16 Baishak, 2081 / 28 April , 2024
काठमाडौं, २९ माघ । सुनसरीको इनरुवाबाट प्रहरीले १ करोड ८२ लाख ५१ हजार रुपैयाँ नक्कली नोट बरामद गरेको छ । नेपाली १ हजार दरका नक्कली नोटहरू बरामद गरेको सुनसरी प्रहरी प्रमुख एसपी विपिन रेग्मीले जानकारी दिए ।
उनका अनुसार भारतीय स्करपियो गाडीमा राखेर ल्याउँदै गरेको अवस्थामा इनरुवा नगरपालिका–४ स्थित सुनसरी खोलाको पुलनजिकबाट आइतबार नोटहरू बरामद गरिएको हो ।
ट्राफिक प्रहरीले शंकास्पद अवस्थाको स्कारपियो गाडी रोकेर खानतलासी गर्दा पछाडि लुकाएर राखिएको नक्कली नोट बरामद भएको एसपी रेग्मीको भनाइ छ । नक्कली नोट बोराभित्र झोलामा राखेर ल्याइएको अवस्थामा भेटिएको थियो ।
