23 Baishak, 2081 / 5 May , 2024
काठमाडौं, २६ असार । मनाङ एयरको हेलिकप्टर दुर्घटनामा परी निधन भएका ६ जनाकाे शव फेला परेकाे छ । उक्त दुर्घटनामा परेर ६ जनाको निधन भएकाे पुष्टि विमानस्थलका महाप्रवन्धक प्रतापबाबु तिवारीले गरेका छन् ।
मनाङ एयरकाे ९एन एएमभी (एएस५०) काे हेलिकप्टर बिहान १० बजेर १३ मिनेटदेखि सम्पर्कविहिन भएकाे र साेलुखुम्बुकाे लिखुपिखे वार्ड नं ५ लामजुरा नजिक भेटिएकाे थियाे । पाइलट लगायतका अन्य पाँच जना यात्रुहरूकाे शव स्थानिय तथा प्रहरीले फेला परेकाे पनि विमानस्थलका तिवारीले जानकारी दिए । उद्धार कार्यमा २ एल्टिच्युड हेलिकप्टर परिचालन गरिएकाे थियाे ।
खराब माैसमी अवस्थाका कारण दुर्घटनास्थलमा हेलिकप्टर अवतरण गर्न सकिएकाे थिएन । जसकारण उद्धारका लागि पुगेका दुई वटा हेलिकप्टर भकान्जे नजिकअवतरण गरिएकाे छ । अहिले शवहरु संकलन गरी काठमाडौं ल्याउने पहल भइरहेको छ ।
यसैगरी, सिम्रिक एयरकाे अर्काे हेलिकप्टर पनि उद्धार कार्यका लागि परिचालित गरिएकाे छ ।
