19 Baishak, 2081 / 1 May , 2024
काठमाडौं, ६ वैशाख । युनाइटेड अरब इमिरेट्स (यूएई) मा आएको बाढीमा परेर एक नेपालीको मृत्यु भएको छ। आबुधाबीस्थित नेपाली दूतावासका अनुसार भरतपुरका मोहन पुनको बाढीमा परेर ज्यान गएको हो।
पुन यूएईको शारजाहबाट अजमान जाने बाटो रहेको पुल नजिक बाढीमा परेको दूतावासले जनाएको छ। उनले सोही स्थानमा रहेको बेल क्याफे रेस्टुरेन्टमा काम गर्दै आएको दूतावासले बताएको छ।
यूएईमा दुई दिनदेखि परेको वर्षापछि बाढी आइरहेको छ। बाढीका कारण यूएईका सरकारी कार्यलय बन्द रहेको दूतावासले जानकारी दिएको छ।