चात व्यवस्थापिका संसदबाट आर्थिक वर्ष २०७९र८० का लागि स्वीकृत रकम कुन कुन योजना तथा कार्यक्रमरुमा रकमान्तर निकासा र स्रोत सुनिश्चितता गरिएको छ,छैन भन्ने विषयमा नेपाल सरकारका अर्थ सचिवबाट २४ घण्टाभित्र निर्वाचन आयोगलाई प्राप्त हुने गरी विवरण पेश गर्ने निर्देशन दिएको छ ।’

सरकारले गत साउन १९ गते प्रतिनिधिसभा र प्रदेशसभा सदस्य निर्वाचनको मिति घोषणा गरेको थियो । तर आव २०७९र८० को लागि स्वीकृत वार्षिक बजेट तथा कार्यक्रममा नपरेका विभिन्न नयाँ योजना सिर्जना गरी कार्यक्रम बनाएर अर्थ मन्त्रालय तथा निकायमा बजेट रकमान्तर निकासा र स्रोत सुनिश्चितता गरेको विषयमा आयोगको ध्यानाकर्षण भएको उल्लेख गरिएको छ ।


परराष्ट्रमन्त्री र युरोपेली संसदीय प्रतिनिधिमण्डलबीच भेटवार्ता

परराष्ट्रमन्त्री र युरोपेली संसदीय प्रतिनिधिमण्डलबीच भेटवार्ता


काठमाडौं, ७ असोज । नेपाल भ्रमणमा रहेको युरोपेली युनियन (इयु) को संसदीय प्रतिनिधिमण्डलले आज परराष्ट्रमन्त्री डा. नारायण खड्कासँग भेटवार्ता गरेको छ । युरोपेली संसदकी उपसभापति इभलेन रेगनरको नेतृत्वमा आएको संसदीय प्रतिनिधिमण्डलले परराष्ट्रमन्त्रीसँग भेटवार्ता गरेको हो । 

भेटमा दुवै पक्षले बहुपक्षीयता र नियममा आधारित विश्व व्यवस्थाको प्रवद्र्धनका लागि मिलेर काम गर्नुपर्ने आवश्यकता औंल्याएका थिए ।  युरोपेली युनियनको संसदीय टोली नेपाल भ्रमणको सिलसिलामा बिहीबार काठमाडौं आइपुगेको हो । 
 


सभामुख र उपसभामुखको पद खाली गराउन माग गर्दै सर्वोच्चमा रिट

सभामुख र उपसभामुखको पद खाली गराउन माग गर्दै सर्वोच्चमा रिट


काठमाडौं, ६ असोज ।  प्रतिनिधिसभाका सभामुख अग्निप्रसाद सापकोटा र उपसभामुख पुष्पा भुसालको पद खाली गराउन माग गर्दै सर्वोच्च अदालतमा रिट दायर भएको छ ।  अधिवक्ताहरु किशोर पौडेल, जगन्नाथ दुलाल र अनुपम भट्टराईले बिहीबार प्रधानमन्त्री तथा मन्त्रिपरिषद् कार्यालय, कानुन मन्त्रालय र संघीय संसद् सचिवालयलाई विपक्षी बनाई सभामुख र उपसभामुखविरुद्ध रिट दायर गरेका हुन्।

निर्वाचन आयोगले प्रतिनिधिसभाको समानुपातिकतर्फको बन्दसूची प्रकाशित गरिसकेकाले मुद्दाको अन्तिम किनारा नलागुन्जेल सभामुख र उपसभामुखका रुपमा दिइने सेवासुविधा प्रयोग गर्न रोक लगाउनसमेत रिटमा माग गरिएको छ। रिटमाथि शुक्रबारलाई पेसी तोकिएको छ।

प्रतिनिधिसभाका लागि हुने अर्को निर्वाचनको उम्मेदवारी दाखिला गर्ने अघिल्लो दिनसम्म मात्र पदमा बहाल रहने व्यवस्था उल्लेख गर्दै रिटमा सभामुख र उपसभामुखको पद खाली गराउन माग गरिएको छ।


पूर्वमहानिरीक्षक खनाल एमाले प्रवेश, अध्यक्ष ओलीले गरे स्वागत

पूर्वमहानिरीक्षक खनाल एमाले प्रवेश, अध्यक्ष ओलीले गरे स्वागत


 

काठमाडौं, ६ असोज ।  नेपाल प्रहरीका पूर्वमहानिरीक्षक सर्वेन्द्र खनाल नेकपा (एमाले)मा प्रवेश गरेका छन् । पूर्वमहानिरीक्षक खनाल बिहीबार एमालेमा प्रवेश गरेका हुन् । एमाले अध्यक्ष केपी शर्मा ‌ओलीले पार्टी केन्द्रीय कार्यालयमा आयोजित कार्यक्रममा खनाललाई पार्टीमा स्वागत गरेका छन् । उनलाई स्वागत गर्नका लागि एमाले महासचिव शंकर पोखरेल, उपमहासचिव विष्णु रिमाल लगायत नेताहरू कार्यक्रममा उपस्थित थिए ।

खनालले एमालेमा प्रवेश गर्न पाउँदा आफू हर्षविभोर भएको बताएका छन् । ओली प्रधानमन्त्री रहेकै बेलादेखि खनालले एमालेका लागि काम गर्दै आएका थिए । खनाललाई जनता समाजवादी पार्टीका सांसद डा. सुरेन्द्र यादवलाई अपहरण गरेको आरोप लागेको थियो ।

खनालसँगै राष्ट्रिय पुनर्जागरण पार्टीका महासचिव रविकिरण खनाल, विवेकशील साझा पार्टीका संस्थापक अब्दुस मिया, जसपाका नेता होरिलाल चौधरीलगायत एमालेमा प्रवेश गरेका छन् ।



Prabhu Side Bar



Sidebar Middle
Sidebar Bottom


Maruti