15 Baishak, 2081 / 27 April , 2024
सोलुखुम्बु, १६ कात्तिक । सोलुखुम्बुको खाङतेगा पिक आरोहणको क्रममा तीन जना फ्रान्सेली नागरिक बेपत्ता भएका छन् । होलिडे हिमालय ट्रेक एक्सपिडिसन मार्फत् खुम्बु आएका ८ फ्रान्सेलीमध्ये तीनजना भने हिम पहिरोमा परि बेपत्ता बनेका हुन् ।
थोमस जर्जस्, गाड्रियल पल र लुइस पाछोड नाम गरेका पर्यटकहरू कात्तिक ९ गतेदेखि सम्पर्कविहीन भएका हुन् । चोलप्सा हिमाल र खाङतेगा आरोहणको अनुमति लिएर आएका उनीहरू खाङतेगातर्फ जाने क्रममा मिङबोला हिमाल पार गरेपछि माथिबाट आएको हिमपहिरोमा परी बेपत्ता भएको जिल्ला प्रहरी कार्यालय सोलुखुम्बुका प्रमुख डिएसपी कवित कटवालले बताए ।
उनीहरूसँगै गएका ५ जना भने सम्पर्कमा छन् । हराएकाहरूको खोजीका लागि कैलाश एयरको हेलिकप्टर आइतबार दिनभर परिचालन भएपनि उनीहरूको अवस्था पत्ता लगाउन सकिएन । प्रहरीका अनुसार बेपत्ता नागरिकसंग कात्तिक ९ गते मिङबोला हिमालमा अन्तिम सम्पर्क भएको थियो ।
खाङतेगा ६ हजार ७८२ मिटर अग्लो पिक मानिन्छ ।
![चिकित्सा सेवा आयोगको प्रतिवेदन ६ वर्षपछि सार्वजनिक [प्रतिवेदनसहित]](/public/images/1712760945-282848.jpg "चिकित्सा सेवा आयोगको प्रतिवेदन ६ वर्षपछि सार्वजनिक [प्रतिवेदनसहित]")
