27 Baishak, 2081 / 9 May , 2024
काठमाडौं, २६ माघ । कोशी प्रदेश सरकार विस्तार भएको छ। मुख्यमन्त्री केदार कार्कीले ४ मन्त्री र २ राज्यमन्त्री थप्दै सरकार विस्तार गरेका हुन्।
कांग्रेसबाट प्रदीप सुनुवार र रामकुमार खत्री मन्त्री बनाएका छन्। सुनुवारले स्वास्थ्य मन्त्रालयको जिम्मेवारी पाउँदा खत्रीलाई उद्योग कृषि तथा सहकारी विकास मन्त्रालयको जिम्मेवारी दिइएको छ।
यस्तै, माओवादीबाट मन्त्री बनेका नारायण बुर्जामगरले समाजिक विकास र राजेन्द्र कार्कीले खानेपानी, सिँचाइ तथा उर्जा मन्त्रालयको जिम्मेवारी पाएका छन्।
राज्यमन्त्रीमा इन्दिरा थापा र आन्तरिक मामिला तथा कानुन राज्यमन्त्रीमा सुनिता कुमारी गुरूङ नियुक्त भए। उनीहरु दुवै कांग्रेसका हुन् ।
वर्तमान सरकारमा आन्तरिक मामिला तथा कानुनमन्त्रीमा शम्शेर राई, पर्यटन, वन तथा वातावरणमन्त्रीमा गणेश उप्रेती र भौतिक पुर्वाधार विकासमन्त्रीमा कमलप्रसाद जबेगु मन्त्री छन्।