14 Baishak, 2081 / 26 April , 2024
काठमाडौं, १४ कात्तिक । नेपालमा थप ३५१७ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका प्रवक्ता डा.जागेश्वर गौतमका अनुसार पछिल्लो २४ घण्टामा देशभर थप ३५१७ जनामा कोरोना संक्रमण पुष्टि भएको हो । योसँगै देशभर कुल संक्रमितको संख्या एक लाख ६८ हजार २३५ पुगेको छ ।
देशभर सक्रिय संक्रमितको संख्या ३८ हजार ३५७ रहेको छ । पछिल्लो २४ घण्टामा ४ हजार ९६ जना देशभरका विभिन्न अस्पतालबाट डिस्चार्ज भएका छन् । त्यसैगरी हालसम्म एक लाख २८ हजार ९५८ जना डिस्चार्ज भएका छन् । हालसम्म डिस्चार्ज हुने दर ७६ दशमलव ७ प्रतिशत रहेको छ ।
पछिल्लो २४ घण्टामा देशभरका प्रयोगशालाहरुमा १४ हजार ९८९ जनाको पीसीआर परीक्षण गरिएको छ । आजसम्म १४ लाख ३४ हजार ५३ जनाको पीसीआर परीक्षण गरिएको छ ।
देशभरका संस्थागत आइसोलेसनमा ७ हजार १९० जना र होम आइसोलेसनमा ३१ हजार ३८७ जना रहेका छन् । आजसम्म देशभर दुई हजार ६६६ जना क्वारेन्टिनमा रहेका छन् । देशभर ७१ जनाको भेन्टिलेटरमा उपचार भइरहको छ । देशभर ३०० जना आईसीयूमा राखेर उपचार भइरहेको छ ।